Israelƒuɔ Bɔlɛ 19:5 - Katɔti Ɔku Kedee

⁵ Ɔƒɛni si bínu-mi litemi kaduɛ na bɛ́di mina bunyimi lɛlɔ ni, amii ndubɔbla mina bekyuli bani lɛlɔ na mina kayi kadubɔsia na kadi bekyuli ƒui akɔ, ina ka kayawi ƒui kadi mina kadi.

Israelƒuɔ Bɔlɛ 19:5 Referans Kwoze

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Lɛkpa Ulu 26:18

Na ɔmwi kadi ni, Unwoti lɛnɔ ɔ́lɛ ugyii ka bɛdi nwuna bekyuli aani kalɛ na ɔ́su úse. Na ɔɔsu-mii ɔnii bɛdi nwuna ɔda bubo ƒui lɛlɔ.

Malakai 3:17

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Kɔgya 135:4

Unwoti Katɔti ɔlati náƒuna Yakob úte lɛlɔ. Na ɔ́ƒuna Israel kadi ka babla nwuna bekyuli.

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Israelƒuɔ Bɔlɛ 23:22

Nsu si bínu ɔtu ɔmmɔ litemi na bɛ́di mina ɔda ɔni líbo-mii lɛlɔ ni, ndubo bina bekisine bukpoku bute-mii.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Lɛkpa Ulu 10:14

Bɛti nwaa ka ala ani ƒui nkya kayawi kemmo ni, adi bina Unwoti Katɔti adi. Na kayaa ku ala ani ƒui nkya-ka kemmo lɛnɔ adi nwuna adi.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Kɔgya 24:1

Kalɔ ku kana ala ani nkya-nya kemmo ƒui ni, adi Unwoti adi. Na kalɔ lɛlɔ bekyuli ƒui badi anwu badi.

Korintoƒuɔ 1 10:26

Ɔsika Bunweni Kedee Ɔku ɔɔsu ɔnii, “Kalɔ ku kana ala ani nkya-nya kemmo ƒui ni, adi Blɔti adi.”

Hiob 41:11

Ami mɔɔdi kayawi kemodi kammɔ ƒui lɛlɔ kalɛ na mɔɔyɔ́, na ɔdi uuubo kayu kadi na uuye-mi.

Lɛkpa Ulu 5:2

Bula Unwoti Katɔti ku abu búnyimi linyese lɛdi na Sinai Kɔbi lɛlɔ.

Hebriƒuɔ 11:8

Ɔkɛnku bɔƒɔtaadi lɛlɔ ɔsu na Abraham únu Katɔti litemi uwi ɔni na Katɔti ɔ́lɔ-nwu ka uteesie kalɔ kani lɛlɔ na Katɔti ɔ́su ka ɔdubuti ute-nwu lɛlɔ. Únu kalɔ na úsie ina ka ɔɔɔgyi likpo lɛni na úsela.

Yesaia 43:1

Unwoti ɔnini, “Ami nédie amii Yakob kaba kemmo bebi na lɛ́bla-mii na bɛdi Israel kadi. Bɛda bɔyia bɛya, ɔsika ami nédie-mii. Lɛ́sia-mii lɛnyi lɛni na mɔɔlɔ-mii na ɔƒaani bɛdi mina badi.

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Kɔgya 25:10

Unwoti ɔɔdi nwuna litemi lɛlɔ na ɔɔyɔ́ bekyuli bani mɔɔdi nwuna ɔda bubo lɛlɔ na baasia nwuna bunyimi anu.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.

Yosua 24:24

Amu na Israelƒuɔ básu Yosua banini, “Unwoti ɔni ndi bula Katɔti lɛti bɔdubɔsiaku. Na bɔdubɔnu-nwu litemi.”

Yesaia 1:19

Ɔƒɛni si bɛdubunu-mi litemi na binu kalɔ na libunku-mii ni, bɛdubɔkɛ ala pii bɛdi.

Baga 1 8:53

Ɔsika ama na áƒuna álɛku kayawi bekyuli ƒui akɔ énwini ƒula bebi bani madi-ɔ ala. O Unwoti ɔni ntulo ƒui, lɛni na akɛnku ƒula kabla ɔblane Mose lɛlɔ ásu ése uwi ɔni na édie bula bati kuuku álɛku Egyipte kalɔ lɛlɔ.”

Lɛkpa Ulu 28:1

Si bɛɛdi bina Unwoti Katɔti litemi lɛlɔ kaduɛ na bɛɛsiaku nwuna ɔda ɔni na uubó-mii ɔmwi mɛni kama ni, bina Unwoti Katɔti ɔdubɔtalaku-mii katɔ utulo bekyuli bani ƒui nkya kayawi.

Yesaia 56:4

Unwoti ɔnini, “Amii bɛdi lɛnwunameyi lɛmmɔ lɛlɔ ku mina litemi lɛlɔ kaduɛ kani, na bɛsia mina bunyimi bɔmmɔ anu.

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Yeremia 7:23

Mmomu bɔsu na lɛ́su-ma lɛnɔ ndi, ‘Si bínu-mi litemi na bɛ́bla bɛ́siaku ala ani na lɛ́su-mii lɛlɔ ni, ndubɔbla bina Katɔti na amii bɛbla mina bekyuli, na lɛla biala lɛdubɔtɛ lite-mii.’

