Israelƒuɔ Bɔlɛ 16:3 - Katɔti Ɔku Kedee

³ “Si nka bɔdu mmomu na Unwoti ɔ́du-bu na Egyipte nka ɔdia-bu utulo ɔni na búbo bɔkya mɛni. Ɔsika na mmɔ ni, nka bɔɔnwá adila ani bɔɔyɔ́ na bɔɔdi kaduɛ. Nsu bíti-bu bíboku ketele kamɛni kemmo ka bise-bu kɔka bɛdu.”

Israelƒuɔ Bɔlɛ 16:3 Referans Kwoze

Israelƒuɔ Bɔlɛ 17:3

Nsu ka utukwɛ mɔɔda bekyuli bamɛni ɔsu ni, baadɔnku Mose banini, “Bi ɔsu na ákpanku-bu ásiku Egyipte na áya na utukwɛ ɔdubo abu ku bula bebi ku bebuo ƒui bɔdu?”

Kɔnyana Buwulo 4:9

Si bádu ukyuli ku kewii ni, ɔdia utulo ka kɔka kutaada-a na ukpi.

Lɛkpa Ulu 28:67

Bina kayi kadubo buyi ku liƒu. Na lɛla biala bɛdubɔnu ni, lɛdubo-mii liƒu bɔda. Na si kadi kégye ni, bɛdubuye bɛnii uwi ɔmani na kadi kadubɔsa. Na si kása lɛnɔ ni, bɛdubuye bɛnii uwi ɔmani na kadubugye.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Bumomo Bɔka 14:2

Na ɔkɛnku ɔmmɔ ɔsu bekyuli bammɔ bákya baadɔnku Mose ku Aaron kalɔ kalɔ. Na baasu banini, “Si bukpi na búkpi bɔ́kya Egyipte iye ketele kalɔ kakwiidi kemmo mmɔ muedi nka ɔdia utulo!

Korintoƒuɔ 1 4:8

Bɔsa na ala ani ƒui na bɛɛwia áasa-mii? Munuu balakɛne na biinwíni? Bɛ́ɛta bínwini baga ina ka bɔɔɔdi baga? Awo! Mɔɔyɔ́ si nka banii baga na bíinwini. Na abu lɛnɔ bunwini baga aani bina kalɛ!

Yosua 7:7

Amu na Yosua ɔ́kpali Katɔti na ɔ́su ɔnini, “O Unwoti Katɔti Ɔni Ntulo Ƒui, báyila-bu udu! Na bi ɔsu na átaya na bɔsɔ bɔkya Yordan Ketu ɔvi ɔni nye mmomu?

Korintoƒuɔ 2 11:1

Mɔɔwia ka bigyingya enu na bɛƒɔ-mi si ina bɛnu bɛnii lɛ́dɔlɔ. Buvele na nda-mii!

Batalane Kabla 26:29

Amu na Paulo údie kenye ɔnini, “Uwi klukui iye uwi gyɔlɔɔ ni, mɔɔkpali katɔ nnii ɔmwi ni, amii bani nkya mɛni ƒui binwini aani kalɛ na ami lɛnɔ nse. Nsu ɔɔɔdi aani kalɛ na kɔgba kɔmɛni kɔ́da-mi kalɛ!”

Hiob 3:20

“Bi ɔsu na muulie ntaanu bukeye na mina lɛbibo kemmo, na use aani si ngba ala abuni eebo teete bani naaadaku ngba lɛda?

Hiob 3:10

Ɔsika ani néti-mi líboku lɛbibo ngba bɔmɛni kemmo.

Hiob 3:1

Kawɔlɔkɔ na emeyi ammɔ kama ni, Hiob ɔ́kpali Unwoti na úwida limeyi lɛni na báwɔ-nwu.

Samuel 2 18:33

Lɛla lɛmmɔ líkpoku Ɔga Dawid na lɛlɔ lɛ́tɔ-nwu. Na ɔ́tɔlɔ úsie ɔtɔ ɔni nkya ɔma ɔban kayakun kudɔ mmɔ kemmo na úwulo geen. Uwi ɔni na ɔ́gyu úsela mmɔ ni, ɔ́su ɔnini, “O mina ubi ɔnanabi Absalom! Mina ubi, mina ubi ɔnanabi Absalom! Bi ɔsu na ɔɔɔdi ami nékpi na ƒula kenye. O Absalom, mina ubi o-o! Mina ubi!”

