Israelƒuɔ Bɔlɛ 15:26 - Katɔti Ɔku Kedee

²⁶ Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Israelƒuɔ Bɔlɛ 15:26 Referans Kwoze

Kɔgya 103:3

Anwu muuti mina alaekpidi ƒui taakyiɛ-mi. Na ɔɔbwi-mi lɛlɛ lɛni ƒui na muuƒi.

Lɛkpa Ulu 7:15

Na Katɔti ɔɔɔdubo bɔya na ɔlɛ ɔdi ubo-mii lɛlɔ. Na uláya na lɛlɛ buɛ lɛni nébo na Egyipte kalɔ lɛlɔ mmɔ ɔdi webo-mii lɛlɔ. Mmomu kadi biala mekisi-mii ni, ɔdubɔya lɛlɛ lɛmmɔ udu libo bekyuli bammɔ lɛlɔ.

Israelƒuɔ Bɔlɛ 23:25

Bɛkpa ami bina Unwoti Katɔti lɛti pɛ, na mina kusɛ kusɛ ɔdubo-mii bɔsiaku na bɛkɛ bɛdi na bɛkɛ bɛni. Na ndubo ɔlɛ biala bɔda budie bina akɔ.

Kɔgya 147:3

Bani na bana enu áƒɛ ni, ɔ́ya na bákɛ lɛnunsia lɛwɔdi. Na ɔ́mana-ma alɛbi ƒui na ása.

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Lewiƒuɔ Ɔda Bubo 26:13

Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kalɛ na bɛsɔ bilénwini kabla bablane bilete Egyipteƒuɔ. Na ami náƒɛ kɔgba kɔni nda-mii ƒui kalɛ na ɔdia-mii na bɛkɔliku bina eli katɔ na bisie bɛvi kaduɛ.

Hiob 5:18

Ɔsika si ina ɔ́ya na ɔ́ƒɔ ɔlɛ ni, anwu kani ndubo-nwu bɔmana.

Lɛkpa Ulu 28:60

Na ɔdubɔya na lɛlɛ likpidi lɛni ƒui na ɔ́ya na líbo Egyipteƒuɔ lɛlɔ uwi ɔni na bɛ́kya Egyipte kalɔ lɛlɔ na bɛ́yia geen mmɔ libo-mii lɛlɔ na ɔdi ulákɛ-nwu kuvo.

Lɛkpa Ulu 12:28

Na si bɛɛdi ɔda bubo bɔni na bina Unwoti Katɔti úte-mi mɛni lɛlɔ ni, ɔmɛni ndubɔya na uteebunku amii ku bina bawɔ na lɛla biala na bɛɛbla lɛtɛ lite-mii.

Baga 1 11:33

Ndubo ɔmɛni bɔbla, ɔsika béni-mi na bésie bátákpa Sidonƒuɔ baƒiɔ bani ndi Astarot ku Moabƒuɔ baƒiɔ Kemos ku Amonƒuɔ baƒiɔ bani ndi Milkom. Na bátasia mina ulu lɛlɔ iye babla ala ani nse siin na mina anumi iye badi mina ɔda bubo lɛlɔ aani kalɛ na Salomo ɔti Dawid ɔ́bla kalɛ.

Yesaia 57:18

Ngyi-mii kalɛ na bise! Nsu ndubo-mi ɔlɛ ɔmmɔ bɔbwi ƒui na lɛtɔnku-mii na lɛya na kaƒɔ kayɔ-mii ku bani ƒui muuwulo kɔnyana.

Lɛkpa Ulu 13:18

Ɔsika biinú bina Unwoti Katɔti litemi na bɛɛdi nwuna ɔda bubo bɔni na uute-mii ɔmwi mɛni lɛlɔ. Na bɛɛbla ala ani nse siin na nwuna anumi ɔsu.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Lɛkpa Ulu 28:27

Unwoti ɔdubɔya na eƒula eteeƒu-mii aani kalɛ na ɔ́ya na éƒu Egyipteƒuɔ úbavi. Na ɔdubɔya na bina ɔlɔna utaabla alɛbi na ulie ntu na utaadu-mii. Nsu kuvo kɔdi kuuubo kɔni mabwi-mii.

Esekiel 18:5

“Ɔƒɛni kalɛ ukyuli ɔbuni ɔdi ɔkya ɔni na use siin na lɛbuni kani na ɔɔbla.

Yeremia 8:22

Bi ɔsu na balábwi mina bekyuli si evogyii ku ana bablane bakya Gilead?

Baga 2 22:2

Na Yosia ɔ́bla lɛla lɛni náƒɔ Unwoti anu. Na ɔ́siaku ɔti kuuku Ɔga Dawid ɔbladu kama siin. Na ɔ́di Katɔti ɔda bubo ƒui lɛlɔ.

