Israelƒuɔ Bɔlɛ 18:12 - Katɔti Ɔku Kedee

¹² Amu na Mose aasi ɔmɛni úte bebuo ku akpala bamba na béti bákpa béte Katɔti. Na Aaron ku Israelƒuɔ batɔnkune bésie na bátádiku-ma bodobodo na Unwoti anumi.

Israelƒuɔ Bɔlɛ 18:12 Referans Kwoze

Lɛkpa Ulu 12:7

Na bina Unwoti Katɔti ɔni néte amii ku bina bebi kusɛ kusɛ ɔsu na bɛ́kɛ ala ani na bíti bina enu bɛ́bla mɛni ni, bitaadi ala ammɔ na nwuna anumi mmɔ ku kubiti ku lɛlɔyɔ.

Ala Kalɔ Buse 31:54

Na ɔ́bla akpala na kalɔ kammɔ lɛlɔ na abi lɛlɔ mmɔ. Na ɔ́lɔ anwu badi ƒui ka bebo babadi. Na ka bádi báwɔlɔ ni, bátɛ mmɔ.

Israelƒuɔ Bɔlɛ 24:11

Nsu Katɔti útabla Israel batɔnkune bamɛni lɛla lɛdi, mmomu bánu Katɔti, na bádi na báni.

Israelƒuɔ Bɔlɛ 24:5

Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Korintoƒuɔ 1 10:21

Ɔɔɔdia ka ani asiku Blɔti ɔɔƒɛɛ kemmo na asɔ atáni asiku ayu ekpidi lɛnɔ ɔɔƒɛɛ kemmo. Útalɛka adi adila na Blɔti kakpakɔ na asɔ atádi adila na ayu ekpidi kakpakɔ lɛnɔ.

Korintoƒuɔ 1 10:18

Bɛbu bɛnu Israelƒuɔ ka ni, bekyuli bani mɔɔdi adila ani na béti bákpa béte Katɔti ni, báblaku Katɔti unwi. Ɔsika anwu na bákpa ala ammɔ béte na nwuna lɛkpabi lɛlɔ.

Luka 14:15

Ka bekyuli bani nlie kadikɔ mmɔ akɔ unwi únu litemi lɛmɛni ni, ɔ́su Yesu ɔnini, “Kubiti geen ndubɔda bekyuli bani ndubo babadi Katɔ Ɔga Ɔma.”

Luka 14:1

Na lɛnwunameyi lɛdi lɛlɔ ni, Yesu úsie Ƒarisiƒuɔ benengu akɔ unwi ɔdi kesii likpo lɛni na bálɔ-nwu banii ubadi. Na bekyuli bakya baatú-nwu kpakplaa.

Daniel 10:3

Na ńtadi lɛla lɛbuni lɛdi iye lɛkun lɛna. Na ńtani ntɛ bɔdi lɛnɔ, na ńtawɛɛ nnɔmii bɔdi anumi iye lɛkya-mu lili lɛnɔ.

Hiob 42:11

Ɔmmɔ kama ni, Hiob ɔ́ya na bánwa adila na ɔ́lɔ nwuna banwani bananabi ku belekubi ku nwuna bakpana na bádi limeyi. Na nwuna bakpana béwulo-nwu kɔnyana na lɛbibo lɛni na Katɔti ɔ́ya na líbo-nwu lɛlɔ ɔsu. Na bana akɔ ɔdi biala úte-nwu sika ɔƒualadi ku ugyiedi kɔkwɛnimi.

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Hiob 1:5

Uwi biala na bádi limeyi báwɔlɔ lɛni ni, Hiob ɔɔta ɔtanta tutuutu na ɔɔsia kama taalɔ-ma taasala, na babla lɛlɔ bɔbla sɛɛn ɔdi na ɔdi biala lili, ku kasusu ka ɔdi ɔdubɔƒiɔ Katɔti ɔsu. Na ɔmɛni únwini lɛla lɛni na ɔɔbla bɔbla bɔbla.

Ala Alɛdi 2 30:22

Hesekia ɔ́gya Lewiƒuɔ bammɔ enu na kabla kabuni kani na bábla ɔsu ku kalɛ na bátɔnku lɛkpa na emeyi ammɔ bɔdi kemmo. Bekyuli bani nébo mmɔ bábakpa lɛnɔ bádi limeyi lɛmmɔ emeyi maatɛ sɔɔn na béteeboku etela ani na béti bákpa na baadi adila kedee na baagyá bana bati kuuku Unwoti Katɔti enu.

