Israelƒuɔ Bɔlɛ 20:23 - Katɔti Ɔku Kedee

²³ Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 20:23 Referans Kwoze

Esekiel 20:39

“Amii Israelƒuɔ bɛsɔ binye bina baƒiɔ bɔkpa lɛlɔ kani, ɔsika lɛɛɛdubo bɔya na binye biteedie-mi lɛlɔ ɔbu na biteeti etela teete baƒiɔ bammɔ lɛni, ɔsika biiibo lɛla bamba lɛdi na bɛƒuna bite lɛlɔ utulo ka binu-mi litemi!

Seƒania 1:5

Na bani ƒui muulie bana lɛtɔ katɔ taakpali ayabi iye baakya lili kalɔ teete Milkom baƒiɔ, nsu baanyi ɔkɔ ka basiaku-mi kama siin ni, ndubo bana ƒui udu bɔyila.

Baga 2 17:33

Ɔmmɔ ɔsu bekyuli bammɔ baakpá Unwoti na basɔ baakpá bana baƒiɔ lɛnɔ kalɛ na bana ɔma ɔni bási ɔdi ɔɔtina.

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Israelƒuɔ Bɔlɛ 32:31

Amu na Mose ɔ́sɔ únwini úsie-nwu kudɔ na ɔ́su-nwu ɔnini, “Bekyuli bamɛni bábla likpidi bonwu, ɔsika béti sika ugyiedi bávɔ ɔti bamba ɔdi béte lɛlɔ na bákpa-nwu.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Esekiel 43:8

Israel baga bátu bana lɛtɔ na lide mina kakpakɔ suɛlɛ suɛlɛ ɔni na kowodu kani nkya ntɛ. Nsu baga bamɛni bákya-ma kɔƒa na bana likyulikpi ala bɔbla ɔsu. Anwuɔsu na líti kɔnyi lɛ́kya-ma geen na lɛ́yila-ma udu.

Baga 2 17:41

Na ina ka bekyuli baakpá Unwoti ni, bamu bakya baabla kabla teete bana baƒiɔ. Na úti úbedu ɔmwi kadi kamɛni lɛlɔ ni, bana bebi ku bawɔ lɛnɔ bámu bakya baabla ala ani na bana bati bábla.

Israelƒuɔ Bɔlɛ 34:17

“Teti lɛbuala tabla baƒiɔ badi na ataakpa.

Lewiƒuɔ Ɔda Bubo 19:4

“ ‘Ɔdi utesie utatákpa baƒiɔ badi iye ɔvɔ baƒiɔ badi use lɛlɔ. Ami ndi Unwoti bina Katɔti.

Lɛkpa Ulu 27:15

“ ‘Ewida asiaku ukyuli ɔni nánwi iye ɔ́vɔ baƒiɔ badi na úti ɔ́bla lɛla lɛni muusé Unwoti lɛlɔ. Ɔsika lɛla ndi lɛla lɛni udu na ukyuli úti nwuna kɔnu ɔ́bla úse úte lɛlɔ na bɔbɛ kemmo ni, ɔ́ƒiɔ Katɔti.’ Na ɔlɛka bekyuli bammɔ ƒui basu banii, ‘Ɔsia lɛni.’

Lɛkpa Ulu 29:17

Na bɛ́nu kalɛ na baakpá ala ani muusé lɛlɔ ku ala ani na béti egyii ku atabi bánwi ku ala ani na béti sika ɔƒualadi ku ugyiedi bávɔ.

Litemi Batɛne 17:3

Na Mika úti sika ɔƒualadi ebi amɛni úsienku uni. Na uni ɔ́su-nwu ɔnini, “Kalɛ na ewida amɛni elebo-ɔ lɛlɔ ɔsu ni, ami ɔlati muusé kenye ka ndubuti sika ɔƒualadi ebi amɛni lite-ɔ na eti akpa ete Unwoti. Na eti-nya avɔ kɔlɛmii na anwi ala na eti sika ɔƒualadi ebi ammɔ akwa-nya lɛlɔ.” Ɔmɛni ɔsu úti ala ammɔ ɔ́kya Mika enu kemmo.