Israelƒuɔ Bɔlɛ 12:51 - Katɔti Ɔku Kedee

⁵¹ Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 12:51 Referans Kwoze

Israelƒuɔ Bɔlɛ 12:41

Na lɛkwa eti maane ku avlaatɛdi lɛlɔ pɛpɛɛpɛ ni, Unwoti ɔ́ya na Israel kaba bekyuli bammɔ ƒui bálɛ Egyipte kalɔ lɛlɔ.

Israelƒuɔ Bɔlɛ 6:26

Na Aaron ku Mose ndi bekyuli bani na Unwoti ɔ́su ɔnini, “Bisie na bitédie Israelƒuɔ bɛlɛku Egyipte kalɔ lɛlɔ na adua ammɔ kenye.”

Batalane Kabla 13:17

Katɔti ɔni na Israelƒuɔ baabu ni, ɔ́ƒuna bula bati kuuku na úte-ma kusɛ kusɛ. Na anwu ɔlati ɔ́tɔnku-ma ɔ́lɛku bekyuli kalɔ bɔkya kemmo na Egyipte ku nwuna ɔyikun.

Yuda 1:5

Bɛgyi ɔmɛni, nsu nsɔ mɔɔsu-mii ka uwi ɔni na Katɔti údie Israelƒuɔ ɔ́siku Egyipte kalɔ lɛlɔ ni, ɔ́du bani nátaƒɔ-nwu bátadi ƒui.

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 7:4

ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Israelƒuɔ Bɔlɛ 12:50

Na Israelƒuɔ bábla básia ɔda ɔni na Mose ku Aaron bébo-ma mmɔ lɛlɔ.

Israelƒuɔ Bɔlɛ 13:1

Amu na Unwoti ɔ́su Mose ɔnini,

Israelƒuɔ Bɔlɛ 16:1

Amu na Israelƒuɔ bammɔ ƒui báta bási Elim na bétédu Sin ketele kemmo, na ketele kani nkya Elim ku Sinai ntɛ. Na ka bálɛ Egyipte kalɔ lɛlɔ ni, na ɔdi kɔbuli kunyɔdi limeyi leevu-lɛlɔndi lɛlɔ.

Israelƒuɔ Bɔlɛ 19:1

Kɔbuli kɔtɛdi lɛlɔ na Israelƒuɔ bésie bétédu Sinai ketele kemmo na limeyi lɛmmɔ lɛlɔ pɛpɛɛpɛ ka báta Egyipte kalɔ lɛlɔ.

Kɔgya 114:1

Uwi ɔni na Israel kadi bekyuli bávi bálɛ Egyipte kalɔ lɛlɔ kesii kani na ama Yakob kaba kemmo bebi badi baƒɔ ni,

Kɔgya 136:11

Ɔ́ya na Israel kadi bekyuli ƒui bávi bálɛ Egyipte kalɔ kammɔ kemmo. Ɔsika ɔɔyɔ́-bu uwi ndi uwi.

Amos 2:10

“Lɛ́ƒɔ-mii lɛ́siku Egyipte kalɔ lɛlɔ, na akwa aavlene sɔɔn na lɛ́da-mii na lɛ́nu-mii lɛlɔ na ketele kalɔ kakwiidi kammɔ kemmo. Na líti Amoriƒuɔ kalɔ líte-mii.

Mika 6:4

Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Ala Kalɔ Buse 50:24

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Lewiƒuɔ Ɔda Bubo 23:43

Babla lɛni kalɛ na bina bawɔ banu bati ka uwi ɔni na Israelƒuɔ bákya Egyipte kalɔ lɛlɔ ni, ami Unwoti lɛ́ya na bílie nvo kemmo. Ami Ndi Bina Unwoti Katɔti.’ ”

Bumomo Bɔka 23:22

Katɔti náda-ma údie Egyipte na bebo ɔyikun ɔni nse aani ɔmantɛ akɔ unengudi geen.

Bumomo Bɔka 26:4

“Bɛka banana bani nákɛ akwa aavlanyɔ ku kama bɛnu aani kalɛ Unwoti úbo Mose ɔda.” Bekyuli bani nálɛ bási Egyipte kalɔ lɛlɔ ndi bamɛni.

Bumomo Bɔka 33:1

Kalɛ na Israelƒuɔ bélie báta na bana esu esu kemmo uwi ɔni na Mose ku Aaron bátɔnku-ma na bésie ulu bási Egyipte kalɔ ndi ɔmɛni.

Lɛkpa Ulu 4:37

Ka ɔɔyɔ́ bina bati kuuku ɔsu ni, ɔ́ƒuna-mii ka binwini nwuna badi. Na anwu ɔlati úbo úbedie-mii ɔ́lɛku Egyipte kalɔ lɛlɔ ku nwuna ɔyikun bonwu.

Lɛkpa Ulu 16:1

Bise kɔbuli kɔni baalɔ Abib likpo na bataadi Kukpi Lili Bɔvia limeyi teete bina Unwoti Katɔti. Ɔsika Abib kɔbuli kɔmmɔ kemmo na ɔ́da-mii údie Egyipteƒuɔ kalɔ lɛlɔ usien unwi.

Yosua 24:5

“Ɔmmɔ kama lɛ́tala Mose ku Aaron na líkpoku Egyipteƒuɔ kaduɛ asa na lɛ́da-mii lídie kalɔ kammɔ lɛlɔ.

Baga 1 6:1

Ka Israelƒuɔ bálɛ Egyipte kalɔ lɛlɔ lɛkwa eti yaalenwi ku avlaatɛdi (480) kemmo ni, Ɔga Salomo úse kalɔ ku Katɔti kakpakɔ bɔtu. Na uwi ɔmmɔ ɔdi lɛkwa linedi ka Salomo ɔɔdi lɛga na Israel kalɔ lɛlɔ. Na lɛkwa linedi lɛmmɔ kɔbuli kunyɔdi kɔni na baalɔ Siw kemmo ni, kabla kammɔ kése kalɔ.

Ala Alɛdi 2 14:12

Unwoti úbunku Asa ku nwuna bekpone na bádi Kus bekpone bamɛni lɛlɔ. Na bana bekisine bekpone bamɛni békeli bátɔlɔ.