Israelƒuɔ Bɔlɛ 21:26 - Katɔti Ɔku Kedee

²⁶ “Ɔƒɛni si ɔnana ɔdi úbo nwuna kabla ɔblane ɔnanabi iye ulekubi na ɔ́bwɛ-nwu lɛnumi ni, ɔlɛka udie kabla ɔblane ɔmmɔ ulu na ɔtɔlɔ ƒaa aani likpidi lɛni na ɔ́bla-nwu ku nwuna buye lili kayu bɔƒɔ.

Israelƒuɔ Bɔlɛ 21:26 Referans Kwoze

Koloseƒuɔ 4:1

Amii benwoti bani mbo kabla bablane ni, bɛda-ma na bɛnu-ma lɛlɔ kaduɛ. Ɔsika amii lɛnɔ bɛgyi ka bibo Unwoti ɔni nkya katɔ.

Eƒesoƒuɔ 6:9

Na amii benwoti lɛnɔ ni, bɛbla lɛni kani bite bekyuli bani mɔɔbla-mii kabla. Bitakya-ma liƒu, ɔsika bɛgyi ka amii ku-ma ƒui lɛnɔ bibo Unwoti unwi na katɔ ɔni naaanu bekyuli anumi taatɛ litemi.

Kɔgya 10:18

Na bekpinebi ku bani na baanya taakya ni, adubɔtɛ bana litemi ete-ma na badi ubo kalɛ na likpidi bablane basɔ balákɛ ɔyikun ɔdi na bataabla-ma kalala na bataayila-ma lɛnɔ.

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 9:12

Ɔsika Katɔti ulayiƒala kalɛ na ɔni bekyuli bani néwi bekyuli ubugya kalɔ kɔtu. Na uleni bekyuli bani muuwulo taakpali-nwu keku na kalɛ na beekpóku-ma ɔsu.

Nehemia 5:5

Nsu ina ka abu ku Yudaƒuɔ benwi bɔdi na bula bebi lɛnɔ bese aani bana badi ni, búuti bula bebi badi búye búte-ma kalɛ na buti bɔƒɔ kayu kammɔ. Báƒɔ bula begblebi badi, na ɔƒɛni bɔsɔ bulati lɛla lɛni bɔbla. Ɔsika békpeli bula mmo ku adingyii mmo báƒɔ bula enu kemmo.”

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Israelƒuɔ Bɔlɛ 21:20

“Na si ɔdi úti ugyii na ɔ́ƒiɛmi nwuna kabla ɔblane ɔnanabi iye ulekubi na úkpi kɔnakunwi ni, ɔlɛka bani ukyuli ɔmmɔ kɔtu.

Israelƒuɔ Bɔlɛ 21:25

Na si bɔkyula bɔdi ni, na bakyula anwu lɛnɔ. Si ɔlɛ na ɔ́ƒɔ ni, na baya anwu lɛnɔ ɔƒɔ ɔlɛ ɔmmɔ. Na si bɔvumi bɔdi ni, na bavumi anwu lɛnɔ.

Israelƒuɔ Bɔlɛ 21:27

Na si úbo-nwu na nwuna lɛnyi lɛ́kpa ni, ɔlɛka udie-nwu ulu na ɔtɔlɔ ƒaa na lɛnyi lɛni na ɔ́kpa-nwu mmɔ ɔsu na unwini likpidi lɛni na ɔ́bla-nwu ku nwuna buye lili kayu bɔƒɔ.

Israelƒuɔ Bɔlɛ 21:24

lɛnumi na lɛnumi kenye, kenye lɛnyi na lɛnyi kenye, kɔnu na kɔnu kenye ɔgba na ɔgba kenye.