Israelƒuɔ Bɔlɛ 19:18 - Katɔti Ɔku Kedee

¹⁸ Na sɔsɔ ni, uyɔ úyi Sinai kɔbi kɔmmɔ lɛlɔ ƒui. Ɔsika Unwoti ɔ́yu úbo kɔbi kɔmmɔ lɛlɔ ku ogya. Na uyɔ ɔmmɔ ɔɔkɔ́ katɔ aani si lɛgyavonku bonwu lɛdi na bákya ogya bálɛ, na kɔbi kɔmmɔ kɔɔkunku na lɛlɔ lɛɛtɔ́-ma kpakpaakpa na bɔyia ɔsu.

Israelƒuɔ Bɔlɛ 19:18 Referans Kwoze

Litemi Batɛne 5:5

“Abi ákunku na Unwoti anumi, anwu ɔni ndi Sinai Unwoti, Israel Katɔti.

Kɔgya 144:5

O Unwoti, bwɛ kayaa na ebeduo-bu lɛlɔ mɛni. Na etuku abi ammɔ na uyɔ utaalɛ-nya kemmo.

Budie Taatina 15:8

Na Katɔti kakpakɔ kammɔ kemmo kéyi ku uyɔ ɔni nási Katɔti ɔyikun ku bukeye kemmo. Na ukyuli biala ulakana kakpakɔ kammɔ kemmo buduo, amu ntu batu maatɛ bammɔ béti lɛbibo maatɛ lɛmmɔ béboku kayawi báwɔlɔ.

Israelƒuɔ Bɔlɛ 3:2

Mmɔ na Unwoti ɔtu ɔdi ɔ́da ɔ́lɛ-nwu lɛlɔ aani ogya ɔni mɔɔda na kugyii lɛƒoƒo lɛdi lɛlɔ. Na Mose ɔ́nu ka lɛƒoƒo lɛmmɔ lɛɛda, nsu lɛla biala lilakywi.

Yeremia 4:24

Abi ammɔ aakunku na eesié taasɔ.

Ala Kalɔ Buse 19:28

Únye mmɔ na ɔɔnu kalɛ na uyɔ ɔɔkɔ́ taasi Sodom ku Gomora ku kalɔ kani nwi mmɔ ƒui lɛlɔ aani kalɛ na uyɔ ɔɔkɔ́ taalɛ ɔgya livongu bonwu na lɛyu bonwu lɛdi kemmo.

Kɔgya 104:32

Unwoti úti nwuna anumi ɔ́nu kayawi na kaakunku. Na úti kɔnu útuku abi lɛnɔ, na aalɛ́ uyɔ.

Lɛkpa Ulu 33:2

“Unwoti ɔ́si Sinai kɔbi lɛlɔ. Na nwuna bukeye bɔ́lɛ aani kalɛ na ɔƒɛ ɔ́tu ɔ́si Seir na úkeye ɔ́si Paran Kɔbi uwi nwuna bekyuli. Na ka ɔdubo ni, katɔ batu mpim leevu básiaku-nwu. Na nwuna kɔdianu kɔɔda ani ogya.

Lɛkpa Ulu 5:22

Ɔda bubo bɔmɛni na Unwoti úti úte-mii uwi ɔni bɛ́sala binye kɔbi kɔmmɔ kaƒɔna. Na mmɔ bínu-nwu lɛdi bonwu bɛ́siku lɛgyavonku kemmo ku liƒlukutu bili bili kemmo na mmɔ use suu geen. Na únweni ala ammɔ ɔ́sia atabi anyɔ lɛlɔ na úti úte-mii. Na ɔ́sɔ útasu lɛla lɛdi útebunku ɔmmɔ.

Israelƒuɔ Bɔlɛ 24:17

Na Israelƒuɔ bani nnye kalɔ baanu teemene ni, Unwoti bukeye bɔmmɔ buse-ma aani ogya bonwu ɔni mɔɔkyula ala na kɔbi kɔmmɔ eli.

Hebriƒuɔ 12:26

Uwi ɔmmɔ kemmo ni, nwuna lɛdi lɛkunku kayawi. Nsu ɔƒɛni ni, ɔ́su-bu úse ɔnini, “Nsɔ ndubo kayawi kammɔ bɔkunku kunwi. Na ɔɔɔdi aka lɛti, mmomu ku katɔ lɛnɔ.”

Yesaia 6:4

Na ebiti lɛnu lɛni na beedie lɛ́kunku Katɔti kakpakɔ kammɔ útéduoku kalɔ kemmo ƒui na uyɔ ɔ́ƒɔ Katɔti kakpakɔ kammɔ ƒui.

Ala Kalɔ Buse 15:17

Ɔmmɔ kama ka ɔƒɛ ɔ́nu na kadi kábla suu ni, libui bonwu lɛdi ku uyɔ lɛni kemmo na ɔgya ɔɔda lɛdi lɛ́da lɛ́lɛ. Libui lɛmɛni lɛkɛ lɛ́vi lɛna lɛmmɔ ƒui ntɛ.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Hebriƒuɔ 12:18

Amii biiise aani Israelƒuɔ bani nébenye lɛla lɛni na bakana bɔnu bɔti iye betuku kudɔ ɔni ndi Sinai kɔbi kɔni mɔɔda ku ogya bonwu na lɛdisa ku kesii kani nse suu na ɔƒɛƒɛɛ kpakplaa kemmo.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Mateo 24:7

Kalɔ kadi bekyuli badubɔta na bekpoku babambadi. Na lɛga kadikɔ kadubukpoku kabambadi. Na kɔka kɔdububo na ekpo ekpo. Na kalɔ lɛnɔ kadubo butaakunku na ekpo ekpo.

