Israelƒuɔ Bɔlɛ 18:11 - Katɔti Ɔku Kedee

¹¹ Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 18:11 Referans Kwoze

Kɔgya 95:3

Ɔsika Unwoti ɔdi Katɔti ɔni na úbomo, na ɔdi ɔga unengudi ɔni na utulo baƒiɔ ƒui.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Ala Alɛdi 2 2:5

“Na kakpakɔ kamɛni kadubɔbla kakpakɔ kenengudi geen, ɔsika bula Katɔti úbomo utulo baƒiɔ lidu ƒui.

Luka 1:51

Údie nwuna ɔyikun keyi, na úgyingya bekyuli bani mɔɔtalaku lɛlɔ katɔ.

Kɔgya 135:5

Na ngyi ka bula Unwoti úbomo na ɔ́ƒɔ lɛnyi útulo kalɔ benwoti bamba ƒui.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Kɔgya 97:9

Unwoti Katɔti, awɔ mɔɔdi kayawi ƒui lɛlɔ na ƒula lɛnyi lɛ́kɔ katɔ litulo baƒiɔ ƒui.

Ala Alɛdi 1 16:25

Ɔsika bula Unwoti úbomo na nwuna lɛnyi lɛ́kɔ katɔ anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Kɔgya 119:21

Aadɔnku bekyuli bekpidi bani naaadaku ƒula ɔda bubo lɛda. Na ewida aasiaku bekyuli bani naaadi ƒula ɔda bubo lɛlɔ.

Nehemia 9:10

Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Baga 2 5:15

Ɔmmɔ kama Naaman ku nwuna bekyuli bani ƒui nsiaku-nwu básɔ bénwini bésie Katɔti ukyuli ɔmmɔ kudɔ. Na úténye-nwu anumi na ɔ́su-nwu ɔnini, “Ɔƒɛni na lɛ́nu lɛ́ti ka Katɔti ɔdi uuubo kayawi uuutulo Israel lɛti pɛ.” Na úvele-nwu ɔnini, “Ƒɔ etela amɛni siku ƒula kabla ɔblane kudɔ.”

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Kɔgya 31:23

Amii bekyuli bani mɔɔdi Unwoti litemi lɛlɔ ƒui bɛyɔ-nwu. Ɔsika ɔɔgyumana nwuna badi bani mɔɔdi nwuna etemila lɛlɔ kpakplaa. Na bani mɔɔkɔliku lɛlɔ katɔ ni, Unwoti ɔɔƒɔ-ma kayu kani néduku-ma.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Nehemia 9:16

“Nsu bula bati kuuku bamɛni béti tati tati ku atuɔkplu na bátadi ƒula ɔda bubo lɛlɔ.

Baga 1 17:24

Amu na uleku ɔmmɔ údie kenye ɔnini, “Ɔƒɛni na lɛ́nu lɛ́ti ka Katɔti ukyuli na adi. Na Unwoti uutemi taasiaku-ɔ lɛlɔ.”

Samuel 1 2:3

Amii bani muukú lɛlɔ ni, bɛda bina lɛlɔ buku ku asula bɛya. Ɔsika Unwoti ndi Katɔti ɔni ngyi lɛla biala. Na ɔɔkɔ́ku ablala ƒui taanu.

Israelƒuɔ Bɔlɛ 14:18

Na si lɛ́di Ƒarao ku nwuna bapɔnkɔ kɛɛkɛ bakane ku bapɔnkɔ beliene bammɔ lɛlɔ lɛni na mina lɛnyi líkeye ni, na Egyipteƒuɔ banu bati ka ami ndi Unwoti.”

Israelƒuɔ Bɔlɛ 14:8

Na Unwoti ɔ́ya na Ƒarao kayi káyu ɔkplu na báta banii batábi basiaku Israelƒuɔ bani náta báyu ulu bésela ku kayi buse.

Israelƒuɔ Bɔlɛ 12:12

“Ɔsika usien ɔmmɔ ami Unwoti ndubo bɔvi Egyipte kalɔ ƒui lɛlɔ na lɛdu ubi udeedi biala na bekyuli ku bebuo ƒui báwɔ. Na ndubɔni Egyipteƒuɔ baƒiɔ ƒui kɔtu. Ami Unwoti mɔɔsu.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Israelƒuɔ Bɔlɛ 5:7

“Bɛda keti kani na kabla bablane bammɔ baasála ku lɛti lɛmmɔ bute bɛya na ama alati beteekulo alakpi ammɔ.

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Israelƒuɔ Bɔlɛ 1:16

“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.”

Israelƒuɔ Bɔlɛ 1:10

Bɛya na bɔwia ulu ɔdi na basɔ belemomo belebu. Si ɔɔɔdi lɛni na banii kekpo kadi kébo ɔƒɛni ni, badubo bula bekisine bubunku na bekpo badi-bu lɛlɔ na bekeli balɛ kalɔ kamɛni kemmo.”

Bumomo Bɔka 33:4

uwi ɔni na Egyipteƒuɔ bákya bátaava bana bebi bedeedi, bani na Unwoti ɔ́du mmɔ, ɔsika Unwoti ɔ́ni bana baƒiɔ bammɔ kɔtu.