Israelƒuɔ Bɔlɛ 20:2 - Katɔti Ɔku Kedee

² “Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Israelƒuɔ Bɔlɛ 20:2 Referans Kwoze

Lɛkpa Ulu 5:6

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Lewiƒuɔ Ɔda Bubo 26:13

Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kalɛ na bɛsɔ bilénwini kabla bablane bilete Egyipteƒuɔ. Na ami náƒɛ kɔgba kɔni nda-mii ƒui kalɛ na ɔdia-mii na bɛkɔliku bina eli katɔ na bisie bɛvi kaduɛ.

Kɔgya 81:10

Ami ndi bina Unwoti Katɔti ɔni nákpanku-mii ɔ́siku Egyipte kalɔ lɛlɔ. Ndubɔya na bimo ku ala abuni ƒui si bɛ́nyonu lɛlɔ ƒui bíte-mi.

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Lewiƒuɔ Ɔda Bubo 19:36

“ ‘Biti akyami akɔkula ku unu akɔkula ani námanku bitaakɔku ala. Ami ndi Unwoti bina Katɔti ɔni nákpanku-mii ɔ́lɛku Egyipte kalɔ lɛlɔ.

Lɛkpa Ulu 7:8

Nsu Katɔti ɔ́ƒuna-mii, ɔsika ɔɔyɔ́-mii litemi na úse bina bati kuuku kenye úse ɔsu. Na ɔkɛnku nwuna ɔyikun bonwu kenye na úkpo ɔ́ƒɔ-mii ɔ́lɛku Egyipteƒuɔ ɔga enu kemmo kesii kani na nka únye-mii lɛlɔ na bɛ́kya bɛɛbla kabla teete-nwu.

Lɛkpa Ulu 5:15

Na ɔlɛka binyimo ka uwi ɔni návi kemmo ni, bɛdi bekyuli bani na bénye-mii lɛlɔ ka bitaabla kabla teete-ma. Na ami ɔni ndi bina Unwoti Katɔti néti mina ɔyikun bonwu ku ɔlɔkplu kpakplaa na lídie-mii lɛ́lɛku mmɔ. Ɔmɛni ɔsu na muubó-mii ɔda ka bitabla kabla kadi lɛnwunameyi lɛlɔ.

Lewiƒuɔ Ɔda Bubo 23:43

Babla lɛni kalɛ na bina bawɔ banu bati ka uwi ɔni na Israelƒuɔ bákya Egyipte kalɔ lɛlɔ ni, ami Unwoti lɛ́ya na bílie nvo kemmo. Ami Ndi Bina Unwoti Katɔti.’ ”

Lɛkpa Ulu 15:15

Na binyimo ka amii lɛnɔ bɛ́ɛbla bekyuli kabla na Egyipte kalɔ lɛlɔ dii. Nsu bina Unwoti Katɔti úbada-mii údie lɛbibo lɛmmɔ kemmo na bɛ́kɛ bɔnwuna. Anwuɔsu na uubó-mii ɔda ɔmɛni.

Lɛkpa Ulu 13:10

Bibo-nwu atabi bɛdu. Ɔsika ɔɔyɔ́ ka ɔtɔlɔ-mii na ɔda bina kasusu udie bina Unwoti Katɔti lɛlɔ anwu ɔni nédie-mii ɔ́lɛku Egyipteƒuɔ kalɔ lɛlɔ kesii kani nka bénye-mii lɛlɔ na bɛkya bɛɛbla bekyuli bamba kabla.

Lewiƒuɔ Ɔda Bubo 26:1

“ ‘Ɔdi utavɔ baƒiɔ badi iye use lɛtabi lɛdi iye ɔnwi lɛtabi lɛdi ɔbla-ni kedee use lɛlɔ utaakpa na kalɔ kani lɛlɔ bísela bitélie mmɔ lɛlɔ. Ami ndi bina Unwoti Katɔti.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Kɔgya 50:7

Mina kadi bekyuli Israelƒuɔ, binu. Ami ndi Katɔti bina Unwoti na ndubo-mii litemi bɔtɛku na lidie bina ala ani bɛ́bla bɛ́ƒiɔ ƒui lɛtina.

