Israelƒuɔ Bɔlɛ 15:21 - Katɔti Ɔku Kedee

²¹ Na kɔgya kɔni na Miriam údie ndi, “Bidie kɔgya bite Unwoti, ɔsika úkpo ɔ́di lɛlɔ geen. Bapɔnkɔ ku bana lɛlɔ beliene ƒui úbo-ma útákya ɛpu kemmo.”

Israelƒuɔ Bɔlɛ 15:21 Referans Kwoze

Israelƒuɔ Bɔlɛ 15:1

Amu na Mose ku Israelƒuɔ bátu ɔnu bémwi Unwoti banini, “Ndubɔtu ɔnu limwi Unwoti. Ɔsika Úkpo kekpo kebendi na ɔ́di lɛlɔ Na bapɔnkɔ ku bana bakane ƒui úbo-ma útákya ɛpu kemmo.

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.

Samuel 1 18:7

Na beleku bani nkya mɔɔtɔ́ mmɔ beedie lɛnu banini, “Saul ɔ́du bekisine mpim mpim. Na Dawid anwu ɔ́du bana mpim leevu leevu.”

Litemi Batɛne 5:3

“Amii baga, binu! Amii lɛlɔ badine bise atu. Ndubo ɔnu budie lɛtu kɔgya limwi Unwoti, Israel Katɔti.

Budie Taatina 14:3

Na nkyuli mpim eti anyɔ ku aavlene-ine bamɛni badi bekyuli bani na bédie básiku kayawi na bákɛ ngba bɔƒɔ. Na bana ƒui benye lɛgaboku ku Katɔti ngba batu ine bammɔ anumi ku benengu bammɔ anumi. Na béteedie ɔnu ɔwɔdi ɔni na ama lɛti pɛ kani nákana-nwu bɔtɛya.

Samuel 1 18:6

Ɔƒɛni limeyi lɛni na Dawid ɔ́du Goliat mmɔ ni, anwu ku bekpone bakladi bénwini bésela ɔma. Ka básia Israelƒuɔ lɛma lɛmmɔ kemmo bésela ni, beleku bammɔ bálɛ bábasiaku Ɔga Saul na baatu yiiduu teete-nwu ku kɔgya na baatɔ́. Bédie lɛlɔyɔ lɛnu ku lɛbentaa ku agyala abambadi lɛnɔ.

Samuel 2 1:20

“Bitasu ɔmɛni udu na Gat ɔma kemmo. Na bitebo-ni kudu na Askelon lɛnɔ. Si ɔɔɔdi lɛni ni, lɛlɔ lɛdubɔyɔ Ƒilistiƒuɔ beleku. Na ebiti ada beleku bani na kadi bamba bekyuli bani na bétekulo ago báwɔ.

Samuel 2 6:14

Amu ka bágyu bésela ni, Dawid ɔkɛ ɔɔtɔ́ momoomo geen na uumwi Unwoti. Na kɔdi kɔƒualadi kpɛtɛ kpɛtɛ kɔdi kɔda-nwu kavobi.

Kɔgya 76:6

Katɔti ɔni na bula nana Yakob ɔ́kpa, uwi ɔni na ákwanyiku-ma ni, bekpone bammɔ ku bana bapɔnkɔ ku kɛɛkɛ ƒui bébuli na bágyini batɛ kpoo.

Israelƒuɔ Bɔlɛ 15:4

Ƒarao bekpone ku bana kɛɛkɛ ƒui ɔ́nyina-ma ɔ́kya ɛpu kemmo. Ƒarao benengu batɔnkune ƒui bátɛ Ɛpugyie kalɔ.