Israelƒuɔ Bɔlɛ 15:15 - Katɔti Ɔku Kedee

¹⁵ Na Edomƒuɔ baga badubo bɔyia geen ku liƒu, na liƒu lɛmmɔ lɛya na lɛlɔ litaatɔ Moabƒuɔ batɔnkune kpakpaakpa. Na enu adubɔƒɛ Kanaanƒuɔ geen na bataayila.

Israelƒuɔ Bɔlɛ 15:15 Referans Kwoze

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.

Yosua 2:11

Uwi ɔni na bɔ́nya búnu ala amɛni ƒui ni, ɔtɔtɔ úse kalɔ ɔɔgyú-bu. Na enu ése kalɔ aaƒɛ-bu ɔ́si amii ɔsu. Ɔsika Unwoti Katɔti ɔmɛni ndi katɔ ku kalɔ ɔti.

Yosua 2:9

“Ngyi ka Unwoti úuti kalɔ kamɛni úte-mii. Ɔsika ukyuli biala ɔni nkya kalɔ kamɛni kemmo ɔtɔtɔ ɔɔgyú-nwu geen ɔ́si amii ɔsu.

Lɛkpa Ulu 2:4

Na ɔ́su-mi ka mbo-mii ɔda ɔmɛni ɔnini, “Kásɔ kébu blii na biduo bina banwani bani nási Esau kaba kemmo na beli Edom abi lɛlɔ kalɔ akɔ. Badubɔyia-mii, nsu mɔɔsú-mii nnii bɛ́nu kaduɛ na bana lɛlɔ.

Ala Kalɔ Buse 36:40

Baga badi bási Esau kaba bebi akɔ na bana adua ku kɔlɛkɛ kɔni lɛlɔ na bádi kenye, na bana anyi ndi Timna ku Ahoa ku Yetet

Habakuk 3:7

Lɛ́nu ka Israel bekisine Kus ku Midian bani nli nvo kemmo na kalɔ kakwiidi lɛlɔ béƒu.

Nahum 2:10

Niniwe ɔdi ɔ́sa ɔƒɛni amu! Bábwɛ ɔma ɔmmɔ, na liƒu bonwu líƒie bekyuli bammɔ na benye baatɔ́ kpakpaakpa, na bana anumi ábla ƒuƒuu na bɔyia ɔsu.”

Esekiel 21:7

Na si béye-ɔ lɛla lɛni ɔsu na eedumo lɛni ni, su-ma anii énu kenye kekpidi kani mɔɔda liƒu geen na kadubɔya na ukyuli biala nénu-ka ɔtɔtɔ ɔgyu-nwu na utaatɔ ku liƒu kpakpaakpa. Na uwi ɔsɔ uletu asa na ala amɛni adubo bɔlɛ. Ami Unwoti muusé kenye kamɛni!”

Yesaia 19:1

Linyesia lɛmɛni lɛdanku Egyipte kalɔ lɛlɔ. Bɛnu! Unwoti uli liƒlukutu bonwu lɛdi lɛlɔ, na ɔkɛ ku usi momoomo úsela Egyipte kalɔ lɛlɔ, na lɛlɔ lɛɛtɔ́ Egyipteƒuɔ baƒiɔ ku liƒu bonwu. Na Egyipteƒuɔ bammɔ alati báyɛyɛ, na enu áƒɛ-ma na bɔyia ɔsu.

Yesaia 13:7

Ɔmmɔ ɔsu enu adubɔƒɛ ukyuli biala na ɔtɔtɔ buɛ ɔ́gyu bana ƒui

Kɔgya 68:2

Bɔku-ma lɛku ƒula anumi aani kalɛ na uyɔ ɔɔyii taakya. Ya na belikplune bayii ku udu aani kalɛ na kɔma kɔɔnani na ogya lɛlɔ si áda álɛ-ma lɛlɔ.

Samuel 2 17:10

Na uwi ɔmmɔ ni, ina ukpone ɔni mbo kayi aani gyata muedi ni, lɛlɔ lɛdubo-nwu bɔtɔ ku liƒu, ɔsika Israelni biala ɔgyi ka ƒ'ɔti ni, ukpone geen na ɔdi na nwuna basiakune lɛnɔ bebo kayi geen.

Samuel 1 14:16

Uwi ɔmmɔ ni, Saul ku nwuna bekpone bakya Gibea na Benyamin kalɛkɛ. Na bekpone bani nnye mɔɔgyumana mmɔ bánu bémene ka liƒu líƒie Ƒilistiƒuɔ bekpone bammɔ na bakɛ beekeli taavi.

Yosua 14:8

Nsu bekyuli bani na ami ku-ma búsie ni, báya na bɔyia ku liƒu liduo bula bekyuli kemmo. Nsu ami lɛ́di Mina Unwoti Katɔti litemi lɛlɔ geen.

Yosua 2:24

Na básu-nwu banini, “Bɔɔƒɔ́ taadi ka Unwoti úti kalɔ kammɔ ƒui úte-bu. Ɔsika bekyuli bani ƒui nkya kalɔ kammɔ lɛlɔ ɔtɔtɔ úse kalɔ ɔɔgyú-ma ɔ́si abu ɔsu.”

Lɛkpa Ulu 20:8

Na basɔ beye bekpone bammɔ kɔkladi banini, “Bina akɔ ɔdi ɔkya na ɔtɔtɔ ɔɔgyú-nwu iye enu áƒɛ-nwu?” Na si badi bátuna banii “Ɛɛn” ni, na bɛya na benwini kalɛ na lɛlɔ lilawiɛ bekpone bakladi.

Ala Kalɔ Buse 36:15

Ɔƒɛni ni, baga badi bákya Esau kaba bebi akɔ. Na Esau ubidi udeedi ɔni ndi Eliƒas bebi bananabi akɔ ni, baga bammɔ ndi Teman ku Omar ku Seƒo ku Kenas

Kɔgya 48:5

Nsu ka béduo mmɔ ni, ɔ́bla-ma kalɛ kadi na liƒu lɛ́da-ma amu na békeli batɔlɔ.

Yeremia 49:23

Unwoti ɔ́su ɔ́siku Damasko lɛlɔ ɔnini, “Hama ku Aprad lɛma linengudi lɛmmɔ línu ƒula kenye kekpidi kani nébo-ɔ mmɔ na báyila bana lɛnunsia ƒui na lɛƒɛda lɛ́ƒɔ-ma lɛlɔ kemmo ƒui aani kalɛ na ɛpu avlɔvɔ eebi lɛla lɛdi lɛlɔ ƒui.

Ala Kalɔ Buse 36:16

ku Kora ku Gatam ku Amalek. Eliƒas kaba kemmo baga na uwi ɔni bákya Edom kalɔ lɛlɔ na badi mmɔ. Na badi Esau ulekudi Ada bawɔ.

Habakuk 3:6

Si údi únye ni, kalɔ kammɔ ƒui kaakunku. Na si ɔ́nu ɔnusɛ ni, kadi bekyuli ƒui baatɔ́ kpakpaakpa. Na si ɔ́sia nwuna lilu kuuku lɛmmɔ lɛlɔ ɔɔví ni, abi ku abinkpo ani nnye uwi ƒui mmɔ aanyonu lɛlɔ na aabwɛ.