Israelƒuɔ Bɔlɛ 12:48 - Katɔti Ɔku Kedee

⁴⁸ “Nsu bɛnu ka ukyuli biala na útekulo lego útadi adila ammɔ adi. Na si baƒɔ bani nkya-mii akɔ ɔdi ɔɔwia ka ɔdi Kukpi Lili Bɔvia limeyi lɛmmɔ na uti ɔkɔliku Unwoti lɛnyi katɔ ni, ɔlɛka ɔka nwuna bebi bananabi ƒui ago bukulo. Na ɔmmɔ kama ukyuli ɔmmɔ unwini Israelni na ɔkana na ɔdi limeyi lɛmmɔ lɛdi.

Israelƒuɔ Bɔlɛ 12:48 Referans Kwoze

Bumomo Bɔka 9:14

“ ‘Ɔƒɛni si ɔƒɔ ɔdi ɔkya-mii akɔ na ɔɔyɔ́ ka ɔdi Kukpi Lili Bɔvia Limeyi lɛmmɔ ni, ɔkana na ɔdi-ni ƒaa, nsu ɔlɛka ɔdi bunyimi bɔmmɔ ƒui lɛlɔ kalɛ kani na básu. Na bunyimi bɔmmɔ ɔlɛka bɔdi bunwi pɛ bute ɔmantɛ ubi ku baƒɔ ƒui.’ ”

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Esekiel 47:22

Kadubo Israelƒuɔ kadi bunwini ku baƒɔ bani ƒui nkya-ma kudɔ na báwɔ béte Israelƒuɔ. Ɔdi ka banu baƒɔ bamɛni aani Israelƒuɔ bebi na bada-ma lɛni kani na bele kalɔ kammɔ

Israelƒuɔ Bɔlɛ 12:43

Amu na Unwoti ɔ́su Mose ku Aaron ɔnini, “Ɔda ɔmɛni na muubó-mii na Kukpi Lili Bɔvia lɛlɔ. Ukyuli biala na ɔɔɔdi Israelni utadi Kukpi Lili Bɔvia adila ammɔ adi.

Israelƒuɔ Bɔlɛ 12:19

Na emeyi maatɛ ammɔ kemmo ɔdi uteti bɔnyii bɔdi utese nwuna kaduli. Na si Israelni iye ɔƒɔ ɔdi ɔ́di bodobodo ɔni bakya bɔnyii ni, ndubɔda-nwu lidie mina bekyuli akɔ.

Esekiel 44:9

Anwuɔsu na ami Unwoti Katɔti mɔɔsu nnii naaawia ɔƒɔ biala na ulábu-mi na ɔdi mina ɔda bubo lɛlɔ ka uduo mina kakpakɔ. Na ɔmɛni ɔdanku baƒɔ bani nli Israel kalɔ lɛlɔ.”

Ala Kalɔ Buse 17:12

Na ƒula kaba bekyuli bani ƒui mebo ni, ɔnanabi biala na bana akɔ ɔni náƒɔ emeyi maane ni, ɔlɛka bekulo-nwu lego. Bananabi bani na báwɔ bákya bina kɔduli iye bani na bíye ku egulabi bɛ́siku baƒɔ kudɔ na baaadi bina bebi geen muedi ɔlɛka bikulo-ma ago.

Ala Kalɔ Buse 17:11

Ago bukulo bɔmmɔ ndubɔtina bunyimi bɔni nkya ami ku-mii ntɛ.

Esekiel 14:7

“ ‘Si amii Israelƒuɔ iye baƒɔ bani na bakya-mii kudɔ ɔdi úni-mi na úse kalɔ ɔɔkpá baƒiɔ ɔmmɔ kama na ɔ́sɔ úsie kenye udiene ɔdi kudɔ ɔnii mina kenye kadi na ɔɔwia unu ni, kenye kani na ndubo-nwu budie ndi ka

Lewiƒuɔ Ɔda Bubo 19:34

“ ‘Ɔƒɔ ɔni nkya-a kudɔ ni, nu-nwu aani ƒula lɛlɔ ukyuli kani na ayɔ-nwu aani ƒula lɛlɔ kalɛ, ɔsika amii lɛnɔ bɛ́bla baƒɔ na Egyipte kalɔ dii. Ami ndi Unwoti bina Katɔti.