Israelƒuɔ Bɔlɛ 15:11 - Katɔti Ɔku Kedee

¹¹ “Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Israelƒuɔ Bɔlɛ 15:11 Referans Kwoze

Baga 1 8:23

na ɔ́kpali Katɔti ɔ́su ɔnini, “O Unwoti, Israel Katɔti, benwoti biala beeese aani ƒula kalɛ na katɔ iye kalɔ. Aadi ƒula bunyimi bɔni na ényimi ku ƒula bekyuli lɛlɔ, na aayɔ́-ma uwi ndi uwi. Ama bani nénu kalɔ basiaku-ɔ kama siin baadi ƒula litemi lɛlɔ ku bana kayi ƒui.

Samuel 1 2:2

Ukyuli ɔdi uuuse kedee aani awɔ Unwoti kalɛ. Na ɔdi lɛnɔ uuubunku-ɔ. Na lɛtakpɛ bonwu lɛdi liiibo na lɛdi kama kekpokɔ aani awɔ bula Katɔti.

Samuel 2 7:22

“O Unwoti Ɔbune, ébomo geen na ɔdi uuuse aani ƒula kalɛ. Na aani kalɛ na búnu ku bula atu ni, Katɔti ɔdi uuubo ntu awɔ kani.

Budie Taatina 4:8

Na ngba batu ine bamɛni ƒui bebo avwi aku aku, na anumi akya avwi amɛni kemmo ku kama. Usien ku ɔƒɛ ni, baláda bɔsu taaya banini, “Kedee, kedee, kedee ndi Blɔti ɔni mbo ɔyikun ƒui, ɔni nélie, na uli, na ɔdubo bulie.”

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Lɛkpa Ulu 3:24

“O Ɔyikune Ƒui Katɔti, awɔ nése kalɔ eedie ƒula ɔyikun bonwu taatina ami ƒula kabla ɔblane ku ƒula akɔla budie taatina. Na ɔyikun ɔdi uuubo na katɔ iye kalɔ na ɔkana akɔla ebendi ani na aabla mɛni bɔbla.

Kɔgya 86:8

Beleti baƒiɔ badi balákɔku-ɔ, ɔsika awɔ kani mɔɔkana na aabla akɔla ala budie taatina. Ɔsika ɔdi ulákana ala enengudi ani na aabla bɔbla.

Kɔgya 77:14

Katɔti ɔni mɔɔbla akɔla ala budie taatina na adi. Na édie ƒula ɔyikun keyi átina na bekyuli bammɔ bánu.

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Yesaia 40:25

Ɔma na bɛdubuti Unwoti Kedee bɔkɔku? Buse na ukyuli ɔdi use aani nwuna kalɛ?

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.

Kɔgya 77:19

Édie ulu ávinku ɛpu kemmo na ƒula kasiakɔ kakɛ ketu bonwu kammɔ kemmo kalɛ. Nsu ɔmmɔ ƒui ni, ukyuli ɔyawine útanu-ɔ lɛgba kanyakɔ.

Yesaia 40:18

Na si use lɛni ni, ɔma na ukyuli ɔdi ɔdubuti Katɔti bɔkɔku, iye bi udu na ukyuli ɔdubɔnwi uti ɔtina kalɛ na Katɔti use?

Kɔgya 35:10

Na ndubɔsu ku mina kayi ƒui nnini, “Ukyuli ɔdi uuuse aani Unwoti kalɛ.” Ɔsika anwu muudie bekyuli bani nse kpɛtɛ kpɛtɛ taalɛku bayikune bani ntulo-ma enu kemmo. Na uudie bawabane taalɛku bayikune bani ntulo-ma na baanya-ma taakya enu kemmo.

Israelƒuɔ Bɔlɛ 8:10

Mmɔ ni, Ƒarao údie kenye ɔnini, “Bo na ebevele Unwoti ete-mi kɔnaadi.” Amu na Mose udie kenye ɔnini, “Línu. Ndubɔbla lɛla lɛni na éye-mi lite-ɔ. Na mmɔ na adubɔnu bɔti ka Katɔti ɔdi uuubo na utulo bula Unwoti Katɔti.

Kɔgya 66:5

Bibo na bibanu akɔla budie taatina ani na Katɔti ɔ́bla na bekyuli akɔ.

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Kɔgya 145:17

Unwoti use siin na ulu biala lɛlɔ, na ubo lɛƒɔndia na nwuna ablala ƒui kemmo.

Yeremia 10:16

Nsu awɔ Israel Katɔti ni, eeese lɛni, awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Kɔgya 90:11

Ɔma ngyi kalɛ udu na awɔ Katɔti áani ukyuli kɔtu teetédu si éti kɔnyi? Lɛni ɔsu na liƒu bonwu lɛɛda-bu si livo liiƒí-ɔ.

Lewiƒuɔ Ɔda Bubo 19:2

“Su Israel kadi bekyuli ƒui anini, ‘Bɛbla lɛlɔ kedee, ɔsika ami Unwoti bina Katɔti nse kedee.

