Israelƒuɔ Bɔlɛ 18:9 - Katɔti Ɔku Kedee

⁹ Na ka Yetro únu ala ani ƒui na Mose ɔ́su-nwu ka Unwoti ɔ́bla ku kalɛ na údie Israelƒuɔ ni, lɛlɔ lɛ́yɔ-nwu geen.

Israelƒuɔ Bɔlɛ 18:9 Referans Kwoze

Korintoƒuɔ 1 12:26

Na si lɛlɔ kakɛ kadi kakya lɛbibo kemmo ni, ɔlɔna ugyii ɔmmɔ ƒui uunú ɔlɛ na lɛlɔ ekpo akladi lɛnɔ eebó abi. Na si beemwi kakɛ kadi ni, lɛlɔ ekpo ana ƒui aakɛ́ ebiti ammɔ.

Romaƒuɔ 12:15

Bɛkɛ lɛlɔyɔ ku bani na lɛlɔ lɛɛyɔ́. Na biwuloku bani muuwulo.

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Yesaia 66:10

Bɛkɛ lɛlɔyɔ ku Yerusalem na ebiti ada amii bani mɔɔyɔ́-nwu. Bibo lɛlɔyɔ kudu momoomo amii bani néwulo-nwu kɔnyana.

Yesaia 44:23

Bidie lɛnu ku ebiti, amii bani nkya katɔ ƒui ku bani nkya kalɔ lɛlɔ, ɔsika Unwoti nábla ala amɛni. Na abi ku lɛku kemmo egyii ƒui asalaku-mii na lɛlɔyɔ lɛnu lɛmɛni kemmo. Unwoti údie nwuna kadi bekyuli Israelƒuɔ, na ɔ́tina kalɛ na uukeye na badubo-nwu bɔbu.

Samuel 1 15:6

Na ɔ́su Keni kadi bekyuli bani nkya mmɔ ɔnini, “Uwi ɔni na Israelƒuɔ ƒui bási baalɛ́ Egyipte kalɔ lɛlɔ ni, amii bítekpoku-bu, mmomu bɛ́nu-bu kɔnyana. Anwuɔsu bɛkpɛ bɛlɛ-ma lɛlɔ kalɛ na naaadu-mii neeebunku Amalekƒuɔ.” Ɔmmɔ ɔsu Keniƒuɔ bammɔ báta Amalekƒuɔ kudɔ mmɔ bésie kesii bamba.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.