Sakaria 14:5

Na bɛdubukeli bɛsia kɔwɛ kɔmmɔ kemmo útédu Asal. Na bɛdubɔwia kasiakɔ kesii biala aani kalɛ na ɔ́bla uwi ɔni na kalɔ kákunku na Yudaƒuɔ Ɔga Usia uwi. Na ɔmmɔ kama ni, Unwoti Katɔti ɔdubɔda ɔlɛ ku nwuna batu.

Kɔgya 114:7

O amii kalɔ ku kana lɛlɔ ala, lɛlɔ litaatɔ-mii ku bɔyia ka Unwoti ɔni ndi Yakob Katɔti ɔ́da ɔ́lɛ ɔsu.

Kɔgya 77:18

Kayaa budu bɔmmɔ bɔɔlɛ́ taasi ɔƒɛƒɛɛ kpakplaa ɔni mɔɔkya ligede kemmo. Na kalɛ na kayaa kaabwɛ ogya ni, uukeye teewi kayawi ƒui. Na kalɔ kemodi kaakunku momoomo.

Israelƒuɔ Bɔlɛ 20:18

Amu ka bekyuli bammɔ bénu kalɛ na katɔ keedu, na kaabwɛ ogya, na kakpɛɛ lɛnɔ kaaku, na bánu kalɛ na uyɔ lɛnɔ ɔ́ƒɔ kɔbi kɔmmɔ lɛlɔ ni, liƒu bonwu lɛ́da-ma. Anwuɔsu báni bésie kama kama.

Israelƒuɔ Bɔlɛ 19:13

Bɛkana na bibo-nwu atabi iye kataminta, nsu ɔdi uteti kɔnu utetuku ukyuli ɔmmɔ udu. Na ɔda bubo bɔmɛni buse bute bekyuli ku bebuo ƒui. Si ɔdi útadi-mu lɛlɔ na badu-nwu. Nsu si bínu kakpɛɛ bɔvwi ni, bekyuli bammɔ bebo kuƒi ka bakɔ besie kɔbi kɔmmɔ lili.”

Tesalonikaƒuɔ 2 1:7

Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Budie Taatina 9:2

Ɔtu ɔmɛni ɔ́lɛmi ubu bonwu ɔmɛni na uyɔ ɔ́lɛ ubu ɔmmɔ kemmo aani uyɔ ɔni mɔɔlɛ́ taasi lɛgyavonku bonwu lɛdi kemmo. Na ɔƒɛ bukeye ku kayaa kábla suu na uyɔ ɔmmɔ ɔsu.

Ala Kalɔ Buse 11:5

Amu na Unwoti ɔ́yu úbo kalɔ na úbanu ɔma ku ɔtɔ ɔni na bekyuli bammɔ badaku bɔtu mmɔ.

Israelƒuɔ Bɔlɛ 19:17

Amu na Mose ɔ́kpanku-ma ɔlɛku bana keliekɔ usienku kɔbi kɔmmɔ kaƒɔna.

Israelƒuɔ Bɔlɛ 34:2

Anwuɔsu klibi lɛlɔ se na lɛdigye na ata abasiaku-mi na Sinai kɔbi lili.

Lɛkpa Ulu 5:4

Na kɔbi kɔmmɔ lɛlɔ ni, amii alati binu ka Katɔti ɔ́tɛmiku-mii ɔ́siku lɛgyavonku lɛni mɔɔda kemmo.

Yesaia 64:1

O Unwoti, bɔɔyɔ́ ka aya na kayaa kabwɛ kemmo na ayu ebo kalɔ. Na abi ƒui ataakunku na ƒula anumi!

Lɛkpa Ulu 4:36

Na ɔ́ya na bínu nwuna lɛdi bɛ́siku katɔ kalɛ na ɔda-mii kpakplaa na ulu ɔni lɛlɔ na ɔdi ka bɛsia lɛlɔ. Na kalɔ kamɛni lɛlɔ lɛnɔ ni, ɔ́ya na bɛ́nu nwuna ogya ɔni mɔɔda bonwu na ɔ́tɛmi ɔ́siku ogya ɔmmɔ kemmo úte-mii.

Nehemia 9:13

“Na awɔ náyu ébelie Sinai Kɔbi lili, na étemi éte-ma. Na éte-ma ɔda bubo lidu lidu bɔni ndia na buse siin.

Kɔgya 18:9

Na ɔ́lɛmi katɔ na ɔ́yu úbo kalɔ na liƒlukutu lɛ́ƒɔ-nwu lɛgba kalɔ ƒui na ɔ́bla suu.

Kɔgya 68:9

Áya na ɔnantu úwi na kalɔ kani nákwii mmɔ kásɔ kábla ɔwɔdi.

Kɔgya 77:19

Édie ulu ávinku ɛpu kemmo na ƒula kasiakɔ kakɛ ketu bonwu kammɔ kemmo kalɛ. Nsu ɔmmɔ ƒui ni, ukyuli ɔyawine útanu-ɔ lɛgba kanyakɔ.

Kɔgya 114:4

Liƒu lɛ́ƒɔ abi ammɔ ƒui lɛlɔ na aata taawɔ aani kalɛ na bese baaƒulu na abinkpo lɛnɔ aaƒulu aani baƒonubi.

Habakuk 3:6

Si údi únye ni, kalɔ kammɔ ƒui kaakunku. Na si ɔ́nu ɔnusɛ ni, kadi bekyuli ƒui baatɔ́ kpakpaakpa. Na si ɔ́sia nwuna lilu kuuku lɛmmɔ lɛlɔ ɔɔví ni, abi ku abinkpo ani nnye uwi ƒui mmɔ aanyonu lɛlɔ na aabwɛ.