Israelƒuɔ Bɔlɛ 20:16 - Katɔti Ɔku Kedee

¹⁶ Tada ukyuli ɔdi kenye.

Israelƒuɔ Bɔlɛ 20:16 Referans Kwoze

Agba 19:5

Ukyuli ɔni mɔɔnyi ɔkɔ teedie etemila kenye ni, ulékeli kɔtu bɔni. Na ɔkɔ ɔnyine ɔdi ulakana na wekeli.

Mateo 19:18

Mmɔ na ɔnana ɔmmɔ úye-nwu ɔnini, “Ɔda bubo bɔmani?” Yesu ɔ́su-nwu ɔnini, “Tadu ukyuli, tadi kɔsɔnɔ, teyu, tada ƒula ukyulikpana kenye,

Kɔgya 15:3

Ukyuli ɔmmɔ ulalɔ bekyuli anyikpi. Na ulabla nwuna ɔkpana likpidi lɛdi. Na ulewi-nwu anumi kalɔ na kadi akɔ.

Israelƒuɔ Bɔlɛ 23:1

“Ukyuli ɔdi utegyingya ɔkɔ etemila. Na ɔdi utenye ɔlalane kama utedie kenye utete-nwu ulu ukpidi lɛlɔ.

Agba 10:18

Ukyuli ɔni muukisi ukyuli na ɔɔbɛla-mu ɔdi ɔkɔ ɔnyine. Na ukyuli ɔni mɔɔlɔ bekyuli anyikpi ɔdi ɔdɔlɔdi.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Timoteo 1 1:10

Na badi bekyuli bani mɔɔdi kɔsɔnɔ ku banana bani mɔɔtɛnku lɛlɔ. Badi bekyuli bani muuyú bekyuli teetéye ku ɔkɔ banyine ku ama bani mɔɔnyi ɔkɔ taakpali ala. Na ama bani ƒui naaasiaku ala bɔtina bɔbuni kama ni, ama na bébo ɔda ɔmɛni béte.

Eƒesoƒuɔ 4:31

Livo lɛda-mii buƒi lɛya na bekyuli lɛlɔ. Bɛya na bekyuli ala ada-mii kayi bɔtu aya. Na bɛda kɔnyi buti bɛya. Na bɛda kadɔ bɔdɔ bɛya. Na bɛsɔ bitalɔ lɛlɔ anyikpi. Na bɛsɔ biteti lɛlɔ kasusu biala.

Batalane Kabla 6:13

Amu na bekyuli bani náda-nwu kenye mɛni básɔ bábada Steƒano kenye ka ni, “Uutemi teewi kakpakɔ kamɛni uwi biala ku Mose ɔda bubo lɛlɔ.

Timoteo 2 3:3

Badi bekyuli bani na ukyuli bamba lɛlɔ lilakywi-ma kaƒɔ, ku bani naaanu kɔnyana. Badi bekyuli bani mɔɔnyi ɔkɔ taada litemi taasia bekyuli lɛlɔ, ku bekyuli bani mbo kalala. Na bana anumi eeese buɛɛ. Na badi bekyuli bani nkisi lɛla lɛbuni.

Agba 11:13

Katɛ ɔtɛne keeke mɔɔví teebo abɛla kudu. Nsu ukyuli ɔni báƒɔ bádi ka ulátɛmi kalɛ kalɛ ni, baasu-nwu kɔbɛtɛ.

Lewiƒuɔ Ɔda Bubo 19:11

“ ‘Ɔdi uteyu. “ ‘Na ɔdi utanyi ɔkɔ. “ ‘Na bitataanyi ɔkɔ taatɔlɔ lɛlɔ.

Lewiƒuɔ Ɔda Bubo 19:16

“ ‘Bitataalɔ bina bakpana anyikpi taavi. “ ‘Na ɔdi utabla lɛla lɛni maya na nwuna ɔkpanadi ngba buduo ɔgbankpi kemmo. Ami ndi Unwoti.

Luka 3:14

Bekpone badi lɛnɔ béye-nwu banini, “Na abu nɔɔ? Bi na ɔlɛka bɔbla?” Amu na ɔ́su ama lɛnɔ ɔnini, “Bɛya na bina lɛyuƒɔla lɛda-mii ebiti. Na bɛsɔ bitasia ɔmɛni kama bitanya ukyuli ɔdi bitamana na bɛƒɔ-nwu egulabi adi iye bitadu ukyuli ɔdi kɔtɔ na ulu ukpidi lɛlɔ.”

Lewiƒuɔ Ɔda Bubo 19:18

“ ‘Tedie likpidi kasi iye ukyuli litemi litakya-a kayi kemmo ku kɔnyi. Mmomu yɔ ƒula ukyulikpana aani ƒula kalɛ.

Lɛkpa Ulu 5:20

Tada ukyuli ɔdi kenye.

Agba 25:18

Ɔkɔ bɔnyi taasia bekyuli uuduo teetulo ka eti kadadi iye kewii iye lɛtula atu ukyuli.