Israelƒuɔ Bɔlɛ 16:34 - Katɔti Ɔku Kedee

³⁴ Aaron ɔ́bla kalɛ na Unwoti úbo Mose ɔda mmɔ pɛpɛɛpɛ na úti manna ɔmmɔ ɔdi úse Bunyimi Adaka ɔmmɔ anumi kalɛ na bada bese kama bete bawɔ bammɔ.

Israelƒuɔ Bɔlɛ 16:34 Referans Kwoze

Israelƒuɔ Bɔlɛ 27:21

Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”

Israelƒuɔ Bɔlɛ 25:21

Ti ɔda bubo etemila ani na líte-ɔ na asia atabi ammɔ lɛlɔ kya adaka ɔmmɔ kemmo na eti libila lɛmmɔ ebi-nwu kenye.

Israelƒuɔ Bɔlɛ 25:16

Ɔmmɔ kama ndubuti atabi anyɔ ani lɛlɔ na ɔda bubo etemila asia lite-ɔ na eti-nya akya adaka ɔmmɔ kemmo.

Bumomo Bɔka 17:10

Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.”

Israelƒuɔ Bɔlɛ 40:20

Na uti atabi anyɔ ani na ɔda bubo etemila ásia-nwu lɛlɔ mmɔ ɔ́kya Bunyimi Adaka ɔmmɔ kemmo. Na úti ligyii ɔ́kya eƒi ammɔ kemmo ɔ́danku adaka ɔmmɔ atu. Na úti likpidi kɔtu bɔni budie libila úbi adaka ɔmmɔ katɔ.

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Israelƒuɔ Bɔlɛ 30:36

Na awɔ ala ammɔ adi abla ɔlaaƒɔ na akuna ɔlaaƒɔ ɔmmɔ ewi Unwoti unyimi adaka ɔmmɔ anumi, kesii kani munye taatɛmiku-mii. Oloƒui ɔmɛni ɔbla lɛla lɛni nse kedee utulo ƒui ute-mii.

Israelƒuɔ Bɔlɛ 30:6

Ti lɛkpabi lɛmmɔ lɛ kakpakɔ bule kɔdi kɔni néle kevo kammɔ kemmo mmɔ anumi kakɛ mɛni. Na Bunyimi Adaka ɔmmɔ ɔlɛ kakpakɔ bule kɔdi lɛmmɔ kama ku nwuna likpidi kɔtu bɔni budie libila kesii kani na ndubo-mii butaasiaku mmɔ.

Baga 1 8:9

Na Bunyimi Adaka ɔmmɔ kemmo ni, lɛla biala liiibo liiitulo atabi anyɔ ani na Mose úti ɔ́kya-nwu kemmo na Horeb uwi ɔni bási baalɛ́ Egyipte kalɔ lɛlɔ.

Lɛkpa Ulu 10:5

Amu ka Unwoti úti atabi ammɔ úte-mi ni, líti-nya líboku kɔbi kada na líti-nya lɛ́kya adaka ɔmmɔ kemmo aani kalɛ na ɔ́su-mi na akya mmɔ úbedu ɔmwi kadi.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 1:50

mmomu ya na Lewi kaba bekyuli bammɔ bataabla Unwoti kakpakɔ kabla, na bataanu kakpakɔ kammɔ lɛla biala lɛlɔ. Na ama ndubuteeti Katɔti Adi Kevo kammɔ ku nwuna lɛlɔ ala ƒui. Na ama ndubo-ka lɛlɔ butaanu na bataagyumana-ka taamana.

Israelƒuɔ Bɔlɛ 38:21

Amɛni ndi Katɔti Bunyimi Kevo atula ani na Lewiƒuɔ bénweni ɔkɛnku Mose ɔda bubo kenye na ɔkpane Aaron ubidi Itamar ntɔnku-ma.