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 3:29

Munuu ni, Yudaƒuɔ lɛti pɛ ɔdi na Katɔti ɔdi? Na ɔɔɔdi bani naaadi Yudaƒuɔ ama ɔdi? Ɛɛn, ɔdi ama lɛnɔ ɔdi.

Yeremia 31:1

Unwoti ɔnini, “Israel, líse kenye ka Limeyi lɛdi lɛdubo ni, ƒula adua ƒui bekyuli badubɔsɔ benwini mina badi na ami lɛdi bina Katɔti.

Ala Alɛdi 2 28:5

Ahas ku Yuda kadi bekyuli ƒui bábla likpidi báƒiɔ Unwoti na bénwini kama bákya Katɔti ɔni na bana bati kuuku bákpa. Anwuɔsu na Katɔti úti-ma ɔ́kya Aram kadi bekyuli enu kemmo na bétiku nwuna bekyuli pii bátɔlɔku aani bekyuli biƒiedi bésienku Damasko. Na lɛni kani na Israelƒuɔ lɛnɔ bésusu-ma geen na kekpo kammɔ kéƒie bana bekyuli pii bátɔlɔku.

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 15:13

“Adubɔtɔnku ƒula bekyuli ka aayɔ́-ma uwi ndi uwi ɔsu. Ƒula bekyuli bani na ékpo áƒɔ. Na ɔkɛnku ƒula ɔyikun lɛlɔ ɔsu adubɔtɔnku-ma etéduoku ƒula kalɔ kedee kemmo.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Israelƒuɔ Bɔlɛ 20:1

Amu na Unwoti ɔ́ka ɔda bubo etemila leevu amɛni ɔ́su ɔnini,

Israelƒuɔ Bɔlɛ 29:46

Na mmɔ na bɛdubɔnu bɔti ka ami ɔni ndi bina Katɔti nédie-mii lɛ́lɛku Egyipte kalɔ lɛlɔ.”

Lewiƒuɔ Ɔda Bubo 11:45

Ami ndi Unwoti ɔni nákpanku-mii lɛ́lɛku Egyipte kalɔ lɛlɔ kalɛ na lɛbla bina Katɔti. Ɔmɛni ɔsu bɛbla lɛlɔ kedee ɔsika nse kedee.

Litemi Batɛne 2:1

Uwi ɔmmɔ ni, Unwoti ɔtu ɔdi ɔ́si Gilgal úsie Bokim, na ɔ́kɔ lɛsa úte Israelƒuɔ ɔnini, “Lídie-mii lɛ́lɛku Egyipte kalɔ lɛlɔ, na líti-mii lísienku kalɔ kani líse kenye ka meti mete bina bati kuuku lɛlɔ. Na lɛ́su ka lɛɛɛdubo bɔlɛ bunyimi bɔni na línyimiku-mii mmɔ kama.

Yesaia 43:3

Ami ndi bina Unwoti Israel Katɔti Kedee ɔni mɔɔƒɔ́-mii ngba. Na kalɛ na amii bɛkɛ bɔnwuna ɔsu ni, lídie Egyipte ku Kus ku Seeba kadi bekyuli ƒui atu.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Yeremia 16:14

“Uwi ɔdubo ɔni na bɛdubɔsɔ bibo bibakya-mi lili kalɔ, nsu bɛsɔ bilalɔ-mi bɛnii Ngba Ƒui Katɔti ɔni nédie Israel ɔ́lɛku Egyipte kalɔ lɛlɔ.

Yeremia 34:13

“Ami ndi Unwoti, Israel Katɔti, na línyimi bunyimi bɔdi ku bina bati kuuku uwi ɔni na lɛ́kpanku-mii lɛ́siku Egyipte kalɔ lɛlɔ kesii kani na nka badi bekyuli bamba kabla bablane.

