Israelƒuɔ Bɔlɛ 20:11 - Katɔti Ɔku Kedee

¹¹ Ɔsika emeyi aku kemmo na Unwoti údie katɔ ku kalɔ ku ɛpu ku ala ani nkya-nya kemmo, nsu ɔ́nwuna limeyi maatɛdi lɛlɔ. Anwuɔsu Unwoti údie Lɛnwunameyi sɛsɛɛ na úte-ni kusɛ kusɛ.

Israelƒuɔ Bɔlɛ 20:11 Referans Kwoze

Israelƒuɔ Bɔlɛ 31:17

Na bunyimi bɔmɛni bɔdi bunyimi bɔni ndubɔkya ami ku Israelƒuɔ ƒui ntɛ ɔ́si ɔƒɛni úsela uwi ƒui. Ɔsika ami Unwoti líti emeyi aku lídie katɔ ku kalɔ. Na limeyi maatɛdi lɛlɔ ni, lɛ́da kabla lɛ́ya na lɛ́nwuna.”

Batalane Kabla 20:7

Amu na Kwasida limeyi lideedi lɛlɔ ni, bɔ́sala lɛlɔ lisu bɔnii bɔɔdi Blɔti adila. Na ka Paulo ɔdubo bɔtɔlɔ kadi kegye ɔsu ni, útemi laa útédu usientɛ.

Ala Kalɔ Buse 1:28

Na Katɔti úte-ma kusɛ kusɛ, na ɔ́su-ma ɔnini, “Bɛwɔ biyile kalɔ kamɛni ƒui lɛlɔ. Na bɛdi-ka lɛlɔ ku bebweyi bani ƒui nkya-ka kemmo.”

Batalane Kabla 4:24

Amu na baƒɔtaadine bamɛni ƒui bása lisu na bákpali Unwoti banii, “O Ati, awɔ nédie katɔ ku kalɔ ku ɛpu ku ala ani ƒui nkya-nya kemmo.

Batalane Kabla 14:15

básu banini, “Ati bene, bi na bɛɛbla mɛni? Abu lɛnɔ bekyuli bayawine kani na bɔdi aani amii kalɛ. Búbo mɛni bɔnii buuti litemi buni lɛmɛni buboku-mii. Bɛda ala keeke amɛni udu kama bɔsiaku bɛya na binwini biteemwi Blɔti ɔni mbo ngba. Anwu nédie katɔ ku kalɔ ku ɛpu ku ala ani nkya-nya kemmo ƒui!

Hebriƒuɔ 4:4

Ɔsika na Bunweni Kedee Ɔku kemmo ni, bénweni lɛla lɛdi na limeyi maatɛdi lɛlɔ banini, “Na limeyi maatɛdi lɛlɔ ni, Katɔti ɔ́da kabla ƒui ɔ́ya na ɔ́nwuna.”

Budie Taatina 10:6

Na ɔ́kpali ala ɔ́lɔ Katɔti lɛnyi. Ɔ́lɔ Anwu ɔni nli ngba ɔ́si ɔƒɛni úsela ƒui ɔni nédie katɔ ku kalɔ ku ɛpu ku ala ani nkya-nya kemmo ƒui. Na ɔ́su ɔnini, “Katɔti ɔsɔ ulebile uwi!

Israelƒuɔ Bɔlɛ 8:22

“ ‘Nsu limeyi lɛmmɔ lɛlɔ ni, Gosen kalɛkɛ kesii kani na mina bekyuli belie aka ni, alɔlɔ biala ɔɔɔdubo mmɔ bɔkya. Ndubɔbla ɔmɛni na Ƒarao ɔnu ɔti ka ami ɔni ndi Unwoti nkya kalɔ kamɛni kemmo.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Lɛkpa Ulu 5:15

Na ɔlɛka binyimo ka uwi ɔni návi kemmo ni, bɛdi bekyuli bani na bénye-mii lɛlɔ ka bitaabla kabla teete-ma. Na ami ɔni ndi bina Unwoti Katɔti néti mina ɔyikun bonwu ku ɔlɔkplu kpakplaa na lídie-mii lɛ́lɛku mmɔ. Ɔmɛni ɔsu na muubó-mii ɔda ka bitabla kabla kadi lɛnwunameyi lɛlɔ.

Yesaia 42:10

“Bɛsu kayawi ƒui na bedie ɔnu ɔwɔdi bete ami Unwoti. Na bɛsu bani ƒui nkɛ ɛpu anumi baaví ku bani nli kalɔ ɔgyu kakaaka ƒui bɛnii basalaku-mii na beti bumwi bete-mi.

Yesaia 48:13

Ami ɔlati néti mina enu na lídie kalɔ na líbimi kayaa lɛ́ƒala katɔ na beenú-mi lɛdi uwi biala na lɛ́kpali-ma.

Ala Kalɔ Buse 1:31

Katɔti ɔ́nu ala ani ƒui na ɔ́bla na adia-nwu sɔsɔ. Na useyi údu na kadi kégye na limeyi lɛkundi lɛ́vi.