Israelƒuɔ Bɔlɛ 19:6 - Katɔti Ɔku Kedee

⁶ Na bɛdubɔbla bakpane ku kadi kani bekyuli nse kedee bite-mi.’ Etemila ammɔ lɛsa na ɔlɛka akɔ ete Israelƒuɔ.”

Israelƒuɔ Bɔlɛ 19:6 Referans Kwoze

Budie Taatina 5:10

Awɔ nábla-ma bénwini baga ku bakpane bani mɔɔkpanku bekyuli teeboku bula Katɔti. Na badubɔdi lɛga na kalɔ lɛlɔ.”

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Lɛkpa Ulu 28:9

Si biinú bina Unwoti Katɔti litemi na bɛɛdi nwuna ɔda bubo lɛlɔ ƒui ni, ɔdubuti-mii ɔbla nwuna bekyuli aani kalɛ na ɔ́su.

Yesaia 62:12

Na ɔmmɔ kama badubɔlɔ-mii banii, ‘Unwoti ɔlati bekyuli bani na ɔ́ƒɔ ɔ́lɛku bubie kemmo!’ Na bekyuli badubɔtɛmi bɔsiku ƒula ɔma ɔmmɔ lɛlɔ banii kesii kabuni kani na bekyuli bilie ku ɔma ɔni na bekyuli báƒɔ-nwu kemmo geen.”

Lɛkpa Ulu 26:19

Na ɔdubɔya na bɛyu ɔkplu bitulo bekyuli bani ƒui nkya kayawi. Na amii ndubuti ɔbu ku bumwi bite nwuna lɛnyi. Na bɛdubɔbla bekyuli kedee bite bina Unwoti Katɔti aani kalɛ na ɔ́su úse.

Lewiƒuɔ Ɔda Bubo 19:2

“Su Israel kadi bekyuli ƒui anini, ‘Bɛbla lɛlɔ kedee, ɔsika ami Unwoti bina Katɔti nse kedee.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Budie Taatina 20:6

Lɛlɔ lɛdubɔyɔ bekyuli kedee bani na Katɔti ɔdubɔgyila na bekpine bɔgyila kudeedi kemmo. Na bekyuli bammɔ ni, kukpi kunyɔdi kɔ́sɔ kulákɛ ɔyikun na bana lɛlɔ. Mmomu badubo bakpane bunwini na bataakpanku bekyuli teete Katɔti ku Kristo. Na badubɔdiku-nwu lɛga akwa apim unwi.

Korintoƒuɔ 1 3:17

Ɔsika Katɔti kakpakɔ kese kedee, na amii ndi nwuna kakpakɔ kammɔ. Anwuɔsu si ɔdi úgyingya Katɔti kakpakɔ kammɔ ni, Katɔti ɔdubɔyila-nwu udu.

Yesaia 61:6

Nsu ama alati ama badubunwini bakpane ku kabla bablane bete bula Unwoti. Kadi bamba bekyuli akɛla ƒui adubunwini bana ɔdi na baƒɔ lɛnyi.

Lewiƒuɔ Ɔda Bubo 20:26

Bɛbla lɛlɔ kedee bite-mi, ɔsika ami Unwoti nse kedee na ami náƒuna-mii lɛ́lɛku kadi bamba bekyuli akɔ na líti-mii lɛ́bla mina bekyuli.

Lɛkpa Ulu 14:21

Na bitakun ebuo biala na úkpi ɔtɛ. Mmomu bɛkana na biti ebuo ɔmmɔ bite baƒɔ bani nli-mii akɔ iye biti biye bite baƒɔ bani nási baaví. Ɔsika amii bɛdi bekyuli bani na Katɔti údie úse sɛsɛɛ úte lɛlɔ. Na biteti ese uni lɛnyi ntu biteƒulo nwuna ubi lɛna.

Lewiƒuɔ Ɔda Bubo 21:23

nsu ka nwuna kakɛ kadi kásɔ ɔsu ni, utakpɛ utede kakpakɔ bule kɔdi kɔmmɔ iye lɛkpabi lɛmmɔ na waya na mina Kevo kammɔ kese lɛlɔ. Ami ndi Unwoti ɔni mɔɔbla ala ammɔ ƒui kedee.’ ”

Lewiƒuɔ Ɔda Bubo 20:24

Nsu lɛ́su-mii nnini, “Bɛdubuti bekyuli bammɔ kalɔ, na ami ndubo-ka buti bute-mii na kenwini bina kadikɔ. Kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii.” Ami ndi Unwoti bina Katɔti ɔni nédie-mii úse sɛsɛɛ úte lɛlɔ ɔ́siku kadi bamba bekyuli kudɔ.

