Israelƒuɔ Bɔlɛ 12:41 - Katɔti Ɔku Kedee

⁴¹ Na lɛkwa eti maane ku avlaatɛdi lɛlɔ pɛpɛɛpɛ ni, Unwoti ɔ́ya na Israel kaba bekyuli bammɔ ƒui bálɛ Egyipte kalɔ lɛlɔ.

Israelƒuɔ Bɔlɛ 12:41 Referans Kwoze

Batalane Kabla 1:7

Na Yesu ɔ́su-ma ɔnini, “Útalɛka bɛti uwi iye emeyi ani na mina Ɔti ɔ́su úse ka lɛla lɛdi lɛdubɔlɛ.

Yohane 7:8

Amii biteesie bina limeyi lɛmmɔ kadikɔ. Ami ńtesela emeyi ammɔ kadikɔ, ɔsika mina uwi útedu tɔ ƒui.”

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Kɔgya 102:13

Adubɔnu Sion kɔnyana ɔƒɛni amu. Ɔsika uwi ɔmmɔ údu na anwu na ɔdi mɛni.

Yosua 5:14

Na ukpone ɔmmɔ údie kenye ɔnini, “Lɛɛɛdi bana akɔ ɔdi. Mmomu Katɔti bekpone ɔtɔnkune ƒui na ndi. Na ɔƒɛni na líbo.” Amu ka Yosua únu lɛni ni, ɔ́yu ubi kalɔ kɔnakunwi na ɔ́su-nwu ɔnini, “Buvele, Ati, bi na aayɔ́ ka ami, ƒula kabla ɔblane, lɛbla lite-ɔ?”

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 12:17

“Bɛdi Bodobodo Ɔni Néteƒu Limeyi lɛmmɔ, ɔsika limeyi lɛmmɔ lɛlɔ geen na lídie-mii lɛ́lɛku Egyipte kalɔ lɛlɔ na bina adua adua ammɔ kenye. Bɛlɛ limeyi lɛmɛni ugyii na bitaadi-ni amii ku bina kaba kaba bekyuli úsela uwi ƒui.

Israelƒuɔ Bɔlɛ 7:4

ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Israelƒuɔ Bɔlɛ 3:10

Anwuɔsu mɔɔtala-a ɔƒɛni na eteesie Ɔga Ƒarao kudɔ. Na etédie mina bekyuli bani ndi Israelƒuɔ alɛku Egyipte kalɔ lɛlɔ.”

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Ala Kalɔ Buse 50:24

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Israelƒuɔ Bɔlɛ 6:26

Na Aaron ku Mose ndi bekyuli bani na Unwoti ɔ́su ɔnini, “Bisie na bitédie Israelƒuɔ bɛlɛku Egyipte kalɔ lɛlɔ na adua ammɔ kenye.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Lewiƒuɔ Ɔda Bubo 23:43

Babla lɛni kalɛ na bina bawɔ banu bati ka uwi ɔni na Israelƒuɔ bákya Egyipte kalɔ lɛlɔ ni, ami Unwoti lɛ́ya na bílie nvo kemmo. Ami Ndi Bina Unwoti Katɔti.’ ”

Bumomo Bɔka 23:22

Katɔti náda-ma údie Egyipte na bebo ɔyikun ɔni nse aani ɔmantɛ akɔ unengudi geen.

Bumomo Bɔka 33:1

Kalɛ na Israelƒuɔ bélie báta na bana esu esu kemmo uwi ɔni na Mose ku Aaron bátɔnku-ma na bésie ulu bási Egyipte kalɔ ndi ɔmɛni.

Lɛkpa Ulu 4:37

Ka ɔɔyɔ́ bina bati kuuku ɔsu ni, ɔ́ƒuna-mii ka binwini nwuna badi. Na anwu ɔlati úbo úbedie-mii ɔ́lɛku Egyipte kalɔ lɛlɔ ku nwuna ɔyikun bonwu.

Lɛkpa Ulu 16:1

Bise kɔbuli kɔni baalɔ Abib likpo na bataadi Kukpi Lili Bɔvia limeyi teete bina Unwoti Katɔti. Ɔsika Abib kɔbuli kɔmmɔ kemmo na ɔ́da-mii údie Egyipteƒuɔ kalɔ lɛlɔ usien unwi.

Yosua 24:5

“Ɔmmɔ kama lɛ́tala Mose ku Aaron na líkpoku Egyipteƒuɔ kaduɛ asa na lɛ́da-mii lídie kalɔ kammɔ lɛlɔ.

Baga 1 6:1

Ka Israelƒuɔ bálɛ Egyipte kalɔ lɛlɔ lɛkwa eti yaalenwi ku avlaatɛdi (480) kemmo ni, Ɔga Salomo úse kalɔ ku Katɔti kakpakɔ bɔtu. Na uwi ɔmmɔ ɔdi lɛkwa linedi ka Salomo ɔɔdi lɛga na Israel kalɔ lɛlɔ. Na lɛkwa linedi lɛmmɔ kɔbuli kunyɔdi kɔni na baalɔ Siw kemmo ni, kabla kammɔ kése kalɔ.

Ala Alɛdi 2 14:12

Unwoti úbunku Asa ku nwuna bekpone na bádi Kus bekpone bamɛni lɛlɔ. Na bana bekisine bekpone bamɛni békeli bátɔlɔ.

Kɔgya 114:1

Uwi ɔni na Israel kadi bekyuli bávi bálɛ Egyipte kalɔ lɛlɔ kesii kani na ama Yakob kaba kemmo bebi badi baƒɔ ni,

Kɔgya 136:11

Ɔ́ya na Israel kadi bekyuli ƒui bávi bálɛ Egyipte kalɔ kammɔ kemmo. Ɔsika ɔɔyɔ́-bu uwi ndi uwi.