Israelƒuɔ Bɔlɛ 14:22 - Katɔti Ɔku Kedee

²² na Israelƒuɔ bésie bávia ɛpu ɔmmɔ kemmo kalɔ kakwiidi lɛlɔ. Na ntu bɔmmɔ bɔ́bla awodu bonwu bɔ́kya-ma kɔmii ku kɔdianu.

Israelƒuɔ Bɔlɛ 14:22 Referans Kwoze

Hebriƒuɔ 11:29

Ɔkɛnku bɔƒɔtaadi lɛlɔ na Israel bekyuli bakɛ kalɔ kakwiidi lɛlɔ bávia Ɛpugyie. Nsu Egyipteƒuɔ ama ni, ɛpu ɔmmɔ úti-ma ɔni na baavia-ka.

Kɔgya 66:6

Ɔ́ya na bula nana bene bábwɛ bávi Ɛpugyie ntɛ na bakɛ lɛgba básia kalɔkplu bávia. Bibo na bɔkɛ ebiti na lɛla lɛni na ɔ́bla ɔsu.

Kɔgya 78:13

Úle ɛpu ɔmmɔ kemmo na ɔ́ya nwuna bekyuli básia bálɛ uwi ɔni na ntu bɔmmɔ bunye aani kɔbi na ɔvi ɔni ku ɔni.

Israelƒuɔ Bɔlɛ 15:19

Israelƒuɔ bésie bávi ɛpu kalɔ aani kalɔ kakwiidi. Nsu uwi ɔni na Egyipteƒuɔ bapɔnkɔ kɛɛkɛ ku bana bapɔnkɔ ku bana bakane béduo ɛpu ɔmmɔ kemmo ni, Unwoti ɔ́sɔku ntu bɔmmɔ ɔ́sala na búti-ma.

Israelƒuɔ Bɔlɛ 14:29

Nsu Israelƒuɔ bésie bávi ɛpu ɔmmɔ kemmo kalɔ kakwiidi lɛlɔ, na ntu bɔmmɔ bunye aani awodu na bana kɔmii ku kɔdianu kakɛ ƒui.

Korintoƒuɔ 1 10:1

Banwa, mɔɔwia ka binyimo lɛla lɛni nálɛku bula bati kuuku bani násiaku Mose. Ulɔyɔ ɔ́tɔnku-ma, na ɔ́gyumana-ma ƒui. Na bávi Ɛpugyie ntɛ.

Yesaia 63:13

Wɛ na ukyuli ɔni nétiku-ma ɔ́siaku ɛpu kalɔ kalɔ ƒui mmɔ ɔkya? Básia mmɔ bálɛ aani kalɛ na ɔpɔnkɔ ɔɔkɛ ku usi taasia kalɔ ƒiaa lɛlɔ na bétetulo iye bagbanta.

Nehemia 9:11

Awɔ néle ɛpu kemmo inyɔ na bánu báti na básia-nwu kemmo bávi aani kalɔ kani nákwii. Nsu bani nábi ásiaku-ma ni, áya na ɛpu lɛmmɔ lɛ́nyina-ma aani kalɛ na lɛtabi lɛɛnyi ntu kalɔ.

Israelƒuɔ Bɔlɛ 15:8

Ƒula kɔnyi ɔƒɛƒɛɛ ɔni nálɛ-ɔ enwu kemmo ɔ́ya na ntu bɔmmɔ bɔ́sala lɛlɔ. Na ntu bɔni avlɔvɔ mɔɔkɔ́ mmɔ búnye kpakplaa aani awodu. Na ɛpu ntɛ ntu bɔmmɔ bɔ́kwii bɔ́bla kpakplaa.

Bumomo Bɔka 33:8

Báta Pi-Hahirot anumi mmɔ bátávia ɛpu bésie ketele kalɔ kakwiidi kemmo. Na bésie bávi Etam ketele kalɔ kakwiidi kammɔ emeyi atɛ na bátáda keliekɔ na Mara.

Sakaria 2:5

Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”

Yosua 3:17

Na Katɔti bakpane bani nti Bunyimi Adaka ɔmmɔ benye ketu kakwiidi kammɔ ntɛntɛ úti útédu ka bekyuli bammɔ ƒui bávia báwɔlɔ.