Tesalonikaƒuɔ 1 5:27

Mɔɔsu-mii kpakplaa aani Blɔti Yesu Kristo kenye unyene nnii bɛka ɔku ɔmɛni bite baƒɔtaadine bammɔ ƒui.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Israelƒuɔ Bɔlɛ 22:31

“Bise likpo ka bɛdi mina bekyuli kedee, anwuɔsu bitakun lɛla lɛni na eƒiebuo náduli-nwu ɔ́du. Mmomu biti ebuo ɔmmɔ bite bakpewe na bakun.”

Baga 1 3:8

Na nnye-ɔ anumi mɛni aani ƒula kabla ɔblane na ƒula kadi bekyuli baƒunadi pii bamɛni akɔ bani na ukyuli biala ulakana-ma bɔka.

Baga 1 8:53

Ɔsika ama na áƒuna álɛku kayawi bekyuli ƒui akɔ énwini ƒula bebi bani madi-ɔ ala. O Unwoti ɔni ntulo ƒui, lɛni na akɛnku ƒula kabla ɔblane Mose lɛlɔ ásu ése uwi ɔni na édie bula bati kuuku álɛku Egyipte kalɔ lɛlɔ.”

Ala Alɛdi 1 17:22

Áƒuna Israel ka unwini ƒula kadi bekyuli úsela uwi ƒui na awɔ enwini bana Katɔti.

Yesaia 43:4

Bɛ́ƒɔ-mi kuye geen na mɔɔyɔ́-mii. Anwuɔsu na lídie kɔlɔ bamba ku bana bekyuli atu kalɛ na lɛƒɔ-mii.

Yesaia 66:21

Na bana akɔ na ndubɔƒuna badi na benwini bakpane ku Lewiƒuɔ.

Yeremia 2:3

Israel, ami lɛti pɛ ɔdi na ádi aani mina edula edeedi ani na lɛ́ƒɛ lɛ́siku mina kemo. Na ukyuli biala ɔni nákali ɔnii ɔɔƒɛ-ɔ ɔdi ni, ɔgbankpi ɔ́siaku-nwu.

Yeremia 7:23

Mmomu bɔsu na lɛ́su-ma lɛnɔ ndi, ‘Si bínu-mi litemi na bɛ́bla bɛ́siaku ala ani na lɛ́su-mii lɛlɔ ni, ndubɔbla bina Katɔti na amii bɛbla mina bekyuli, na lɛla biala lɛdubɔtɛ lite-mii.’

Yeremia 13:11

Uwi ɔni na átaakya lɛwuku lɛmɛni ni, líƒie-ɔ na lɛ́da-a kavobi kaduɛ. Lɛni kani na lɛ́da Israel ku Yuda lɛga kɔdikɔ kɔmmɔ. Lɛ́da-ma lɛ́kya kpakplaa na lɛ́yɔ ka lɛbla-ma mina kadi bekyuli na baƒɔ lɛnyi kalɛ na kadi bekyuli bamba bataabu-mi na bemwi-mi lɛnyi, nsu béni banii belénu-mi litemi.”

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Israelƒuɔ Bɔlɛ 28:36

“Na eti sika ugyiedi na abla kalɛkɛ blii kadi na anwi-nwu kemmo enweni asia anii, ‘Ɔmɛni use sɛsɛɛ ute Unwoti.’

Bumomo Bɔka 16:3

Bekyuli bamɛni báta na lisu kemmo bésie Mose ku Aaron kudɔ na bátásu-ma banini, “Bɛɛyɔ́ bisie ɔgyu bɛgya! Israel kadi bekyuli ƒui bese kedee bete Unwoti bana ɔdi biala, na Unwoti ulieku bula ƒui. Na bi ɔsu na bɛɛnu lɛlɔ katɔ katɔ teetuloku Unwoti bekyuli lɛni?”

Kɔgya 114:2

Katɔti ɔ́bla Yuda nwuna kakpakɔ kedee na ɔɔdi Israelƒuɔ ƒui lɛlɔ.

Hagai 2:5

aani kalɛ na líse bina bati kuuku kenye uwi ɔni na lɛ́kpanku-ma lɛ́lɛku Egyipte kalɔ lɛlɔ. Bitekpoku lɛlɔ. Nkya-mii akɔ mɛni!