Israelƒuɔ Bɔlɛ 19:16 - Katɔti Ɔku Kedee

¹⁶ Na limeyi lɛtɛdi lɛmmɔ lɛlɔ ni, kayaa kése kalɔ keedu na kaabwɛ ogya na liƒlukutu bonwu líbaƒɔ kɔbi kɔmmɔ lili. Na kɔnakunwi bénu kakpɛɛ kɔku bonwu kɔdi. Na bani ƒui nkya keliekɔ mmɔ ƒui liƒu bonwu lɛ́da-ma.

Israelƒuɔ Bɔlɛ 19:16 Referans Kwoze

Budie Taatina 4:1

Ɔmɛni kama ni, Katɔti údie kɔyu kemmo ala adi ɔ́tina-mi. Na lɛ́nu kayakun kadi ka bálɛmi-ka na katɔ. Amu na lɛdi lɛni na lɛ́ka bunu aani kakpɛɛ ni, línu ka lɛsɔ lɛɛtɛmiku-mi lɛnini, “Bo katɔ kakɛ mɛni na lɛtina-a lɛla lɛni ndubo bɔlɛ na ɔmɛni kama.”

Hebriƒuɔ 12:21

Lɛla lɛni bánu mmɔ lɛdi liƒu lɛla libendi lɛni náya na Mose ɔ́su ɔnini, “Liƒu lítulo-mi, na lɛlɔ lɛɛtɔ́-mi!”

Budie Taatina 11:19

Amu na bálɛmi Katɔti kakpakɔ kedee, na bánu Bunyimi Adaka kedee ka use mmɔ. Na kayaa kábwɛ ogya ku kɔku bonwu. Na katɔ keedu taasia kama. Kalɔ kákunku, na etubankɛ áyu pii!

Budie Taatina 8:5

Ɔmɛni kama ni, Katɔti ɔtu ɔmmɔ úti oloƒui libui lɛmmɔ na úyile-ni ku ogya ɔni na údie na lɛbi lɛmmɔ lɛlɔ, na úbo éwi kalɔ lɛlɔ na kayawi. Mmɔ ni, línu ɔnantu budu kudu ku kɔku bonwu, na kayaa kaabwɛ ogya, na kalɔ kaakunku.

Budie Taatina 4:5

Na ogya ɔɔbwɛ ku bukeye geen taasi lɛgaboku lɛmmɔ kudɔ! Na muunú adi adi ku ɔnantu budu kɔku na mmɔ. Na lɛgaboku lɛmmɔ anumi ni, lɛsogya maatɛ lɛɛda. Na ani ndi Katɔti Kɔyu kɔni mbo ɔyikun maatɛ ɔni nnye Katɔti lɛgaboku anumi.

Kɔgya 77:18

Kayaa budu bɔmmɔ bɔɔlɛ́ taasi ɔƒɛƒɛɛ kpakplaa ɔni mɔɔkya ligede kemmo. Na kalɛ na kayaa kaabwɛ ogya ni, uukeye teewi kayawi ƒui. Na kalɔ kemodi kaakunku momoomo.

Hiob 38:25

Ɔma námɛnɛ kuƒi úse úte ɔnantu ɔni mɔɔna ku ɔƒɛƒɛɛ kpakplaa ɔni muukpó ku kudu,

Israelƒuɔ Bɔlɛ 20:18

Amu ka bekyuli bammɔ bénu kalɛ na katɔ keedu, na kaabwɛ ogya, na kakpɛɛ lɛnɔ kaaku, na bánu kalɛ na uyɔ lɛnɔ ɔ́ƒɔ kɔbi kɔmmɔ lɛlɔ ni, liƒu bonwu lɛ́da-ma. Anwuɔsu báni bésie kama kama.

Israelƒuɔ Bɔlɛ 19:9

Amu na Unwoti ɔ́su Mose ɔnini, “Ndubo bɔda bɔlɛ bekyuli bammɔ kudɔ na liƒlukutu bonwu kemmo na benu ka mɔɔtɛmiku-ɔ. Na ɔ́si ɔmmɔ kama ni, badubɔƒɔ-ɔ badi.” Mose ɔ́sɔ únwini ku kenye kammɔ útásu bekyuli bammɔ.