Yosua 4:22

bɛsu-ma ka uwi ɔmmɔ na Israel bekyuli bákɛ kalɔ kakwiidi bávia Yordan Ketu.

Samuel 1 25:16

Bénwini aani kowodu kɔni náka kɔ́mana-bu usien ku ɔƒɛ na bágyumana-bu ku bula bebuo uwi biala na bɔkya kadikɔ.

Baga 2 2:8

Amu na Elia údie nwuna lɛduni lɛni na ɔda na ɔ́ƒɛ-ni ɔ́sala na úti ɔ́ƒiɛmi Yordan Ketu. Na ketu kammɔ kéle lɛlɔ kemmo inyɔ na bákɛ ketu kammɔ kemmo bávia kalɔ kakwiidi lɛlɔ bésie ɔvi unyɔdi.

Kɔgya 74:15

Áya na abiɔ ku ntukpa ƒui bɔ́ƒɔ ntu na bɔɔgbá. Na ntukpa bonwu bɔ́kwii.

Kɔgya 136:14

Ɔ́ya na Israel kadi bekyuli básia ntu bɔmmɔ ntɛ. Ɔsika ɔɔyɔ́-bu uwi ndi uwi.

Yesaia 43:16

“Ami nékulo kuƒi lɛ́va ɛpu bonwu ɔmmɔ kemmo.

Yesaia 63:12

Ɔma muudie kɔnu taabla ɔyikun ala ani muukeye si Mose ɔ́talaku kɔnu katɔ, na úle ɛpu kemmo inyɔ na bana anumi, na nwuna lɛnyi lise lísela uwi ƒui?

Yosua 3:16

ntu bɔni nási katɔ kakɛ bɔ́da bɔgba bɔ́ya. Na bɔ́sala lisu liku linwi. Na kesii kani na ntu bɔmmɔ búdi búnye mmɔ baalɔ Adam na ude Sareta na ɔgyunku kesii kani bávia mmɔ. Na ntu bɔni nágba bɔ́yu búsela Mma Ɛpu búkulo kɔnakunwi. Anwuɔsu bekyuli bammɔ bávia Yordan Ketu na kesii kani nde Yeriko.

Baga 2 2:14

Na úti Elia lɛduni lɛmmɔ ɔ́ƒiɛmi ntu bɔmmɔ anumi na ɔ́su ɔnini, “Wɛ na Unwoti ɔni ndi Elia Katɔti mmɔ ɔkya?” Amu na ɔ́sɔ ɔ́ƒiɛmi kunyɔdi na ntu bɔmmɔ bɔ́bwɛ kemmo inyɔ. Na ɔ́sia-nwu kemmo na úténye ketu kammɔ ɔvi unyɔdi.

Kɔgya 106:9

Údie lɛdi na Ɛpugyie ɔmmɔ ɔ́kwii kɔnakunwi. Na ɔkpanku-ma na bávi-nwu kemmo aani kalɔ kakwiidi lɛlɔ na bakɛ.

Kɔgya 136:13

Bɛgya anwu ɔni náya na Ɛpugyie ntu bɔ́bwɛ ntɛ enu. Ɔsika ɔɔyɔ́-bu uwi ndi uwi.

Yesaia 11:15

Na Unwoti ɔdubɔya na Ɛpugyie kaviakɔ kani nédie utukwalɛ aani lɛba mmɔ kakwii. Na ɔtalaku nwuna kɔnu ɔsia Euƒrate Ketu na utiku ɔƒɛƒɛɛ ɔni mɔɔkula ala na ukpo ɔvi-ka anumi na ule-ka ɔbla ntukpa wɛlɛ wɛlɛ maatɛ na ɔdia bɔvia ku lɛgba.

Yesaia 11:16

Na Unwoti ɔdubɔya na ulu bɛbɛɛbɛ ɔdi ɔsia mmɔ ɔvi ute nwuna kadi bekyuli bani na bébu bakya Asiria, aani kalɛ na ɔ́bla úte-ma uwi ɔni na bávi baalɛ́ Egyipte kalɔ lɛlɔ.

Yesaia 51:10

Na awɔ kani náya na ɛpu ntu bɔ́kwii na kalɔ kekpludi kálɛ na ƒula kadi bekyuli bani na édie bákɛ ulu básia mmɔ bálɛ.