Israelƒuɔ Bɔlɛ 20:12 - Katɔti Ɔku Kedee

¹² Bu ƒ'ɔti ku ƒ'ini na adubulie ngba gyɔlɔɔ, na keyi kayɔku-ɔ na kalɔ lɛlɔ, kalɔ kani na ami Unwoti ƒula Katɔti ndubuti lite-ɔ.

Israelƒuɔ Bɔlɛ 20:12 Referans Kwoze

Koloseƒuɔ 3:20

Na amii bebi ni, binu bina bawɔne litemi, ɔsika ɔmɛni mɔɔda Blɔti ebiti.

Lɛkpa Ulu 5:16

Bu ƒula ɔti ku ƒ'ini aani kalɛ na ami bina Unwoti líbo-mii ɔda na adubulie ngba gyɔlɔɔ na keyi kadubɔyɔku-ɔ na kalɔ kani na líti muute-ɔ lɛlɔ.

Marko 7:10

Mose únweni úse ɔnii, ‘Bu ƒ'ɔti ku ƒ'ini. Na ukyuli ɔni muudumi ɔti iye uni ni, ɔlɛka badu-nwu.’

Agba 30:17

“Anumi ani mɔɔnu ɔti ɔnusɛ teedumi na ulánu ɔnii ɔ́manku ka unu uni litemi ni, baasɛ bekpidi bani nkya kɔwɛ kemmo ndubo bebedie-ma anumi na livuo kemmo na begbini baduli-ma bebweli ƒui.

Lewiƒuɔ Ɔda Bubo 19:3

“ ‘Ɔdi biala uti ɔbu ute ɔti ku uni. Na bɛdi mina Lɛnwunameyi lɛlɔ kaduɛ. Ami ndi Unwoti bina Katɔti.

Luka 18:20

Ngyi ka agyi ɔda bubo bɔni mɔɔsu bɔnii, ‘Tadi kɔsɔnɔ, tadu ukyuli, teyu, tada ukyuli ɔdi kenye, na abu ƒula ɔti ku ƒula uni.’ ”

Mateo 19:19

bu ƒula ɔti ku ƒula uni, na ayɔ ƒula ukyulikpana aani ƒula lɛlɔ kalɛ.”

Agba 20:20

Ukyuli ɔni muuwida ɔti iye uni ni, nwuna ngba ogya uuni.

Israelƒuɔ Bɔlɛ 21:17

“Ukyuli ɔni mewida ɔti iye uni ɔlɛka badu-nwu.

Marko 10:19

Agyi Katɔti ɔda bubo bɔmmɔ ƒui. Tadu ukyuli, tadi kɔsɔnɔ, teyu, tada ukyuli ɔdi kenye, tatɔlɔ ukyuli na aƒɔ-nwu ala, bu ƒ'ɔti ku ƒ'ini.”

Israelƒuɔ Bɔlɛ 21:15

“Na ukyuli biala maƒiɛmi uni iye ɔti lɛla lɛdi ni, ɔlɛka badu-nwu.

Lɛkpa Ulu 32:47

Na ala bɔtina bɔmɛni bɔɔɔdi etemila keeke. Mmomu bɔdanku bina ngba. Anwuɔsu bɛdi ɔda bubo bɔmmɔ lɛlɔ ɔni na bɛdubo Yordan Ketu bɔvia busie butéle kalɔ kani na béti beete-mii mmɔ lɛlɔ.”

Agba 3:16

Lɛnunda lɛdanku ngba gyɔlɔɔ na nwuna kɔdianu. Na nwuna kɔmiinu lɛnɔ kɔdanku lɛkɛ ku ɔbu.

Baga 2 2:12

Amu ka Elisa ɔ́nu ɔpɔnkɔ kɛɛkɛ ɔmmɔ ka ɔ́kɔ úsela katɔ ni, mmɔ na ɔ́va momoomo ɔnini, “Mina ɔti! Mina ɔti! Mɔɔnu ɔpɔnkɔ kɛɛkɛ ɔmmɔ ku Israelƒuɔ bapɔnkɔ beliene bammɔ!” Ɔmmɔ kama Elisa ɔ́sɔ útanu Elia lɛnɔ. Mmɔ kani na úƒie nwuna awu ɔni na ɔkya ɔ́ni-nwu na ɔ́bwɛ.

Lɛkpa Ulu 4:40

Na nwuna ɔda bubo bɔni ƒui líti líte-mii ɔmwi limeyi lɛmɛni lɛlɔ ni, bɛdi-mu ƒui lɛlɔ. Na lɛla biala na bɛɛbla ni, lɛdubɔtɛ lite-mii kaduɛ ku bina bawɔ ƒui. Na ɔmɛni ndubɔya na bilie kalɔ kani na bina Unwoti Katɔti úti uute-mii mɛni ka biti-ka bɛbla bina kadikɔ uwi ƒui.

Lɛkpa Ulu 25:15

Bɛnu ka lɛbuala lɛni na bɛɛkɔ́ku ala unu ku akyami ani na bɛɛkya ala bumomo ƒui adi akɔkula ani námanku.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Agba 30:11

“Bekyuli badi beewida bana bati, na belete bana beni kusɛ kusɛ.

Agba 28:24

Bawɔne buyu na asu anini, “Ɔmmɔ útebile lɛla lɛdi” ni, use aani ukyuli bɔdu.

Agba 15:5

Ɔdɔlɔdi kani muuní ka nwuna bawɔne batumini-nwu. Ukyuli biala ɔni matɛya lɛla lɛdi wasiku bɔƒiɔ bɔni bédie-nwu lɛlɔ ni, ɔ́da anu.