Samuel 2 9:7

Mmɔ na Dawid ɔ́su-nwu ɔnini, “Tayia, ɔsika lɛ́bla kasusu ka lɛbla-a lɛƒɔndia. Na ndubɔnu-ɔ lɛlɔ na ƒ'ɔti Yonatan ɔsu. Na ndubɔsɔku kɔlɔ kɔni ƒui ndi ƒula nana ɔnana Saul kɔdi ƒui lite-ɔ. Na ɔɔɔdi ɔmmɔ lɛti, mmomu adubo butaadiku-mi uwi biala na mina kadikɔ.”

Lɛkpa Ulu 27:7

Na bitaabla unwi bɔbla akpala na mmɔ na bitaadi unwi bɔbla akpala adila na bitaakɛ kubiti na bina Unwoti Katɔti anumi na mmɔ.

Israelƒuɔ Bɔlɛ 2:20

Amu na úye nwuna bebi bammɔ ɔnini, “Wɛ na ɔnana ɔmmɔ ɔkya? Bi ɔsu na bɛ́ya na ɔtɔlɔ? Bitáwia-nwu biboku na bute-nwu lɛla lɛdi na ɔdi.”

Ala Kalɔ Buse 43:25

Ɔƒɛni Yoseƒ banwani lɛnɔ básala bana etela ani na badanku bése. Na benye bagya Yoseƒ ka ubo, ɔsika básu-ma ka anwu ku-ma ndubo bɔdi ɔƒiiwi ɔmmɔ.

Ala Kalɔ Buse 26:25

Na mmɔ ni, Isak ɔ́tu lɛkpabi lɛdi na ɔ́kpali Katɔti úmwi-nwu na mmɔ. Na ɔmmɔ kama ɔ́tu nwuna kevo, na ɔ́ya na nwuna kabla bablane béku libiɔ lɛdi na mmɔ.

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 8:20

Amu na Noa ɔ́tu lɛkpabi lɛdi úte Unwoti na mmɔ. Na ɔmmɔ kama ni, úƒie bebuo bani nse sɛɛn mmɔ akɔ badi ku baasɛ bani nse sɛɛn na úti ɔ́kpa úte Unwoti na lɛkpabi lɛmmɔ lɛlɔ.

Ala Kalɔ Buse 4:4

Na Abel lɛnɔ útáƒuna nwuna baƒonu bedeedi bani na báka bɔwɔ akɔ unwi na úti kakɛ kani nélie lɛmwi kaduɛ úboku úbete Unwoti Katɔti. Na Abel lɛlɔ lɛ́da Unwoti Katɔti kubiti geen ku nwuna etela.

Israelƒuɔ Bɔlɛ 2:16

Na ka úsie útélie mmɔ ni, Midian ɔkpane ɔdi bebi begblebi maatɛ bébo libiɔ lɛmmɔ kudɔ banii bebedu ntu na beti betéte bana ɔti baƒonu ku bese.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Israelƒuɔ Bɔlɛ 18:13

Kadi kégye ni, Mose úti nwuna liboku na úse kalɔ ɔɔtɛ etemila. Na ɔ́tɛ etemila ɔ́si ɔtanta laa útédu useyi ɔni na útakɛ kɔnu na ɔnwuna.

Israelƒuɔ Bɔlɛ 20:24

“ ‘Biti lɛti bɛtu lɛkpabi bite-mi na biti bina baƒonu ku bese ku ɔmantɛ bakɔ bitaabla bɔkyula akpala ku unwi bɔbla akpala nwuna lɛlɔ teete-mi. Na kesii biala na lɛ́su ka bɛkpa-mi na bɛkɔliku mina lɛnyi katɔ ni, ndubɔyu libo na mbete-mii kusɛ kusɛ.

Israelƒuɔ Bɔlɛ 33:7

Na kesi kesii Israelƒuɔ badubɔda keliekɔ kadi ni, Mose uuti Katɔti Adi Kevo taatálɛ keliekɔ kammɔ kabanye. Na ɔsia-nwu lɛnyi ɔnii Katɔti Kevo Kasakɔ. Na ukyuli biala mɔɔwia lɛla lɛdi ɔsiku Katɔti kudɔ uusié mmɔ.

Bumomo Bɔka 10:29

Amu na Mose ɔ́su ulekudi ɔti Hobab ɔni ndi Midiani ɔni baalɔ Reuel ubidi ɔnini, “Uwi údu ka buteesie kalɔ kani na Unwoti ɔ́su úse ɔnini, ‘Ndubuti-ka lite-mii,’ mmɔ lɛlɔ. Bo na abasiaku-bu, na bɔdubɔda-a kaduɛ, ɔsika Unwoti úse ala abuni kenye úte Israelƒuɔ.”

Ala Kalɔ Buse 26:30

Amu na Isak ɔ́ya na bánwa adila abuni geen béte-ma na bádi na báni na bákɛ ebiti kaduɛ.