Israelƒuɔ Bɔlɛ 13:11 - Katɔti Ɔku Kedee

¹¹ “Si Unwoti úti-mii úduoku Kanaanƒuɔ kalɔ kani na úse kenye úte amii ku bina bati kuuku ka weti wete-mii kemmo ni,

Israelƒuɔ Bɔlɛ 13:11 Referans Kwoze

Israelƒuɔ Bɔlɛ 13:5

Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Ala Kalɔ Buse 28:15

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Israelƒuɔ Bɔlɛ 32:13

Na enyimo ƒula linyese lɛni na éte ƒula kabla bablane Abraham ku Isak ku Yakob ka adubɔya na bana kaba bekyuli bemomo aani katɔ ayabi. Na adubute-ma kalɔ kani na ése kenye ka badubuti-ka babla bana kadikɔ.”

Bumomo Bɔka 11:12

Ami náda bekyuli bamɛni ƒui kaƒɔ, munuu ami náwɔ-ma? Na bi ɔsu na aayɔ́ ka ntaagyu-ma taada enu kemmo aani kalɛ na ukyuli ɔni mɔɔda ubi ɔɔbla, asa na lɛkpanku-ma lisienku kalɔ kani na ése bana bati kuuku kenye ka adubute-ma kemmo?

Kɔgya 105:42

Ɔsika únyimo linyese kedee lɛni na úse úte Abraham ɔni ndi nwuna kabla ɔblane.