Israelƒuɔ Bɔlɛ 19:13 - Katɔti Ɔku Kedee

¹³ Bɛkana na bibo-nwu atabi iye kataminta, nsu ɔdi uteti kɔnu utetuku ukyuli ɔmmɔ udu. Na ɔda bubo bɔmɛni buse bute bekyuli ku bebuo ƒui. Si ɔdi útadi-mu lɛlɔ na badu-nwu. Nsu si bínu kakpɛɛ bɔvwi ni, bekyuli bammɔ bebo kuƒi ka bakɔ besie kɔbi kɔmmɔ lili.”

Israelƒuɔ Bɔlɛ 19:13 Referans Kwoze

Hebriƒuɔ 12:20

Ɔsika balákana ala ani na ɔ́su-ma lɛlɔ bɔdi ɔni na ɔ́su-ma ɔnini, “Si ina ebuo ɔdi nétuku kɔbi kɔmmɔ ni, ɔdi ka bebo-nwu atabi badu.”

Israelƒuɔ Bɔlɛ 19:19

Na bɔkɔ kani na kakpɛɛ kammɔ kɔku kɔɔkɔ́ katɔ teebu. Amu na Mose ɔ́tɛmi úte Unwoti, na Unwoti údie kenye ku katɔ budun.

Israelƒuɔ Bɔlɛ 19:16

Na limeyi lɛtɛdi lɛmmɔ lɛlɔ ni, kayaa kése kalɔ keedu na kaabwɛ ogya na liƒlukutu bonwu líbaƒɔ kɔbi kɔmmɔ lili. Na kɔnakunwi bénu kakpɛɛ kɔku bonwu kɔdi. Na bani ƒui nkya keliekɔ mmɔ ƒui liƒu bonwu lɛ́da-ma.

Tesalonikaƒuɔ 1 4:16

Uwi ɔmmɔ kemmo ni, bɔdubunu Blɔti bubo kɔku ku kudu kubendi. Bɔdubunu Katɔti ɔtu unengudi lɛdi. Na Katɔti kakpɛɛ kadubɔku. Na Blɔti ɔlati ɔdubɔda ɔlɛ kayaa. Na bekyuli bani náƒɔ Kristo bádi asa na békpi ni, badubɔka bɔta buli ngba.

Korintoƒuɔ 1 15:52

Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Israelƒuɔ Bɔlɛ 19:14

Amu na Mose ɔ́si kɔbi lili mmɔ úsie nwuna bekyuli kudɔ na ɔ́su-ma ka baklibi lɛlɔ bese bete Unwoti bɔsiaku. Anwuɔsu báƒɔ bana adala.

Israelƒuɔ Bɔlɛ 19:17

Amu na Mose ɔ́kpanku-ma ɔlɛku bana keliekɔ usienku kɔbi kɔmmɔ kaƒɔna.

Israelƒuɔ Bɔlɛ 34:3

Na si adubo ni, taya na ukyuli ɔdi ɔsiaku-ɔ. Ɔsika naaayɔ ka lɛnu ukyuli ɔdi na amadɔ mmɔ. Na taya na koƒonu iye ɔmantɛ akɔ ɔdi usie kɔbi kaƒɔna mmɔ utáwia adila adi.”

Litemi Batɛne 20:37

Na bani nálɛ alakpi ammɔ akɔ ni, békeli bétéduo Gibea na bádu ukyuli biala na ɔkya ɔma ɔmmɔ kemmo.