Israelƒuɔ Bɔlɛ 14:21 - Katɔti Ɔku Kedee

²¹ Amu na Mose únene nwuna ugyii ɔdadi ɔmmɔ ɔ́tina Ɛpugyie ɔmmɔ, na Unwoti ɔ́ya na ɔƒɛƒɛɛ bonwu ɔdi úkpo ɔ́si ɔƒɛ katukɔ kakɛ na ɔƒɛƒɛɛ ɔmɛni údi ɛpu ntu bɔmɛni úsienku kama na ɔ́ya na kalɔ kakwiidi kálɛ. Ntu bɔmmɔ búle lɛlɔ kemmo inyɔ,

Israelƒuɔ Bɔlɛ 14:21 Referans Kwoze

Yesaia 63:12

Ɔma muudie kɔnu taabla ɔyikun ala ani muukeye si Mose ɔ́talaku kɔnu katɔ, na úle ɛpu kemmo inyɔ na bana anumi, na nwuna lɛnyi lise lísela uwi ƒui?

Israelƒuɔ Bɔlɛ 15:8

Ƒula kɔnyi ɔƒɛƒɛɛ ɔni nálɛ-ɔ enwu kemmo ɔ́ya na ntu bɔmmɔ bɔ́sala lɛlɔ. Na ntu bɔni avlɔvɔ mɔɔkɔ́ mmɔ búnye kpakplaa aani awodu. Na ɛpu ntɛ ntu bɔmmɔ bɔ́kwii bɔ́bla kpakplaa.

Kɔgya 66:6

Ɔ́ya na bula nana bene bábwɛ bávi Ɛpugyie ntɛ na bakɛ lɛgba básia kalɔkplu bávia. Bibo na bɔkɛ ebiti na lɛla lɛni na ɔ́bla ɔsu.

Yesaia 51:10

Na awɔ kani náya na ɛpu ntu bɔ́kwii na kalɔ kekpludi kálɛ na ƒula kadi bekyuli bani na édie bákɛ ulu básia mmɔ bálɛ.

Kɔgya 78:13

Úle ɛpu ɔmmɔ kemmo na ɔ́ya nwuna bekyuli básia bálɛ uwi ɔni na ntu bɔmmɔ bunye aani kɔbi na ɔvi ɔni ku ɔni.

Kɔgya 74:13

Awɔ náya na ɛpu úle lɛlɔ akpa anyɔ ku ƒula ɔyikun. Na ketu kemmo beƒiebuo bammɔ ƒui ábwɛ-ma eli.

Nehemia 9:11

Awɔ néle ɛpu kemmo inyɔ na bánu báti na básia-nwu kemmo bávi aani kalɔ kani nákwii. Nsu bani nábi ásiaku-ma ni, áya na ɛpu lɛmmɔ lɛ́nyina-ma aani kalɛ na lɛtabi lɛɛnyi ntu kalɔ.

Yosua 4:23

Na bɛsu-ma ka bina Unwoti Katɔti ɔ́ya na Yordan Ketu kákwii úti útédu ka Israelƒuɔ ƒui bávia-ka aani kalɛ kani na ɔ́ya na, Ɛpugyie ɔ́kwii asa na Israelƒuɔ bávia.

Kɔgya 136:13

Bɛgya anwu ɔni náya na Ɛpugyie ntu bɔ́bwɛ ntɛ enu. Ɔsika ɔɔyɔ́-bu uwi ndi uwi.

Israelƒuɔ Bɔlɛ 14:16

Talaku ƒula ugyii ɔdadi ɔmmɔ katɔ na enene kɔnu atina Ɛpugyie ɔmmɔ na ntu bɔmmɔ bɔbwɛ kemmo inyɔ na Israelƒuɔ basia ɛpu ɔmmɔ kemmo balɛ kalɔ kakwiidi lɛlɔ.

Yesaia 51:15

Ndubo bana ƒui bubunku, ɔsika ami ndi bina Unwoti Katɔti Ɔyikune Ƒui. Na ami mɔɔyá na ɛpu uubó lɛdi ku kɔku.

Hiob 26:12

Nwuna ɔyikun ɔɔtu ɛpu teenwini ku liƒu kebweyi kekpidi kani nkya-mu kemmo.