Israelƒuɔ Bɔlɛ 9:23

Anwuɔsu ka Mose ɔ́kɔliku ugyii ɔmmɔ ɔ́tina katɔ ni, Unwoti ɔ́ya na katɔ keedu taasia kama na etubankɛ lɛnɔ aana na kayaa kaabwɛ ogya teewi kalɔ lɛlɔ. Na Unwoti ɔ́ya na amɛni ƒui álɛ na Egyipte kalɔ lɛlɔ mmɔ.

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.

Kɔgya 97:4

Na nwuna kɔnyi kɔ́ya na kayaa kaabwɛ ogya teewi kayawi, na liƒu bonwu líƒie bayawine.

Kɔgya 50:3

Bula Katɔti ɔdubo ubabla lɛla lɛdi na ɔɔɔdubo buse buɛɛ. Ɔkɛ ku kudu ku ogya ku ɔƒɛƒɛɛ kpakplaa na ɔɔka taamana-nwu.

Ala Alɛdi 2 5:14

Na Katɔti uukeye na liƒlukutu lɛmmɔ kemmo geen. Na kalɛ na uukeye mmɔ ɔɔtu anumi, anwuɔsu bakpane bammɔ bátakana ɔtɔ kemmo mmɔ bunye bɔbla bana kabla.

Israelƒuɔ Bɔlɛ 40:34

Amu na liƒlukutu lɛdi líbebi Kevo Kasakɔ kammɔ lɛlɔ na Unwoti bukeye bɔ́ƒɔ ɔtɔ ɔmmɔ kemmo ƒui.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Israelƒuɔ Bɔlɛ 19:11

Na baklibi lɛlɔ bese limeyi lɛtɛdi. Ɔsika limeyi lɛtɛdi lɛmmɔ lɛlɔ ndubɔyu bubo Sinai kɔbi kaƒɔna na ukyuli biala ɔnu-mi.

Israelƒuɔ Bɔlɛ 19:15

Ɔmmɔ kama Mose ɔ́su-ma ɔnini, “Bɛklibi lɛlɔ bise bite limeyi lɛtɛdi. Na ɔdi utese ulekudi kudɔ.”

Israelƒuɔ Bɔlɛ 19:17

Amu na Mose ɔ́kpanku-ma ɔlɛku bana keliekɔ usienku kɔbi kɔmmɔ kaƒɔna.

Israelƒuɔ Bɔlɛ 20:21

Nsu ɔmmɔ ƒui kama bekyuli bammɔ bámu benye ɔgyu baanu, na Mose lɛti kani nésie úsela kɔbi suu kɔni kemmo na Unwoti ɔ́kya mmɔ kudɔ.

Lɛkpa Ulu 5:5

Nsu ka bɛɛyia lɛgyavonku lɛmmɔ na bilayɔ ka bɛkɔ bisie kɔbi kɔmmɔ lili ɔsu ni, ami nénye amii ku Katɔti ntɛ na lɛ́su-mii ala ani na Katɔti ɔ́su. Na ami nénye Katɔti ku bina ntɛ uwi ɔmmɔ kemmo na lɛ́su-mii ala ani Katɔti ɔ́su.

Samuel 2 22:10

Na ɔ́lɛmi katɔ na ɔ́yu úbo kalɔ na liƒlukutu lɛ́ƒɔ-nwu lɛgba kalɔ ƒui na ɔ́bla suu.

Nahum 1:3

Unwoti use buɛɛ na uleyile kɔnyi buti, nsu ubo ɔyikun. Anwuɔsu bani ƒui mɔɔƒiɔ́-nwu ni, ɔɔnu ka ɔ́ni-ma kɔtu, na ɔdi ulekeli lɛtuni lɛmmɔ. Nwuna ablala eedie lɛlɔ keyi na ɔƒɛƒɛɛ kpakplaa ɔni mɔɔkya ligede kemmo. Na nwuna lɛgba kalɔ ɔtumu ndi liƒlukutu lɛni bɔɔnu.

Kɔgya 81:8

“O mina kadi bekyuli Israelƒuɔ, binu mina bɔlɛ. O Israel kadi bekyuli, mɔɔyɔ́ ka binu-mi litemi.