Lɛkpa Ulu 11:27

Kusɛ kusɛ ɔdubɔsiaku-mii si bɛɛdi bina Unwoti Katɔti ɔda bubo bɔni na líti muute-mii ɔmwi kadi mɛni lɛlɔ.

Korintoƒuɔ 1 10:28

Mmomu si ukyuli ɔdi ɔ́su-ɔ ɔnii béti adila ammɔ bákpa béte baƒiɔ badi ni, tadi-nya. Ɔmɛni ɔdubɔya na kayi kelékpoku ukyuli ɔmmɔ.

Lɛkpa Ulu 14:21

Na bitakun ebuo biala na úkpi ɔtɛ. Mmomu bɛkana na biti ebuo ɔmmɔ bite baƒɔ bani nli-mii akɔ iye biti biye bite baƒɔ bani nási baaví. Ɔsika amii bɛdi bekyuli bani na Katɔti údie úse sɛsɛɛ úte lɛlɔ. Na biteti ese uni lɛnyi ntu biteƒulo nwuna ubi lɛna.

Yeremia 10:16

Nsu awɔ Israel Katɔti ni, eeese lɛni, awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Lɛnu Ƒui Ɔnu 8:12

Nsu mina adingyii kemo ni, ami lɛti kadi na kadi. O Salomo, nwuna sika ɔƒualadi apim unwi ɔdi ƒula ɔdi. Na bani mɔɔnu-ka lɛlɔ ni, bana ɔdi ndi sika ɔƒualadi koƒo kunwi.

Hebriƒuɔ 8:9

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Ɔsika bátadi lɛla lɛni na línyimiku-ma lɛlɔ. Anwuɔsu línwini kama lɛ́kya-ma.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Ala Kalɔ Buse 17:9

Ɔmmɔ kama ni, Katɔti ɔ́su Abraham ɔnini, “Awɔ ni, ɔlɛka adi mina bunyimi lɛlɔ, awɔ ku ƒula bawɔ ku kaba bekyuli bani ƒui masia-a kama.

Israelƒuɔ Bɔlɛ 6:7

Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.

Israelƒuɔ Bɔlɛ 8:22

“ ‘Nsu limeyi lɛmmɔ lɛlɔ ni, Gosen kalɛkɛ kesii kani na mina bekyuli belie aka ni, alɔlɔ biala ɔɔɔdubo mmɔ bɔkya. Ndubɔbla ɔmɛni na Ƒarao ɔnu ɔti ka ami ɔni ndi Unwoti nkya kalɔ kamɛni kemmo.

Lɛkpa Ulu 28:9

Si biinú bina Unwoti Katɔti litemi na bɛɛdi nwuna ɔda bubo lɛlɔ ƒui ni, ɔdubuti-mii ɔbla nwuna bekyuli aani kalɛ na ɔ́su.

Ala Alɛdi 1 17:22

Áƒuna Israel ka unwini ƒula kadi bekyuli úsela uwi ƒui na awɔ enwini bana Katɔti.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Israelƒuɔ Bɔlɛ 34:9

Na ɔ́su-nwu ɔnii, “Unwoti, si mina lɛlɔ lɛ́da-a kubiti sɔsɔ geen ni, muuvele-ɔ nnii kpanku-bu ina ka bekyuli bamɛni bébo atu ɔkplu geen. Ti bula ekpidi kyiɛ-bu na aƒɔ-bu aani ƒula bebi.”

Lewiƒuɔ Ɔda Bubo 20:24

Nsu lɛ́su-mii nnini, “Bɛdubuti bekyuli bammɔ kalɔ, na ami ndubo-ka buti bute-mii na kenwini bina kadikɔ. Kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii.” Ami ndi Unwoti bina Katɔti ɔni nédie-mii úse sɛsɛɛ úte lɛlɔ ɔ́siku kadi bamba bekyuli kudɔ.

Lɛkpa Ulu 9:29

Ɔmɛni ƒui kama ni, bekyuli bamɛni na áƒuna na éti-ma ábla ƒula badi. Na ama na édie álɛku Egyipte kalɔ lɛlɔ ɔkɛnku ƒula ɔyikun bonwu ku ɔlɔkplu ɔsu.”

Lɛkpa Ulu 26:19

Na ɔdubɔya na bɛyu ɔkplu bitulo bekyuli bani ƒui nkya kayawi. Na amii ndubuti ɔbu ku bumwi bite nwuna lɛnyi. Na bɛdubɔbla bekyuli kedee bite bina Unwoti Katɔti aani kalɛ na ɔ́su úse.

Hiob 41:3

Na áƒɔ ádi ka ɔdubuvele-ɔ ɔnii nu-nwu kɔnyana?

Yeremia 13:11

Uwi ɔni na átaakya lɛwuku lɛmɛni ni, líƒie-ɔ na lɛ́da-a kavobi kaduɛ. Lɛni kani na lɛ́da Israel ku Yuda lɛga kɔdikɔ kɔmmɔ. Lɛ́da-ma lɛ́kya kpakplaa na lɛ́yɔ ka lɛbla-ma mina kadi bekyuli na baƒɔ lɛnyi kalɛ na kadi bekyuli bamba bataabu-mi na bemwi-mi lɛnyi, nsu béni banii belénu-mi litemi.”