Baga 1 2:19

Uwi ɔni na Bat-Seba úsie Ɔga Salomo kudɔ ka útáda litemi lɛmmɔ ɔ́va-nwu anumi ni, ɔga ɔmmɔ ɔ́ta ka ɔ́nu-nwu na útasiaku-nwu na ɔ́kya-nwu lili kalɔ. Na ɔ́sɔ únwini útélie nwuna liboku lɛlɔ. Mmɔ na ɔ́ya na béti lɛgaboku bamba béboku uni na ɔ́ya na úlie-nwu kɔdianu kakɛ.

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Eƒesoƒuɔ 5:21

Na biboku lɛlɔ kalɔ bite bina lɛlɔ na kalɛ na bɛɛbu Kristo ɔsu.

Lɛkpa Ulu 4:26

Anwuɔsu mɔɔsu-mii na katɔ ku kalɔ anumi ɔmwi limeyi lɛmɛni ka si bítadi litemi lɛni na lɛ́su-mii mɛni lɛlɔ ni, uwi uletu asa na Katɔti ɔdubɔyila-mii udu na kalɔ kani na bísela bitéti binwini bina kadikɔ mɛni lɛlɔ si bɛ́via Yordan Ketu.

Lɛkpa Ulu 5:33

Bɛdi-mu lɛlɔ ƒui kalɛ na lɛla biala bɛdubɔbla lɛtɛ lite-mii na keyi kadubɔyɔku-mii na bilie ngba gyɔlɔɔ na kalɔ kani lɛlɔ bísela bitélie mmɔ.

Lɛkpa Ulu 6:2

Na bina ngba bulie uwi ƒui ni, bɛnu ka amii ku bina bebi ku bawɔ bíti ɔbu bíte bina Unwoti Katɔti. Na bɛ́di nwuna ɔda bubo bɔni ƒui líti muute-mii mɛni, lɛlɔ kalɛ na bilie kalɔ kammɔ lɛlɔ bitu uwi.

Lɛkpa Ulu 11:8

Bɛnu kaduɛ na bɛdi ɔda bubo ku ala ani na lɛ́tina-mii ɔmwi kadi mɛni lɛlɔ ƒui kalɛ na bɛkɛ ɔyikun na bɛvia Yordan Ketu na bitélie kalɔ kammɔ kemmo.

Lɛkpa Ulu 11:9

Na ɔmmɔ ndubɔya na bilie bitu uwi na kakɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ lɛlɔ. Kalɔ kammɔ na Unwoti Katɔti úse kenye ka wete bina bati kuuku ku bana bawɔ.

Lɛkpa Ulu 21:18

Na lɛnɔ ni, bɛya na buti-nwu bɔnii ɔnana ɔdi ɔkya-mii akɔ na ubo ubi atuɔkplune na ɔɔta teenye nwuna bawɔne lɛlɔ. Na ubi ɔmmɔ ulenu bawɔne litemi ina báni-nwu kɔtu.

Lɛkpa Ulu 27:16

‘Ewida asiaku ukyuli ɔni naaabu ɔti iye uni.’ Na ɔlɛka bekyuli ƒui batuna banii, ‘Ɔsia lɛni.’

Agba 17:6

Bawɔ bani na ukyuli ɔ́bi lɛlɔ ɔ́ƒɔ ni, ama ndi-nwu kagabwa kani muukeye. Na bebi bani mbo bawɔne babune ni, kɔƒa kulekpo-ma na bekyuli akɔ.

Yeremia 35:7

Na ɔ́su-bu lɛnɔ ɔnini, ‘Bitatu lɛtɔ na bitesie adingyii mmo bɔdi lɛnɔ. Mmomu biteelie taata ɔ́si likpo linwi úsie likpo bamba. Na si bɛ́di ɔmɛni lɛlɔ ni, bɛdubulie ngba gyɔlɔɔ.’

Yeremia 35:18

Ɔmmɔ kama ni, Unwoti ɔ́su-mi ɔnii nsu Rekabiƒuɔ kɔdua bekyuli ɔnini, “Ami ndi Unwoti Ɔyikune Ƒui, Israel Katɔti. Ka bínu bina ɔti Yonadab litemi na bɛ́di-ni lɛlɔ ɔsu ni,

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Ala Kalɔ Buse 48:12

Ka ɔ́su lɛni ɔ́wɔlɔ ni, Yoseƒ ɔ́da bebi bammɔ na báta Israel lɛgba lɛlɔ na ɔ́yu úbi kalɔ na ɔti anumi mmɔ.

Ala Kalɔ Buse 50:12

Ɔmmɔ kama ni, ɔda ɔni na Yakob úbo nwuna bebi ni, bábla lɛni kani.

Rut Keliela Ɔku 3:6

Anwuɔsu Rut úsie kesii kani beebó edula ammɔ, na útábla lɛla lɛni na ugyieni ɔ́su-nwu mmɔ.

Samuel 1 22:3

Na uwi klukui ɔdi kama ni, Dawid ɔ́tɔlɔ kesii kani na ɔkya mmɔ úsie ɔma ɔni baalɔ Mispa na Moabƒuɔ kalɔ lɛlɔ. Mmɔ na úvele ɔga ɔmmɔ kuƒi ɔnini, “Adubɔtuna na ami ku mina ɔti ku uni ƒui bubelie ƒula kalɔ lɛlɔ, wetédu ka lɛ́nu lɛla lɛni na Katɔti ɔɔwia ka lɛbla lɛti?”