Israelƒuɔ Bɔlɛ 2:3 - Katɔti Ɔku Kedee

³ Nsu ka ɔ́nu ɔ́ti ka ubiwɔ ɔmɛni ɔsɔ uládia bɔbɛla ni, ɔ́wia kagyigyɛ kadi na ɔ́wia kɔma ɔ́mana-nwu kemmo ku kama kalɛ na ntu bulakana-ka kemmo buduo. Amu na úti ubiwɔ ɔmɛni ɔ́kya kagyigyɛ kamɛni kemmo. Na úti-nwu útákya ketudɔ alakpi adi akɔ na Nil Ketu kɔtu.

Israelƒuɔ Bɔlɛ 2:3 Referans Kwoze

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Batalane Kabla 7:19

Ƒarao ɔmɛni ɔ́bla bula kadi bekyuli bamɛni kalala na únye-ma lɛlɔ na beeti bana bebiwɔ teetévaakun na beekpi.

Ala Kalɔ Buse 6:14

“Anwuɔsu ti kugyikɛ kɔbuni na anwi ɔkɔlɔ bɔnwu aani ɔtɔ kalɛ te lɛlɔ. Bla lɛtɔ kya-nwu kemmo na akwa-ni kemmo ku kama ku kɔma.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Yesaia 18:2

ama bani nátala batu na bakɛ ɛpu lɛlɔ badubo, na beli lɛkɔlɔ lɛni bánwi ku ketu kemmo ligyii kemmo. Biti usi momoomo na bisie kalɔ kani bekyuli nákuku na bana ɔlɔgyii use suɛlɛ suɛlɛ na ɔɔdia bɔnu kudɔ. Bekyuli bebo-ma lɛlɔ liƒu úsie ɔgyu ɔ́mana na bana kɔnyi ku kalala kani na baabla bekyuli ɔsu, bekyuli bani na ntukpa búle-ma kalɔ kemmo ƒui bɔ́vi.

Mateo 2:13

Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Ala Kalɔ Buse 11:3

Amu na básu lɛlɔ banii, “Bibo na bɛya na bɔnwu lɛti na bukulo atimbɔ na buƒi-nya kaduɛ.” Na atimbɔ ani na béƒi mɛni na béti bátu bana lɛtɔ lɛmmɔ.

Yesaia 19:6

Ntukpa bɔni nákya kenye Nil kemmo ƒui bɔdubo bɔda na buteenwenyi buɛ buɛ. Na Egyipte ntukpa bɔmmɔ butaakpɛ na bɔkwii ƒui, na ketu kemmo egyii mmɔ ƒui ekpi ayii udu na akwii enye,

Ala Kalɔ Buse 14:10

Ɔƒɛni Sidim Ɔkwalɛ ɔmmɔ kemmo ni, libu lɛdi lɛkya mmɔ lɛni kemmo na béku nnɔ tonwu mataa kɔni na beewi lilu. Na uwi ɔni na Sodom ku Gomora baga beekeli ni, bana bekyuli badi bánu libu lɛmmɔ kemmo. Na bakladi békeli bésie abi lɛlɔ.

Yesaia 35:7

Kɔnwinimi kɔni náƒɔ ogya mmɔ kɔdubunwini lɛba na abiɔ alɛ kalɔ kakwiidi kammɔ kemmo ekpo ekpo. Na kesii kani na beƒukutu bátaatɛ kadubunwini kesii kani na livo ku ketudɔ alakpi lidu lɛdubɔkwɛ.