Israelƒuɔ Bɔlɛ 16:15 - Katɔti Ɔku Kedee

¹⁵ Ka Israelƒuɔ bánu lɛla lɛmmɔ ni, balati lɛla lɛni lɛdi. Amu na bakya beeye lɛlɔ banii, “Bi na ɔdi mɛni?” Amu na Mose ɔ́su-ma ɔnini, “Ɔmɛni ndi adila ani na Unwoti úte-mii ka bɛdi.

Israelƒuɔ Bɔlɛ 16:15 Referans Kwoze

Israelƒuɔ Bɔlɛ 16:4

Amu na Unwoti ɔ́su Mose ɔnini, “Ndubɔya na adila ataana taasi katɔ teete-mii aani ɔnantu. Na limeyi ndi limeyi ni, ya na bekyuli bammɔ balɛ na batála kalɛ kani medu-ma bɔdi limeyi kenye. Na ɔmɛni ndubuti bɔkɔku-ma bɔnu si badubo mina ɔda bubo lɛlɔ bɔdi.

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Israelƒuɔ Bɔlɛ 16:31

Na Israelƒuɔ násia adila ani baadi mmɔ lɛnyi banii manna, na nwuna kalɔ ndi ɔnii, “Bi na ɔdi mɛni?” Ɔsika úse aani kugyii ebi ƒututuu blii suɛ adi. Na nwuna emini ese aani agyila ani bakya uwɔ nwuna kemmo.

Lɛkpa Ulu 8:3

Anwuɔsu ɔ́ya na kɔka kɔ́da-mii na úte-mii adila ani baalɔ banii manna ɔ́siku Katɔ na bɛ́di. Na adila ammɔ udu ni, bina bati kuuku iye amii bina ɔdi útanu-nya kudii. Ɔ́bla ɔmɛni ɔ́tina-mii na biti bɛtɛya ala ka ɔɔɔdi lɛdila lɛti pɛ muute ukyuli ngba. Mmomu litemi biala na lɛ́si Katɔti kudɔ lɛlɔ bɔdi muute ngba geen bɔmmɔ.

Korintoƒuɔ 1 10:3

Bana ƒui bádi Kɔyu kemmo adila enwi pɛ ammɔ.

Nehemia 9:20

Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Nehemia 9:15

Na ka kɔka kɔɔda-ma ni, éte-ma adila ásiku katɔ. Na ka ntukwɛ ɔɔda-ma ni, áya na ntu bɔ́bwɛ bɔlɛ lɛtakpɛ bonwu kemmo. Na ásu-ma ka béteesie bététi kalɔ kani átalaku kɔnu katɔ na ése kenye ka eeti-ka eete-ma.

Yosua 5:12

Na ɔ́si uwi ɔmmɔ kama ni, adila ani naasí katɔ na baalɔ-nya banii manna áda bɔna aya. Na Israelƒuɔ básɔ bátadi ɔdi kudii. Na edula ani kani nkya Kanaan kalɔ lɛlɔ kani na baadi.

Yohane 6:49

Bina bati kuuku bádi adila ani baalɔ banii manna na ketele kemmo, nsu békpi.

Lɛkpa Ulu 8:16

Na úte-mii adila ani ndi manna na kalɔ kakwiidi kammɔ kemmo. Na adila ɔmmɔ udu ni, bina bati kuuku muedi bátati-nya kudii. Na Unwoti Katɔti ɔ́bla ɔmɛni ɔnii ɔɔnu si bɛdubɔti ka anwu nda-mii, na ɔkɔku bina bɔƒɔtaadi ɔnu kalɛ na weti ala abuni wete-mii na kawɔlɔkɔ ku kaƒɔ ƒaa.

Bumomo Bɔka 21:5

Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Israelƒuɔ Bɔlɛ 16:33

Amu na Mose ɔ́su Aaron ɔnini, “Wia ɔsii ɔdi na eti manna ɔmmɔ ɔdi aani omar bɔkɔku akya-nwu kemmo. Na eti ese Unwoti anumi. Ɔmɛni ɔdubuse bute bula bawɔ bawɔ.”

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Hebriƒuɔ 9:4

Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.

Luka 12:30

Ɔsika bekyuli bani nátaƒɔ Katɔti bátadi ni, ama mɔɔsia ala amɛni anu uwi ndi uwi. Bina Ɔti ɔgyi ka ala amɛni ƒui adi ala ani na bɛɛwia.

Agba 9:5

“Bibo na bibadi mina adila na bɛni mina ntɛ bɔni na lɛ́sala líse.

Kɔgya 78:24

Na úte-ma manna na bádi. Na manna ɔmɛni ɔdi katɔ adila ani na Katɔti ɔ́ya na ána aani ɔnantu úte-ma.

Kɔgya 105:40

Belusiene bamɛni béye Unwoti adila na úte-ma baasɛ ku bodobodo ɔ́siku katɔ na bádi bémo.