Israelƒuɔ Bɔlɛ 22:18 - Katɔti Ɔku Kedee

¹⁸ “Na uleku biala matɛya kalɛ beebó like ni, bɔdu ɔlɛka badu-nwu.

Israelƒuɔ Bɔlɛ 22:18 Referans Kwoze

Lewiƒuɔ Ɔda Bubo 20:27

“ ‘Si ɔnana iye uleku ɔdi ɔkya-mii akɔ na uubó like iye uuye bekpine ala teenu ni, ɔlɛka bibo-nwu atabi bɛdu. Na bana ubugya ɔdubɔsia ama alati lili.’ ”

Samuel 1 28:3

Na uwi ɔmmɔ ƒui kemmo ni, Samuel úukpi, na Israel kadi bekyuli béewulo-nwu báva na anwu ɔlati nwuna ɔma na Rama. Na like bebone ku bani ƒui mɔɔkpali bekpine taatɛmiku-ma ni, Saul ɔ́bɔku-ma na kalɔ kammɔ ƒui lɛlɔ.

Lewiƒuɔ Ɔda Bubo 20:6

“ ‘Ukyuli ɔni ndubusie bekyuli bani muubó like iye baakpali bekpine teeye ala teenu kudɔ na ama ku bekyuli bammɔ baabla lɛyalɛ ala ni, ndubo mina anumi budie bɔlɛ ukyuli ɔmmɔ. Na ndubɔda-nwu lidie nwuna badi akɔ.

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Lewiƒuɔ Ɔda Bubo 19:31

“ ‘Ɔdi utatálɔ ayu iye bekpine badi uteye lɛla lɛdi utenu ɔmmɔ ɔdububile-mii na biteese lɛlɔ. Ami ndi Unwoti bina Katɔti.

Lewiƒuɔ Ɔda Bubo 19:26

“ ‘Ukyuli ɔdi biala utadi lɛna lɛni na ubugya ɔmu ɔkya-ni kemmo. “ ‘Bitebo like iye bɛbla evo ala.

Yesaia 19:3

Na enu adubɔƒɛ Egyipteƒuɔ. Na libile bana kɔkwɛ ƒui, na beye kasiakɔ basiku bana baƒiɔ ku bekpine, ku bekebone ku bevone kudɔ banɔ.

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Batalane Kabla 19:19

Amu na bana akɔ bani náƒɛ evo béti bana evo lɛku ku lɛsɛbɛ béboku na bákyula-nya na bekyuli anumi. Lɛku lɛmmɔ ƒui kuye kɔdubɔbla aani sika ɔƒualadi mpim liti.

Samuel 1 28:9

Amu na uleku ɔmmɔ údie kenye ɔnini, “Bɛgyi ka Ɔga Saul ɔ́bɔku bekpine bɔkpali ku like bebone ku bani ƒui mɔɔbla ala ammɔ udu údie kalɔ kamɛni lɛlɔ. Na bi ɔsu na bɛɛyɔ́ bɛkya-mi litemi kemmo, na bɛɛkywɛ-mi kakpagyuɛ bɛnii ntaakpali bekpine teete-mi?”

Yeremia 27:9

Ɔƒɛni kalɛ bibo bekyuli badi na bina lɛga kɔdikɔ bani mɔɔsu ka ama baanu taati ala ani ndububo abalɛ na bana evo ɔsu iye ka baakpali bekpine iye beegyé ana adi iye baƒiɔ badi baatɛmiku-ma ɔsu. Nsu si bana ɔdi ɔɔsu-mii ɔnii bitenu Nebukadnesar litemi ni, bitakpete-ma.

Yeremia 27:10

Ɔsika si bínu bana ɔkɔ etemila ammɔ udu ni, ndubɔya na bakpɛ-mii kalɔ batɔlɔku bina kalɔ lɛlɔ besienku ɔgyu kaaka na batádu-mii na mmɔ.

Lewiƒuɔ Ɔda Bubo 18:23

“ ‘Útalɛka ukyuli ɔdi ku ebuo batɛ na ɔya na nwuna lɛlɔ liteese lɛlɔ. Na útalɛka uleku ɔnyonu lɛlɔ ute ebuo na ɔtɛnku-nwu, ɔsika ɔdi kekuma lɛla lɛni bekisi geen.

Lɛkpa Ulu 27:21

‘Ewida asiaku ukyuli ɔni na anwu ku ebuo baatɛ.’ Na ɔlɛka bekyuli batuna banii, ‘Ɔsia lɛni.’