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Ala Kalɔ Buse 8:1

Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Israelƒuɔ Bɔlɛ 7:19

Amu na Unwoti ɔ́su Mose ɔnini, “Su Aaron na uti ugyii ɔdadi ɔmmɔ na unene ɔtina etukpa ku abiɔ ku lɛba lɛni ƒui nkya Egyipte kalɔ lɛlɔ. Na ntu bɔmmɔ ƒui bɔdubunwini ubugya. Na ndubɔya na ubugya ɔ́ƒɔ kesii biala. Na ntu bɔni buwi ebui ku atabi kutubui kemmo muedi bɔdubunwini ubugya.”

Israelƒuɔ Bɔlɛ 14:20

na lɛ́kya Egyipteƒuɔ bekpone ku Israelƒuɔ ntɛ. Na usien umodi ɔmmɔ ni, liƒlukutu lɛmmɔ lɛ́ya na lɛdisa líduo kakɛ kadi na kakɛ kadi lɛnɔ bukeye bɔkya mmɔ, na ɔdi utakana ɔkpanadi kudɔ bɔkpɛ bude usien ɔmmɔ ƒui kemmo.

Yosua 2:10

Na búnu kalɛ na Unwoti ɔ́ya na Ɛpugyie ɔ́kwii uwi ɔni na bísie bɛ́via Egyipte kalɔ bɛdubo. Na bɔ́sɔ búnu lɛnɔ kalɛ na bɛ́du Amoriƒuɔ baga inyɔ bani nlie Yordan ɔƒɛ katukɔ kakɛ na baalɔ-ma banii Sihon ku Og.

Yosua 3:17

Na Katɔti bakpane bani nti Bunyimi Adaka ɔmmɔ benye ketu kakwiidi kammɔ ntɛntɛ úti útédu ka bekyuli bammɔ ƒui bávia báwɔlɔ.

Baga 2 2:8

Amu na Elia údie nwuna lɛduni lɛni na ɔda na ɔ́ƒɛ-ni ɔ́sala na úti ɔ́ƒiɛmi Yordan Ketu. Na ketu kammɔ kéle lɛlɔ kemmo inyɔ na bákɛ ketu kammɔ kemmo bávia kalɔ kakwiidi lɛlɔ bésie ɔvi unyɔdi.

Yesaia 23:11

Katɔti údie kɔnu na ɔ́tina nwuna ɔyikun ɔni mɔɔdi ɛpu lɛlɔ, na ɔɔkunku kayawi lɛga kɔdikɔ ƒui. Úbo ɔda ɔnii bekisine babwɛ Tiro ɔma kɔgyumanakɔ kpakplaa ƒui.

Yesaia 43:16

“Ami nékulo kuƒi lɛ́va ɛpu bonwu ɔmmɔ kemmo.

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Yesaia 63:13

Wɛ na ukyuli ɔni nétiku-ma ɔ́siaku ɛpu kalɔ kalɔ ƒui mmɔ ɔkya? Básia mmɔ bálɛ aani kalɛ na ɔpɔnkɔ ɔɔkɛ ku usi taasia kalɔ ƒiaa lɛlɔ na bétetulo iye bagbanta.

Habakuk 3:8

Unwoti, ketu bebweyi bammɔ nákya-a kɔnyi ɔni na ási aaví ku ƒula bapɔnkɔ kɛɛkɛ na ɛpu ɔmmɔ lɛlɔ? Oowo, mmomu bɔvi kani na ada ku usi ka atádi lɛlɔ.

Hiob 38:24

Agyi kesii kani na ɔƒɛ bukeye bɔɔsí asa na buugyingya teesie kayawi ekpo ƒui? Na agyi kesii kani na ɔƒɛƒɛɛ ɔni mɔɔsí ɔƒɛ katukɔ uli, asa na uubo teebekpo na kalɔ kammɔ ƒui lɛlɔ?

Kɔgya 148:8

Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó na biinú-nwu lɛdi ƒui bimwi-nwu.

Yesaia 44:27

“Ami muudie lɛdi taakya ɛpu ku ntukpa ƒui na bɔɔkwii.