Lɛkpa Ulu 8:3

Anwuɔsu ɔ́ya na kɔka kɔ́da-mii na úte-mii adila ani baalɔ banii manna ɔ́siku Katɔ na bɛ́di. Na adila ammɔ udu ni, bina bati kuuku iye amii bina ɔdi útanu-nya kudii. Ɔ́bla ɔmɛni ɔ́tina-mii na biti bɛtɛya ala ka ɔɔɔdi lɛdila lɛti pɛ muute ukyuli ngba. Mmomu litemi biala na lɛ́si Katɔti kudɔ lɛlɔ bɔdi muute ngba geen bɔmmɔ.

Bumomo Bɔka 16:41

Ka kalɔ kébweli Kora badi kadi kégye kani na Israelƒuɔ ƒui báta na bákya baakya ku Mose ku Aaron unyeƒi na baasu-ma banii, “Amii nádu Unwoti bekyuli badi.”

Bumomo Bɔka 16:13

Ɔni lɛti na ákpanku-bu ásiku Egyipte kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii éboku ketele kalɔ kakwiidi kamɛni kemmo ka bubekpi bɔyii udu útabɔ? Na ɔƒɛni aawia ka asɔ ataadi-bu lɛlɔ lɛlati na mɛni?

Bumomo Bɔka 11:15

Na si lɛni na adubo-mi bɔbla bɔdi ni, si áya-mi na líkpi muedi ɔdia-mi utulo si ɔ́yɔ-ɔ kaƒɔ lɛni, na taya na lisie ntásiaku mina ɔgbankpi ɔdi.”

Israelƒuɔ Bɔlɛ 5:21

Mmɔ na batɔnkune bammɔ básu-ma banini, “Unwoti ɔdubɔtɛku-mii litemi! Amii néti-bu bínwini bekyuli bani muuƒí Ƒarao ku nwuna benengu livo yayaaya, na utulo ka bɛ́kya-ma kewii kɔnu ka badu-bu muedi.”

Israelƒuɔ Bɔlɛ 2:23

Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo.

Bumomo Bɔka 14:3

Na bi ɔsu na Unwoti úti-bu úboku kalɔ kamɛni kemmo na bubekpi na kewii kenye? Bula bekisine badubo bula beleku ku bebi buƒie bɔtɔlɔku. Ɔɔɔdia-bu uuutulo ka bɔsɔ bunwini buteesie Egyipte mmomu?”

Kɔgya 78:19

Bátɛmi enyenkpi bákya Katɔti na béye muedi banini, “Katɔti ɔdubɔkana na ute-bu adila na bɔdi na kalɔ kakwiidi kemmo mɛni?”

Kɔgya 78:25

Ɔmɛni ɔsu ni, Katɔti batu adila na Katɔti úmene-ma pii na bádi bemo.

Yeremia 42:14

Bɔ́tɔlɔ búsela Egyipte kesii kani na adila akya kaduɛ na kekpo ɔgbankpi ɔdi uuubo.’

Yeremia 44:17

Astarot ɔni ndi kayaa uleku ɔga baƒiɔ na abu búse kenye ka bɔdubɔkpa. Na ɔmmɔ geen na bɔdubo bɔbla. Bɔdubo oloƒui bɔkyula bute-nwu na buwi ntɛ kalɔ bɔkpa-nwu kalɛ kani na bula bati kuuku ku baga ku bula batɔnkune bábla uwi ɔni na bɔ́kya Yerusalem ku Yuda lɛma bamba kemmo. Lɛni na bɔ́bla na adila ákya-bu kaduɛ uwi ɔmmɔ na ala ádianku-bu na likpidi lɛdi lítalɛku-bu kudii.

Israelƒuɔ Bɔlɛ 14:11

Amu na béye Mose banini, “Bɔkɛ na bɔɔɔdubo bɔkɛ kesii kani na bava-bu na Egyipte ɔsu na ákpanku-bu éboku ketele kemmo mɛni anii bubekpi?

Bumomo Bɔka 11:20

Mmomu bɛdubo lɛna lɛmmɔ bɔkun kɔbuli kumodi sɔɔn utédu ka lɛna lɛmmɔ lɛdi lɛ́lɛ-mii enwu kemmo na bɛ́kɛ ɔlɛ bɛ́siku-nwu kemmo na bikisi-ni, ɔsika bíni Unwoti ɔni nkya-mii akɔ, na bíwulo kɔnyana na nwuna anumi na bɛɛsu bɛnini, “Bi ndi lɛla lɛni ɔsu geen na bɛ́lɛ Egyipte kalɔ lɛlɔ?” ’ ”

Bumomo Bɔka 21:5

Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Kɔgya 107:5

Kɔka ku utukwɛ kani mɔɔda-ma ɔni na basɔ beeebo lɛnunsia lɛdi ka badubo ngba bulie.