Esekiel 20:7

Lɛ́su-ma nnii bebo baƒiɔ bani na bada baavínku na beesé lɛlɔ mmɔ bevaakun na bada Egyipteƒuɔ baƒiɔ bammɔ bene bɔkpa baya. Na línyimene-ma lɛnɔ ka ami ndi Unwoti Katɔti ɔni kani nátɔnku-ma mmɔ.

Esekiel 20:19

Línyimene-ma ka ami kani ndi bana Unwoti Katɔti ɔni ndanku-ma mmɔ na ɔdi ka benu-mi ala bɔtina na badi mina ɔda bubo lɛlɔ.

Amos 2:10

“Lɛ́ƒɔ-mii lɛ́siku Egyipte kalɔ lɛlɔ, na akwa aavlene sɔɔn na lɛ́da-mii na lɛ́nu-mii lɛlɔ na ketele kalɔ kakwiidi kammɔ kemmo. Na líti Amoriƒuɔ kalɔ líte-mii.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Lewiƒuɔ Ɔda Bubo 25:38

Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ na bísie bítélie Kanaanƒuɔ kalɔ lɛlɔ na lɛbla bina Katɔti.

Lewiƒuɔ Ɔda Bubo 25:42

Ɔsika Israelƒuɔ badi mina kabla bablane bani na lídie lɛ́lɛku Egyipte kalɔ lɛlɔ, anwuɔsu utalɛka beti bana ɔdi beye bete ukyuli ɔdi na unwini-nwu kabla ɔblane.

Lewiƒuɔ Ɔda Bubo 25:55

ɔsika kabla bablane na Israelƒuɔ badi-mi. Badi mina kabla bablane bani na lidie lɛ́lɛku Egyipte kalɔ lɛlɔ. Ami ndi Unwoti bina Katɔti.’ ”

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Litemi Batɛne 6:10

Lɛ́su-mii ka ami ndi bina Unwoti Katɔti, na ɔdi utakpa Amoriƒuɔ baƒiɔ na kalɔ kani lɛlɔ na bilie mɛni ɔƒɛni. Nsu bítenu mina litemi.”

Baga 1 18:39

Amu ka bekyuli bammɔ ƒui bánu ɔmɛni ni, báyu bátɛ kalɔ na baava momoomo na baasu banini, “Unwoti ndi Katɔti! Unwoti ndi Katɔti!”

Baga 2 17:7

Ala amɛni ƒui álɛku Israelƒuɔ na likpidi lɛni na bábla báƒiɔ bana Unwoti Katɔti ɔni nékpo ɔ́ƒɔ-ma ɔ́lɛku Egyipteƒuɔ kalɔ lɛlɔ ku bana Ɔga Ƒarao enu kemmo ɔsu. Bákya bátaakpa baƒiɔ lidu bamba,

Baga 2 17:12

Na bakya baakpá baƒiɔ ina ka Unwoti ɔ́su-ma ɔnini, “Bitabla ala amɛni udu.”

Kɔgya 81:7

Ka biibó abi na bɛ́kpali-mi ni, línu líte-mii na lɛ́si kesii kani nábɛ-mii na liƒlukutu ku katɔ budu kemmo na líbo ḿbedie-mii. Na lɛ́kɔku-mii lɛ́nu na Meriba kesii kani na ntu bɔ́lɛ.

Kɔgya 81:11

“Nsu mina kadi bekyuli béni ɔmɛni na balaƒɔ-mi litemi na badi-ni lɛlɔ.

Esekiel 20:5

“Na asu-ma ka ami Unwoti Katɔti náƒuna Israel ɔ́si kukuuku ka benwini mina kadi bekyuli. Na lídie lɛlɔ lɛ́tina bana bati kuuku na Egyipte kalɔ lɛlɔ na líse kenye kpakplaa líte-ma ka ami ndubɔdi bana ama ku bana bawɔ lɛnɔ Katɔti.

Hosea 12:10

Lɛ́tɛmiku mina kenye bediene na lɛ́ya na bánu kɔyu kemmo ala. Na lɛ́sia-ma lɛlɔ líbo-mii agba na líte-mii bɔti na ala pii lɛlɔ.”