Israelƒuɔ Bɔlɛ 14:8 - Katɔti Ɔku Kedee

⁸ Na Unwoti ɔ́ya na Ƒarao kayi káyu ɔkplu na báta banii batábi basiaku Israelƒuɔ bani náta báyu ulu bésela ku kayi buse.

Israelƒuɔ Bɔlɛ 14:8 Referans Kwoze

Batalane Kabla 13:17

Katɔti ɔni na Israelƒuɔ baabu ni, ɔ́ƒuna bula bati kuuku na úte-ma kusɛ kusɛ. Na anwu ɔlati ɔ́tɔnku-ma ɔ́lɛku bekyuli kalɔ bɔkya kemmo na Egyipte ku nwuna ɔyikun.

Bumomo Bɔka 33:3

Israelƒuɔ báta bási Rameses ɔma na kɔbuli kudeedi limeyi leevu-lɛlɔndi lɛlɔ na Kukpi Lili Bɔvia Limeyi bɔdi kadi kegye. Na básia bálɛ ɔma ɔmmɔ kemmo ku kayi buse na Egyipteƒuɔ anumi

Lɛkpa Ulu 26:8

Na ɔkɛnku nwuna ɔyikun ku ɔlɔkplu kemmo na ɔ́ƒɔ-bu ɔ́lɛku Egyipteƒuɔ enu kemmo. Na ɔ́bla akɔla budie taatina lidu lidu. Na ɔ́ya na liƒu ala lidu lidu ébo-ma lɛlɔ.

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Kɔgya 86:13

Ɔsika aayɔ́-mi geen na édie-mi na ntekpi.

Lɛkpa Ulu 32:27

Nsu naaawia ka bana bekisine bataakun lɛmɛnɛ taasu banii, ‘Bɔ́di-ma lɛlɔ ɔni na kebunku kadi kátasi Unwoti kudɔ.’ ”

Israelƒuɔ Bɔlɛ 13:18

Anwuɔsu Katɔti ɔ́tɔnku-ma na bénwini bátásia ketele ulu ɔni ntɛ úsie Ɛpugyie mmɔ lɛlɔ. Na Israelƒuɔ báda lɛlɔ aani bekpone kalɛ asa na bálɛ Egyipte kalɔ lɛlɔ.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 4:21

Amu na Unwoti ɔ́su Mose ɔnini, “Si énwini ésie Egyipte ni, nu ka ábla akɔla budie taatina ammɔ na Ɔga Ƒarao anumi ɔkɛnku ɔyikun ɔni na líte-ɔ kenye. Nsu ndubɔya na Ɔga Ƒarao kayi kayu ɔkplu ɔni na ɔɔɔdubo bɔtuna na Israelƒuɔ batɔlɔ Egyipte kalɔ lɛlɔ.

Israelƒuɔ Bɔlɛ 9:12

Nsu Unwoti ɔ́ya na Ƒarao ɔ́yu kayi ɔkplu na útenu Mose ku Aaron litemi kalɛ kani na Unwoti ɔ́su Mose úse.

Israelƒuɔ Bɔlɛ 10:27

Nsu ɔmɛni kama Unwoti ɔ́ya na Ƒarao kayi kásɔ káyu ɔkplu na útete kuƒi na Israelƒuɔ batɔlɔ.

Israelƒuɔ Bɔlɛ 14:7

Amu na úti bapɔnkɔ kɛɛkɛ eti leevu-anyɔ (600) lɛni nkya-nwu kudɔ ku kɛɛkɛ lɛbambadi lɛni nkya Egyipte kalɔ lɛlɔ ku bana bekpone bani ngyi bukpo geen ɔ́da.

Israelƒuɔ Bɔlɛ 14:17

Na ndubɔya na Egyipteƒuɔ bammɔ kayi kayu ɔkplu na basia-ma kama lɛni kani. Na ɔkɛnku Ƒarao ku nwuna bekpone bammɔ ku bapɔnkɔ kɛɛkɛ ku bapɔnkɔ beliene bammɔ ƒui lɛlɔ ɔsu na mina lɛnyi likeye.

Israelƒuɔ Bɔlɛ 15:9

“Ukisine ɔmmɔ ɔ́kun lɛmɛnɛ ɔnini, ‘Ndubɔbi bɔsiaku-ma na ntáka-ma lɛkya. Na liƒie-ma ala lɛƒɔ na lile-nya na lɛdi-nya kalɛ biala na mɔɔyɔ́. Ndubɔkpa mina kewii liti lɛyila-ma udu.’

Kɔnyana Buwulo 3:65

Ya na ƒula ewida asiaku-ma na aya na bebo abi geen.

Lewiƒuɔ Ɔda Bubo 26:13

Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kalɛ na bɛsɔ bilénwini kabla bablane bilete Egyipteƒuɔ. Na ami náƒɛ kɔgba kɔni nda-mii ƒui kalɛ na ɔdia-mii na bɛkɔliku bina eli katɔ na bisie bɛvi kaduɛ.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

Litemi Batɛne 4:7

Mmɔ na ndubɔya na Sisera ɔni ndi Yabin bekpone ɔtɔnkune ubekpoku-mii na Kison Ketu kenye. Ɔdubuti nwuna bapɔnkɔ kɛɛkɛ ku nwuna bekpone uboku, na ndubɔya na adi-ma lɛlɔ.’ ”

Kɔgya 105:43

Ɔmmɔ ɔsu na ɔ́tɔnku nwuna bekyuli baƒunadi ɔ́lɛku kalɔ kammɔ kemmo na beedie lɛlɔyɔ lɛnu ka bakɛ ulu.