Israelƒuɔ Bɔlɛ 12:8 - Katɔti Ɔku Kedee

⁸ Na usien ɔmmɔ ni, ukyuli biala uƒi nwuna lɛna na ɔkun-ni ku evete ani mbo ɔdu ku bodobodo ɔni kemmo na bɔnyii buuubo.

Israelƒuɔ Bɔlɛ 12:8 Referans Kwoze

Israelƒuɔ Bɔlɛ 34:25

“Teti akpala ubugya ku lɛla biala kemmo na bɔnyii bɔkya tabla akpala tete-mi. Na akpala ani na ábla na Kukpi Lili Bɔvia Limeyi ni, taya na kadi kegye akpala ammɔ lɛlɔ.

Lɛkpa Ulu 16:7

Na biƒulo lɛna lɛmmɔ ƒui na kesii kani na Katɔti ɔ́su úse ka bitaakpa-nwu mmɔ. Na bɛkun-ni ƒui na mmɔ. Na bɛtɔlɔ nwuna lɛdigye bisie kɔduli.

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Israelƒuɔ Bɔlɛ 23:18

“Biteti lɛla biala kemmo na bɔnyii bɔkya bitebunku ubugya akpala ani na bíti biite-mi lɛlɔ. “Na bebuo bani akpala na bɛ́bla bíte-mi na emeyi atɛ amɛni kemmo ni, bɛnu ka kadi kétegye ɔdi lɛmwi lɛlɔ.

Israelƒuɔ Bɔlɛ 13:7

Bɛdi bodobodo ɔni néteƒu emeyi maatɛ ammɔ kemmo. Na bɛnu ka lɛla biala kemmo na bɔnyii bɔkya ni, bídie-ni na bina akɔ ku bina amadɔ ƒui.

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 1:14

Baanwu lɛti na beekúlo atimbɔ ku katuma lidu bamba lɛnɔ na kemo ɔni na bana ngba keliela káyu-ma ɔdu geen.

Tesalonikaƒuɔ 1 1:6

Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.

Galatiƒuɔ 5:9

Bɔnyii blii suɛ mɔɔyá na ɔlaaƒɔ ɔni bánwu ƒui uuƒu.

Mateo 26:26

Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Mateo 16:12

Mmɔ asa na ɔ́bla batalane bammɔ nwaa ka ɔɔɔdi bɔnyii bɔni baakya ala kemmo na uuƒu lɛlɔ ɔda na uubó-ma. Mmomu ni, ala ani na Ƒarisiƒuɔ ku Sadukiƒuɔ baatina na ɔda.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Amos 4:5

“Amii biti bina etela lidu bitátina na bitaakun lɛmɛnɛ ɔsika ɔmmɔ udu kani na bɛgyi na bɛɛyɔ́ ka bitaabla. Ami Unwoti násu!

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Israelƒuɔ Bɔlɛ 12:9

Nsu ukyuli biala uteƒulo lɛna lɛmmɔ lɛdi iye ɔkun lɛna lɛmmɔ ɔwɔdi, mmomu biƒi-ni ku lili ku lɛgba ku aƒɔla ammɔ ƒui na bɛkun.

Ala Alɛdi 2 35:13

Bákyula akpala ammɔ na lɛkpabi lɛmmɔ lɛlɔ, na béƒulo lɛna lɛkladi na ebui lidu lidu kemmo úte etela ɔdi bamba lɛnɔ bɔbla na bábabala béti lɛna lɛmmɔ béte bekyuli bammɔ kalɛ na bakun.