Israelƒuɔ Bɔlɛ 18:4 - Katɔti Ɔku Kedee

⁴ Na ubidi unyɔdi baalɔ Elieser ɔni kalɔ ndi mina udiene, ɔsika Mose ɔ́su ɔnini, “Mina ɔti ɔdi Udiene Katɔti, ɔsika údie-mi ɔ́lɛku Egyipte ɔga enu kemmo.”

Israelƒuɔ Bɔlɛ 18:4 Referans Kwoze

Hebriƒuɔ 13:6

Anwuɔsu bɔɔsu ku kayi ƒui bɔnini, “Blɔti ndi mina ubunkune, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?”

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Batalane Kabla 12:11

Na ɔmmɔ kama ni, Petro úbati lɛla lɛni nébo. Na ɔ́su lɛlɔ ɔnini, “Sɔsɔ geen na ɔdi ka ni, Unwoti nátala ɔtu ɔmɛni ɔnii ubedie-mi ɔsiku Herode enu kemmo ku ala ani na Yudaƒuɔ baasusu ka badubɔbla-mi lɛnɔ kemmo!”

Daniel 6:22

Mina Katɔti ɔgyi ka ńtaƒiɔ, anwuɔsu ɔ́tala nwuna batu na bábala bagyata bammɔ kenye na bátakun-mi. Na ńtabla lɛla lɛdi ńtaƒiɔ-ɔ iye liti likpoku awɔ mina Ɔga Ɔbune kudii.”

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Kɔgya 34:4

Lɛ́kpali Unwoti na únu úte-mi na údie-mi ɔ́lɛku ala ani ƒui mɔɔkya-mi liƒu kemmo.

Kɔgya 18:48

Unwoti udie-mi ɔ́lɛku mina bekisine enu kemmo. Na úti-ma ɔ́kya-mi lɛgba kalɔ. Na ɔ́gyumana-mi ɔ́siku bakantankpine kudɔ.

Kɔgya 18:1

O Unwoti Katɔti, mɔɔyɔ́-ɔ, ɔsika awɔ muute-mi ɔyikun.

Israelƒuɔ Bɔlɛ 2:15

Amu ka Ƒarao únu litemi lɛmɛni ni, ɔ́wia ulu biala lɛlɔ ka nka ɔdu Mose. Nsu Mose úkeli na útélie Midian kalɔ lɛlɔ na libiɔ lɛdi kɔtu.

Batalane Kabla 7:29

Ka Mose únu litemi lɛmɛni ni, liƒu lɛ́da-nwu geen. Anwuɔsu úkeli útábɛ na Midian kalɔ lɛlɔ. Na mmɔ na ɔ́wɔ nwuna bebi bananabi inyɔ.

Hebriƒuɔ 11:34

Na badi benine lɛgyavonku bonwu lɛni mɔɔkywí teebile ala. Na badi bálɛ bekyuli bani mɔɔwia-ma badu ku kuwii enu kemmo. Na ina ka bekyuli bamɛni ƒui beeebo ɔyikun ɔdi ni, Katɔti ɔ́ya na bénwini bayikune! Na bénwini bekpone bani mbo ɔyikun geen na bádi kadi bamba bekpone ƒui lɛlɔ.

Ala Kalɔ Buse 49:25

Na Unwoti Katɔti ɔni ndi ƒula bati Katɔti muubunku-ɔ. Na ɔdubute-ɔ ntu bɔsiku katɔ ku kalɔ ƒui. Na ɔdubɔya na beleku bawɔ na bete bebi anyii ntu.

Israelƒuɔ Bɔlɛ 2:22

Na Sipora ɔ́wɔ ubi ɔnanabi úte Mose. Na Mose ɔ́sia-nwu lɛnyi ɔnii Gerson ɔni kalɔ ndi ɔnii, “Línwini ɔƒɔ na kalɔ bamba lɛlɔ.”

Israelƒuɔ Bɔlɛ 4:20

Anwuɔsu Mose úti ulekudi ku nwuna bebi bananabi na úti-ma ɔ́sia ɔƒlumu kama. Na bátɔlɔ bésie Egyipte. Na úti Katɔti ugyii ɔdadi ɔmmɔ ɔ́da.

Ala Alɛdi 1 23:17

Eliese ɔ́wɔ ubi unwi pɛ ɔni ndi Rehabia. Na Rehabia ɔmɛni ɔ́wɔ bebi pii geen.

Israelƒuɔ Bɔlɛ 10:28

Anwuɔsu Ƒarao ɔ́bɔku Mose ɔnini, “Gyu tɔlɔ-mi anumi! Na nsɔ naaayɔ ka lɛsɔ lɛnu-ɔ kudii. Si lɛ́sɔ lɛ́nu-ɔ, adubukpi.”