Lewiƒuɔ Ɔda Bubo 26:3

“ ‘Si bɛ́di mina ɔda ɔni líbo-mii lɛlɔ na bɛ́sia mina bunyimi ƒui anu kaduɛ ni,

Baga 1 11:38

Na si ádi ɔda biala mebo-ɔ lɛlɔ, na ásia mina ulu lɛlɔ ábla ala siin na mina anumi, na ádi mina ɔda bubo lɛlɔ aani kalɛ na mina kabla ɔblane Dawid ɔ́bla ni, ndubulieku-ɔ na lɛya na ƒula lɛgakadikɔ kenye kpakplaa na ketu uwi aani kalɛ na lɛ́bla líte Dawid, na liti Israel lite-ɔ na adi-ma lɛlɔ.

Lɛkpa Ulu 28:58

Na si bítewi lɛlɔ na bɛdi ɔda bubo ala bɔtina bɔni bénweni bákya ɔku ɔmɛni kemmo na biti ɔbu unengudi ɔni na bɔyia bɔkya-nwu kemmo bite bina Unwoti Katɔti ni,

Israelƒuɔ Bɔlɛ 12:29

Usien ɔmmɔ lɛdibantɛ kani na Unwoti ɔ́du Egyipteƒuɔ bebi bananabi bedeedi ƒui. Ɔ́du-ma ɔ́siku Ƒarao ubidi udeedi ɔni muulie-nwu kelekɔ úti útédu ukyuli ɔni ntɛ aban ɔtɔ ubidi lɛlɔ. Na ɔ́du bebuo bebi bedeedi bani na báwɔ ƒui lɛnɔ.

Israelƒuɔ Bɔlɛ 19:5

Ɔƒɛni si bínu-mi litemi kaduɛ na bɛ́di mina bunyimi lɛlɔ ni, amii ndubɔbla mina bekyuli bani lɛlɔ na mina kayi kadubɔsia na kadi bekyuli ƒui akɔ, ina ka kayawi ƒui kadi mina kadi.

Israelƒuɔ Bɔlɛ 19:6

Na bɛdubɔbla bakpane ku kadi kani bekyuli nse kedee bite-mi.’ Etemila ammɔ lɛsa na ɔlɛka akɔ ete Israelƒuɔ.”

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Lɛkpa Ulu 12:25

Na si bɛɛdi ɔda bubo bɔmɛni lɛlɔ ni, kaƒɔ kadubɔyɔ Unwoti na ɔdubɔya na amii ku bina bawɔ keyi kayɔ.

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.

Baga 2 2:21

Amu na anwu lɛnɔ ɔ́ta úsie libiɔ lɛmmɔ kudɔ na úwilimi mma bɔmmɔ úwi ntu bɔmmɔ kemmo na ɔ́su ɔnini, “Lɛni na Unwoti ɔɔsu ɔnini, ‘Ntu bɔmɛni bɔbla ntu bɔbuni, na bɔsɔ buteboku kukpi iye ubile kalɔ kammɔ na kasɔ kaladia ala.’ ”

Yeremia 7:23

Mmomu bɔsu na lɛ́su-ma lɛnɔ ndi, ‘Si bínu-mi litemi na bɛ́bla bɛ́siaku ala ani na lɛ́su-mii lɛlɔ ni, ndubɔbla bina Katɔti na amii bɛbla mina bekyuli, na lɛla biala lɛdubɔtɛ lite-mii.’

Yeremia 11:7

Lɛ́siku-mii bɔtɛmiku ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ nnii bɛdi mina ɔda bubo lɛlɔ. Nsu amii ku bina bati kuuku ƒui,

Yeremia 30:17

Ukyuli biala ulawia ka udie-ɔ kakpana na ɔɔɔdaku-ɔ lɛda lɛnɔ si lɛla lɛdi mɔɔlɛ́ku-ɔ. Nsu ndubo-mii bɔbwi ƒui bɔsiku bina lɛlɛ lɛni nda-mii kudɔ na lɛlɔ lɛsɔ lɛbla-mii sɛɛn na bɛsɔ bɛkɛ bina ɔlɔkplu.”

Bumomo Bɔka 12:13

Amu na Mose úwulo ɔ́kpali Unwoti ɔnini, “O Unwoti Katɔti, buvele nda-a, bwi Miriam ɔlɛ ɔni nda-nwu.”

Lɛkpa Ulu 5:1

Amu na Mose ɔ́lɔ Israelƒuɔ bammɔ ƒui ɔ́sala na ɔ́su-ma ala amɛni. Israel kadi bekyuli, binu ɔda bubo bɔni ƒui líti muute-mii ɔmwi mɛni. Bɛtɛya ɔda bubo bɔmmɔ na bɛnu ka bɛdi-mu lɛlɔ.

Kɔgya 81:9

Bitetétiku baƒiɔ badi bitasiku kesii kadi betebese lɛlɔ bɛnii bitaakpa.

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Hosea 11:3

Ami náda Israelƒuɔ kɔnu na lɛ́tina-ma kalɛ na beesié. Nsu bátanu bátati banii ami nábwi-ma.