Israelƒuɔ Bɔlɛ 2:24 - Katɔti Ɔku Kedee

²⁴ Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob.

Israelƒuɔ Bɔlɛ 2:24 Referans Kwoze

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Kɔgya 105:42

Ɔsika únyimo linyese kedee lɛni na úse úte Abraham ɔni ndi nwuna kabla ɔblane.

Israelƒuɔ Bɔlɛ 6:5

Na ɔƒɛni ni, línu Israelƒuɔ budumo na kalɛ na Egyipteƒuɔ baabla-ma kalala ɔsu. Na ɔmɛni ɔ́ya na línyimo mina bunyimi bɔni línyimi ku bina bati kuuku.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 102:20

Na únu bekyuli bani na bákya ɔtɔ budumo ku bani na bádu-ma kukpi kɔtɔ ƒui kalɛ na udie-ma.

Kɔgya 22:24

Unwoti ulenwini kama taakya bawabane iye bani muubó abi. Mmomu uunú si bákpali-nwu bévele-nwu kebunku.

Kɔgya 138:3

Limeyi lɛni na líwulo lɛkpali-ɔ ni, énu-mi bɔkpali na ákya-mi kayi na áya na mina kɔyu kɔ́kɛ ɔyikun.

Ala Kalɔ Buse 26:24

Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”

Kɔgya 22:5

Bákpali-ɔ na édie-ma álɛku bana ɔgbankpi kemmo. Ɔsika ƒula lɛlɔ na bana anu asia ɔsu kɔƒa kulékpo-ma.

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Ala Kalɔ Buse 18:18

Abraham ɔdubo bɔwɔ na nwuna kadi bekyuli baƒɔ lɛnyi na bakɛ ɔyikun. Na ɔkɛnku Abraham ɔmɛni lɛlɔ ɔsu na ndubute kayawi kadi ƒui bekyuli kusɛ kusɛ.

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Kɔgya 79:11

Nu batɔntɛne edumo. Na edie bani na báadu-ma kukpi kɔtɔ na ɔgbankpi ɔmmɔ kemmo ɔkɛnku ƒula ɔyikun bonwu ɔni na ebo lɛlɔ.

Ala Kalɔ Buse 32:28

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Batalane Kabla 7:34

Sɔsɔ ni, lɛ́nu lɛbibo lɛni kemmo na mina bekyuli bakya na Egyipte kalɔ lɛlɔ. Na muunú bana keku kani na beewulo taakpali-mi. Anwuɔsu lɛ́yu líbo nnii medie-ma. Bo, na lɛtala-a Egyipte.’

Ala Kalɔ Buse 8:1

Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Ala Kalɔ Buse 15:13

Amu na Unwoti ɔ́ya na Abram ɔ́ti ɔnini, “Ɔbla-a nwaa ka ƒula bawɔ ni, badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane (400) sɔɔn.

Ala Kalɔ Buse 16:11

Na ɔ́sɔ ɔ́su-nwu lɛnɔ ɔnini, “Ada kaƒɔ ɔƒaani, na adubo ɔnanabi bɔwɔ. Na adubo-nwu lɛnyi bɔsia anii Ismael. Ɔsika Unwoti únu ƒula kɔnyana kɔni na eewulo.

Ala Kalɔ Buse 22:16

Na ɔ́su-nwu ka Unwoti Katɔti ɔ́su ɔnini, “Éteni ka eti ƒ'ubidi unwi pɛ akpa ete-mi. Anwuɔsu ni, lɛ́kpali lɛlɔ líse kenye ka

Ala Kalɔ Buse 26:2

Katɔti údie lɛlɔ ɔ́tina Isak na ɔ́su-nwu ɔnini, “Tatɔlɔ tesie Egyipte kalɔ lɛlɔ. Mmomu sɔ lie kalɔ kani na lɛ́tina-a lɛlɔ.

Ala Kalɔ Buse 35:11

Amu na Katɔti ɔ́su-nwu ɔnini, “Ami ndi Unwoti Ɔyikune Ƒui. Wɔ na bimomo! Kadi kadi bekyuli badubɔlɛ basi ƒula kadi bekyuli akɔ. Na baga baga badubɔlɛ basi-ɔ lɛlɔ kemmo.

Ala Kalɔ Buse 35:12

Na kalɔ kani na líti líte Abraham ku Isak ni, aka kani na líti muute-ɔ. Na kalɔ kamɛni na ndubuti lite ƒula kaba kemmo bebi.”

Bumomo Bɔka 20:16

Nsu ka búwulo bɔ́kpali Unwoti ni, únu bula buwulo. Na ɔ́tala nwuna ɔtu ɔdi ɔkya-bu, na úbada-bu údie Egyipteƒuɔ enu kemmo. “ ‘Na ɔƒɛni búusie lɛgba laa búbedu Kedes ɔma ɔni nkya ƒula ɔmii lɛlɔ.

Samuel 1 9:16

Na ɔ́su-nwu ɔnini, “Kɔnaadi aani uwi ɔni kemmo na mɔɔtɛmiku-ɔ mɛni ni, ndubɔya na ɔnana ɔdi ubo-ɔ kudɔ. Na ɔnana ɔmmɔ ɔ́si Benyamin kalɔ kemmo. Wi-nwu lili nnɔmii na ese-nwu likpo na unwini ɔtɔnkune ute mina kadi bekyuli Israelƒuɔ. Anwu ndubo-ma bɔtɔnku na lɛƒɔ-ma na Ƒilistiƒuɔ enu kemmo. Ɔsika lɛla lɛni na bévele-mi ni, línu-ma bɔkpali.”

Baga 2 13:23

Nsu Unwoti ɔ́nu Israelƒuɔ kɔnyana na útete kuƒi na bayila-ma udu. Mmomu úbunku-ma ɔ́si bunyimi bɔni na únyimi ku Abraham ku Isak ku Yakob ɔsu. Anwuɔsu ulátuna ka ɔyila-ma udu úti úbedu ɔmwi kadi.

Kɔgya 102:2

Tabɛla-mi ƒula anumi si líduo ɔgbankpi kemmo. Mmomu se atu na enu-mi bɔkpali. Na ababla na ebo ebebunku-mi.