Israelƒuɔ Bɔlɛ 13:21 - Katɔti Ɔku Kedee

²¹ Si bakɛ ɔƒiiwi ni, Unwoti ɔɔtɔ-ma anumi aani liƒlukutu lɛkpa bonwu lɛdi. Lɛni kani na ɔɔtɔ-ma anumi usien lɛnɔ aani lɛgyavonku bonwu na uute-ma bukeye kalɛ na bakana na besie usien ku ɔƒɛ.

Israelƒuɔ Bɔlɛ 13:21 Referans Kwoze

Nehemia 9:12

Na si ƒula bekyuli bakɛ ɔƒiiwi ni, eeti liƒlukutu teetile ɔƒɛ. Na si bákɛ usien aayá na lɛgyavonku bonwu liite-ma bukeye na ɔɔtina-ma ulu.

Kɔgya 99:7

Unwoti ɔ́tɛmiku-ma ɔ́siku liƒlukutu bonwu aani lɛkpa lɛdi kemmo. Na ama bénu na bádi nwuna ɔda bubo lɛlɔ.

Lɛkpa Ulu 1:33

ina ka anwu nágyu ɔtɔ-mii na útáwia ekpo ani na bɛdubulie na bɛnwuna úte-mii. Na anwu kani nátaawia ulu teete-mii. Anwu néteete-mii ogya na ɔɔtɔnku-mii usien na ɔɔyá na liƒlukutu lɛɛtɔnku-mii na limeyi kemmo.

Kɔgya 105:39

Katɔti ɔ́ya ulɔyɔ liƒlukutu bonwu lɛdi lɛ́ka lɛ́mana-ma ka bakɛ. Na ogya bonwu ɔdi lɛnɔ ɔɔda usien na anwu na baanu teesie.

Kɔgya 78:14

Kadi nwaa ni, ɔ́ya na ulɔyɔ lisu bonwu lɛ́tɔnku-ma. Na usien ni, ogya unyemi bukeye bonwu bɔdi nátɔnku-ma.

Nehemia 9:19

“Na ɔ́si ƒula kɔnyana bonwu kɔni na ébo ɔsu ni, étenwini kama átakya-ma na ketele kemmo mmɔ. Na si ƒula bekyuli bakɛ ɔƒiiwi ni, eeti liƒlukutu teetile-ma ɔƒɛ. Na si bákɛ usien aayá lɛgyavonku bonwu liite-ma bukeye na ɔɔtina-ma ulu.

Bumomo Bɔka 14:14

Na badubo bekyuli bani nlie kalɔ kamɛni lɛlɔ lɛla lɛmɛni bɔsu. Kalɔ kamɛni bekyuli béenu kukuuku kalɛ na awɔ Unwoti akya Israelƒuɔ akɔ, na bánu-ɔ anumi ku anumi ku kalɛ na ƒula liƒlukutu lɛ́yu líbelie-ma eli ku kalɛ na aatɔ-ma anumi aani liƒlukutu lɛkpa bonwu kalɛ na ɔƒiiwi, na usien lɛnɔ aani lɛgyavonku bonwu kalɛ.

Bumomo Bɔka 10:34

Na Unwoti liƒlukutu lɛmmɔ lɛɛƒa-ma katɔ ɔƒiiwi ɔ́si ɔni na báta bakɛ ulu.

Israelƒuɔ Bɔlɛ 16:10

Uwi ɔni na Aaron ɔkya ɔɔtɛmi teete bekyuli bammɔ ni, bénwini anumi bátina ketele kammɔ. Mmɔ na Unwoti bukeye bonwu bɔ́bwɛ bɔ́lɛ kɔnakunwi na liƒlukutu kemmo.

Lɛkpa Ulu 31:8

Na Unwoti ɔlati ɔdubɔtɔnku-ɔ. Na ulálɛ-ɔ kama iye ɔnyonu-ɔ. Anwuɔsu taya na enu áƒɛ-ɔ iye liƒu lɛda-a.”

Kɔgya 68:7

Lɛni kani na átɔnku bula nana bene na kukuuku uwi ɔmmɔ na básia kalɔ kakwiidi kammɔ kemmo bálɛ na bánwuna.

Kɔgya 77:20

Áƒuna Mose ku Aaron na bátɔnku ƒula kadi bekyuli aani baƒonu ɔdane kalɛ ɔkɛnku ƒula ɔyikun lɛlɔ.

Lɛnu Ƒui Ɔnu 3:6

Ukyuli ɔmani na bɔɔnu ka ɔ́si kalɔ kakwiidi lɛlɔ ɔdubo mɛni aani liƒlukutu uyɔ ɔdi udu? Uyɔ ɔmmɔ ɔdanku nard ugyulo ku oloƒui ku kutu akyala ƒɛƒɛɛ ɔnyi.

Israelƒuɔ Bɔlɛ 10:10

Amu na Ƒarao ɔ́kpali Unwoti lɛnyi na ɔ́su ɔnii, “Bɛnu lɛlɔ kemmo kaduɛ si bɛnii amii ku bina beleku ku bebi nésela mmɔ, ɔsika bɛɛwia ɔgbankpi teete lɛlɔ, ɔsika bɛda kasusu kekpidi na mɔɔnu.

Israelƒuɔ Bɔlɛ 32:1

Uwi ɔni na Israelƒuɔ bammɔ bánu ka Mose úsie ɔkya kɔbi lili na ulébo ni, bekyuli bammɔ básala lɛlɔ lisu na bésie Aaron kudɔ na bátásu-nwu banini, “Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ. Anwuɔsu bla unwoti ɔdi te-bu na ɔkpanku-bu.”