Yesaia 30:11

Na bɛda-bu bɛnyonu na bɛwia kasiakɔ. Ɔsika bɔsɔ buláwia ka bunu lɛla lɛdi bɔsiku Israel Katɔti Kedee ɔmmɔ lɛlɔ lɛnɔ!”

Kɔgya 89:18

Awɔ Unwoti Israel Katɔti Kedee ndi bula ɔga ku lɛgyumanala éte-bu.

Budie Taatina 13:4

Bekyuli bátaalɛ akɔnkɔ teete kɔlakpi kɔmmɔ, ɔsika kúte eƒiebuo ɔmmɔ kenyekɔ kenengudi. Na bátaalɛ akɔnkɔ teete eƒiebuo ɔmmɔ lɛnɔ. Na baasu banii, “Ɔma nse aani eƒiebuo ɔmɛni? Na ɔma makana-nwu bukpoku? Ɔdi uuubo!”

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Israelƒuɔ Bɔlɛ 9:14

si ɔɔɔdi lɛni ni, ɔƒɛni na ndubɔya na ɔgbankpi ɔmmɔ ubasiaku-mii kpakplaa ku ogya awɔ ku ƒula benengu ku kadi bekyuli ƒui, na mmɔ na adubo bɔnu bɔti ka Unwoti ɔdi uuubo aani ami kalɛ na kalɔ kamɛni ƒui lɛlɔ.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 20:3

Bitese benwoti badi bitebunku-mi lɛlɔ.

Ala Alɛdi 2 2:5

“Na kakpakɔ kamɛni kadubɔbla kakpakɔ kenengudi geen, ɔsika bula Katɔti úbomo utulo baƒiɔ lidu ƒui.

Ala Alɛdi 2 6:14

na ɔ́kpali Katɔti ɔnini, “Unwoti Israel Katɔti, ɔyikune ƒui, ɔdi ɔsɔ uuubo na katɔ iye kalɔ lɛlɔ mɛni na use aani ƒula kalɛ! Átayiƒala lɛla lɛni na ényimi ku ƒula kadi bekyuli kudii. Na aasia ƒula litemi kama siin taadi-ni lɛlɔ teete ukyuli biala ɔni na mɔɔsia ƒula ala bɔtina kama siin taadi-ni lɛlɔ na ulalɛ-ɔ kama.

Kɔgya 22:23

Amii bani mɔɔyia Unwoti ƒui, bimwi-nwu lɛnyi. Na amii Yakob bebi ku bawɔ ƒui, bɛbu Unwoti Katɔti. Na amii Israel bebi ku bawɔ ƒui, bɛkya-nwu eli kalɔ.

Kɔgya 113:5

Ɔma nse aani bula Unwoti Katɔti ɔni nli nwuna lɛgaboku lɛlɔ na katɔ katɔ ƒui?

Kɔgya 136:4

Bɛgya anwu ɔni mɔɔbla akɔla ala budie taatina enu. Ɔsika ɔɔyɔ́-bu uwi ndi uwi.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Israelƒuɔ Bɔlɛ 8:6

Anwuɔsu Aaron únene ugyii ɔmmɔ na bapɔtɔlɔ bákɔ bálɛ Egyipte kalɔ lɛlɔ ƒui.

Lɛkpa Ulu 1:30

Ɔsika bina Unwoti ndubo-mii bɔtɔnku, na ɔdubo bina kekpo ƒui bukpo bute-mii aani kalɛ na bɛ́nu kalɛ na úkpo úte-mii na Egyipte kalɔ lɛlɔ

Lɛkpa Ulu 4:34

Na muuye-mii nnii baƒiɔ badi bésie kalɔ kadi lɛlɔ dii na bétédie bekyuli bálɛku kalɔ kammɔ lɛlɔ na béti-ma bábla nwuna bekyuli aani kalɛ na bina Unwoti Katɔti údie-mii ɔ́lɛku Egyipte kalɔ lɛlɔ? Na bina anumi lɛlɔ ni, údie nwuna ɔyikun ɔ́tina-mii na ɔ́ya na lɛlɛ lidu lidu líbo bekyuli lɛlɔ, na údie akɔla lidu lidu ku ala ani mɔɔda liƒu geen ɔ́tina.

Ala Alɛdi 1 16:25

Ɔsika bula Unwoti úbomo na nwuna lɛnyi lɛ́kɔ katɔ anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Kɔgya 60:2

Awɔ náya na kalɔ kákunku na kábwɛ ntɛ. Nsu buuvele-ɔ bɔnii tile kɔka kɔmmɔ kalɛ na kalɔ kammɔ kelébo kalánu.

Kɔgya 77:11

Ndubɔkali Unwoti ablala lɛnu. Na geen geen ni, ndubunyimo ƒula akɔla budie taatina ani na ábla kuuku uwi ɔmmɔ.

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Yesaia 46:9

Bɛbla kasusu bɛsiku ala ani nálɛ akwa pii ábavi lɛlɔ. Ami lɛti kani ndi Katɔti! Na ɔbambadi ɔdi ɔsɔ uuubo uuubunku-mi mina kalɛ.