Israelƒuɔ Bɔlɛ 21:2 - Katɔti Ɔku Kedee

² “Si ukyuli ɔdi ɔ́ƒɔ Hebrini ɔdi ɔkpa ka utaabla kabla teete-nwu ni, ɔkpa ukyuli ɔmmɔ ɔlɛka ɔkya-nwu kudɔ akwa aku kani. Na si údu lɛkwa maatɛdi lɛlɔ ni, ɔlɛka udie-nwu ulu, na utaƒɔ-nwu lɛla biala.

Israelƒuɔ Bɔlɛ 21:2 Referans Kwoze

Lɛkpa Ulu 15:18

Na si uwi údu ka bɛnyonu bekyuli bani mɔɔbla kabla mɛni ni, ɔdi utakyaku-ma unyeƒi ɔdi. Ɔsika akwa aku ani na bákya-mii kudɔ mmɔ kabla kani na bábla béte-mii ni, kétulo ama bani mɔɔƒɔ́ limeyi ndi limeyi lɛyuƒɔla kunyɔ. Na si bɛ́bla ɔmɛni ni, Katɔti ɔdubuteete-mii kusɛ kusɛ na lɛla biala bɛɛbla kemmo.

Israelƒuɔ Bɔlɛ 12:44

Nsu ukyuli uyedi ɔni na ɔkya-mii akɔ si úkulo nwuna lego ni, ubo kuƒi ka ɔdi adila ammɔ adi.

Nehemia 5:8

Na lɛ́su-ma nnini, “Ama bani na béye-ma béte bekyuli bani naaadi Yudaƒuɔ ni, bɔ́bla kalɛ na bɔkana, na bɔ́ƒɔ-ma bɔ́siku bekyuli bammɔ kudɔ. Nsu amii binye bina banwani lɛlɔ kalɛ na beti lɛlɔ beye bete-mii, na amii lɛnɔ bɛsɔku-ma biye bite-bu.” Na benengu bammɔ bába lɛsɛ, ka beeebo kulɛla na basu ɔsu.

Lɛkpa Ulu 31:10

Na úbo-ma ɔda ɔnini, “Na lɛkwa maatɛdi biala kawɔlɔkɔ kani ndi ukyulikpana kayu butitaakyiɛ lɛkwa na Kevo Kemmo Bulie Emeyi bɔdi kemmo ni,

Lɛkpa Ulu 15:1

Na lɛkwa maatɛdi biala lɛlɔ ni, si Israelni ɔdi ɔda ɔkpanadi kayu ni, na uti kayu kani na ɔda-nwu mmɔ ɔkyiɛ-nwu na lɛkwa lɛmmɔ kemmo.

Israelƒuɔ Bɔlɛ 22:3

Nsu si kadi kéegye nwaa asa na ɔ́du-nwu ni, na ɔ́ƒiɔ ka úwi ubugya kalɔ keeke. “Uyune ɔlɛka ɔƒɔ lɛla lɛni na úyu kayu. Nsu si uuubo egulabi ani na uti ɔƒɔ kayu kammɔ ni, ɔlɛka beti anwu ɔlati beye na beti baƒɔ kayu kammɔ.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Mateo 18:25

Na ka ɔnana ɔmmɔ uuubo lɛla lɛni na ɔkana kayu kammɔ bɔƒɔ ɔsu ni, ɔga ɔmmɔ údie lɛdi ɔnii beti anwu ku ulekudi ku nwuna bebi ku ala ani ƒui na ubo beye na baƒɔ kayu kammɔ.

Baga 2 4:1

Ukpinele ɔdi na nka ɔgyani ɔ́kya kenye bediene lɛkpa kemmo úsie Elisa kudɔ na ɔ́su-nwu ɔnini, “Ati, mina ɔgyani úkpi. Na aani kalɛ na agyi ni, ɔdi ukyuli ɔni mɔɔyia Katɔti geen. Na mina ɔgyani ukyuli ɔni na ɔda kayu ɔdubo ubeti mina bebi bananabi inyɔ ɔtɔlɔku na bátátaabla-nwu kabla.”

Ala Kalɔ Buse 27:36

Amu na Esau ɔ́su ɔnini, “Ɔɔɔdi keeke na baalɔ-nwu banii Yakob ɔni kalɔ ndi ala bukpeli taaƒɔ. Ɔ́tɔlɔ-mi kunyɔ kɔmɛni ƒui. Ɔ́ƒɔ-mi lɛwɔnengu. Na ɔ́sɔ ɔ́ƒɔ-mi kusɛ kusɛ.” Na ɔmmɔ kama ni, úye ɔti ɔnini, “Anwuɔsu étebu kusɛ kusɛ ɔmmɔ ɔdi étese ami anwu?”

Ala Kalɔ Buse 27:28

Muuvele Unwoti Katɔti nnii nwuna katɔ kusɛ kusɛ uwi-ɔ lɛlɔ aani amii, na ute-ɔ kalɔ kani nélie lɛmwi. Na akɛ edula pii ku ntɛ bɔwɔdi.

Israelƒuɔ Bɔlɛ 21:3

Si uwi údu ka edie ukyuli ɔmmɔ ulu na uuubo uleku ni, nyonu-nwu na ɔtɔlɔ anwu lɛti. Nsu si ɔdanku uleku ni, na anyonu anwu ku ulekudi na batɔlɔ.

Israelƒuɔ Bɔlɛ 21:7

“Na si ukyuli ɔdi úti ubidi ulekubi úye ni, anwu uuubo kuƒi ka ɔkɛ bɔnwuna aani kalɛ na baanyonu banana.

Lewiƒuɔ Ɔda Bubo 25:54

“ ‘Na ina ukyuli uyedi ɔmmɔ útakɛ ukyuli ɔni na ɔƒɔ-nwu lili kayu ni, si Kayu Buti Taakyiɛ Lɛkwa lídu ni, ɔlɛka banyonu anwu ku nwuna bebi na betesie,