Biblia Todo Logo
Bib sou entènèt

- Piblisite -




Israelƒuɔ Bɔlɛ 14:13 - Katɔti Ɔku Kedee

13 Amu na Mose ɔ́su Israelƒuɔ bammɔ ɔnini, “Liƒu litada-mii. Binye kpakplaa na bɛdubɔnu kalɛ na Unwoti ɔdubukpo ute-mii ɔmwi kadi. Na mɔɔsu-mii ka Egyipteƒuɔ bani na bɛɛnu ɔmwi mɛni ni, bɛsɔ bɛɛɛdubo-ma bɔnu kudii.

Gade chapit la Kopi




Israelƒuɔ Bɔlɛ 14:13
36 Referans Kwoze  

Amii bitasu bɛnii biikpó-ma munu munu. Mmomu bɛwia kunyekɔ na binye bitaanu kalɛ na Unwoti ɔdubo-mii budie bɔlɛku-ma enu kemmo. Bitayia. Amii bɛbla bɛsiaku lɛla lɛni na bínu lɛlɔ. Na uwi ɔni na bɛdubo busie buteesie mmɔ kɔnaadi ƒui ni, Unwoti anwu ɔdubo bɔgyu bɔtɔ uténye mmɔ kukuuku.”


Mmɔ na Yahasiel ɔ́su ɔnini, “Ɔga Ɔbune ku ukyuli biala na ɔ́si Yuda ku Yerusalem, Unwoti ɔnii utalɛka bina ɔdi ɔyia iye bekpone bayikune bamɛni ɔbladu ɔdi ɔda-mii ɔƒɛ na enu aƒɛ-mii. Katɔti ɔdubo kekpo kammɔ bukpo bute-mii!


Na limeyi lɛmmɔ Unwoti úkpo ɔ́ƒɔ Israelƒuɔ ɔ́lɛku Egyipteƒuɔ enu kemmo. Na Israelƒuɔ bánu kalɛ Egyipteƒuɔ bamɛni békpi bewi ɛpu kɔtu.


Amu na Katɔti kenye udiene ɔmmɔ údie kenye ɔnini, “Tayia, ɔsika bekyuli bani nnye-bu kama betulo bani nnye-ma kama.”


Na bɛsu bani na ɔtɔtɔ ɔɔgyú-ma bɛnini, “Bise kayi na bɛda bɔyia bɛya, ɔsika bina Katɔti ɔdubo na ubedie-mii na udie bina bekisine kasi ute-mii.”


Ɔdia geen ka bɔkɛ kayi na bunye butaanu Unwoti anumi na udie-bu.


“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.


kalɛ na etékpo aƒɔ ƒula ɔga ɔƒunadi ɔmmɔ. Na kalɔ kani bekyuli mbo kalala mmɔ ni, ádu bana ɔtɔnkune na égyiile-nwu lɛlɔ ala éwi ɔ́si lili úbedu lɛgba.


Ami lɛti kani ndi Unwoti ɔmmɔ, na ami ndubɔƒɔ-mii ngba.


“Israel bananabi, bise atu na binu. Ɔmwi kadi ni, bísela bitékpo. Bitayia bina bekisine bammɔ na enu ataƒɛ-mii na ɔtɔtɔ utagyu-mii.


Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”


“O Unwoti, nnye mɔɔnu-ɔ anumi ka aƒɔ-bu ngba!


Bɔ́kpa baƒiɔ na abi ammɔ eli ku kɔvanu momoomo, nsu ɔmmɔ ƒui ukpludi na ɔdi, ɔsika awɔ lɛti kani ndubɔkana ka aƒɔ-bu ngba.


“Na ánu bula bati kuuku lɛbibo na énu bana kɔvanu na Ɛpugyie kɔtu.


Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”


Unwoti, awɔ mɔɔyá na ukyuli ɔɔdi nwuna bekisine lɛlɔ. Na awɔ kani mɔɔbla-nwu lɛƒɔndia.


Ukyuli ɔni na nwuna anu ku kasusu kasia-a lɛlɔ kpakplaa ni, adubɔda-nwu kɔkɔɔkɔ na uulie na atu bɔyɔ kemmo, ɔsika ƒula lɛlɔ na úkpo kama.


Amu na Katɔti ɔtu ɔmmɔ útemiku beleku bammɔ na ɔ́su-ma ɔnini, “Bitayia. Ngyi ka bɛɛwia Yesu ɔni na bákana bámana ugyii lɛlɔ mmɔ.


Israel Unwoti Kedee Ɔyikune Ƒui ɔnini, “Ndubudie-mii na bina ɔgbankpi biala kemmo si bíti bina anu ku kayi ƒui bɛ́sia-mii lɛlɔ na bínwini bíbo-mi kudɔ na bíboku lɛlɔ kalɔ kpoo.


Anwuɔsu anwu ku nwuna bekyuli bénye kakpa kemo kammɔ ntɛ na békpoku Ƒilistiƒuɔ na Unwoti ɔ́ya na bádi lɛlɔ geen.


Unwoti, ketu bebweyi bammɔ nákya-a kɔnyi ɔni na ási aaví ku ƒula bapɔnkɔ kɛɛkɛ na ɛpu ɔmmɔ lɛlɔ? Oowo, mmomu bɔvi kani na ada ku usi ka atádi lɛlɔ.


“Israel, awɔ ɔdi ɔ́sa. Sɔ tasia lɛnu anii adubɔkɛ kebunku kadi asiku-mi kudɔ.


Mmɔ ni, Unwoti Katɔti ɔ́su-nwu ɔnini, “Ami ndi ƒula Unwoti Katɔti, na ndi ƒ'ɔti lɛnɔ Unwoti Katɔti. Tayia ka esie Egyipte, ɔsika ndubɔya na bimomo na bɛbla kadi bekyuli bani mbo ɔyikun geen na mmɔ.


Amu na Mose ɔ́su bekyuli bammɔ ɔnini, “Liƒu litada-mii. Bubo kani na Unwoti úbo ubakɔku-mii ɔnu kalɛ na bitaadi nwuna ɔda bubo lɛlɔ na bilabla likpidi lɛdi.”


Nsu Saul ɔ́su-ma ɔnini, “Kudi kudii, ukyuli unwi pɛ muedi batadu ɔdi. Ɔsika ɔmwi limeyi lɛmɛni lɛlɔ na Unwoti údie-bu ɔ́lɛku bula bekisine enu kemmo.”


“Bise atu na binu ala abuni ebendi ani na Unwoti ɔdubo bɔbla na bina anumi.


Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa.


Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”


Katɔti ɔdubɔbwɛ nwuna bekisine bani nnye likpidi bɔbla lɛlɔ uwi ƒui eli.


Na ɔ́tɔnku-ma ɔni na lɛla lɛdi lítabla-ma na liƒu lɛdi lɛnɔ lítada-ma. Na bana bekisine ama ni, ɛpu ɔmmɔ ɔ́nyina-ma ƒui.


Ƒula anumi nwaa na adubo bɔnu kalɛ na Unwoti ɔdubo balalane kɔtu bɔni.


Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”


Swiv nou:

Piblisite


Piblisite