Israelƒuɔ Bɔlɛ 12:22 - Katɔti Ɔku Kedee

²² Na si bɛ́du bebuo bammɔ ni, na biti bebuo bammɔ ubugya biwi ɔɔƒɛɛ ɔdi kemmo. Na bɛwia libu lɛni baalɔ hisope na biti bitákya ubugya ɔmmɔ kemmo na bɛkuna biwi kɔyaku ligyii lɛmmɔ eli ku amadɔ. Na ukyuli biala utalɛ keyi úti útédu ka kadi kégye.

Israelƒuɔ Bɔlɛ 12:22 Referans Kwoze

Hebriƒuɔ 11:28

Ɔkɛnku bɔƒɔtaadi lɛlɔ na ɔ́bla Kukpi Lili Bɔvia ɔdi ku ubugya ɔni na ɔ́kuna úwi kayakun biala. Na ɔkɛnku ɔmmɔ lɛlɔ ni, Katɔti ɔtu ɔni nébo úbadu ubi ɔnanabi udeedi biala na Egyipte mmɔ ni, útetuku Israel bebi ama.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Bumomo Bɔka 19:18

Na ukyuli ɔni nse sɛɛn na ulese lɛlɔ ɔlɛka ɔwia hisope lɛla lɛni lɛdia ntu bɔkuna buwi lɛla lɛdi lɛlɔ. Na uti ɔkya ntu libui lɛmmɔ kemmo na ɔkuna uwi Adi Kevo ɔtɔ ɔni na ukyuli úkpi-nwu kemmo mmɔ ku bekyuli bani nákya mmɔ ƒui. Kunyɔdi ukyuli ɔni nse sɛɛn ɔlɛka ɔkuna ntu bɔmmɔ uwi ukyuli ɔni nétuku ukpine likubi iye utuku ukpine ɔni na bádu iye anwu ɔlati nékpi iye kaƒiɔtɔ.

Hebriƒuɔ 9:19

Kudeedi ni, Mose úbo ɔda ute bekyuli na ala ani mɔɔbala na ɔda bubo bɔmmɔ kenye. Ɔmmɔ kama ni, úti bese ku bakɔ ubugya ɔ́salaku ntu na úti ɔ́kuna ubugya ɔmmɔ úwi ɔda bubo ɔku ɔmmɔ lɛlɔ ku bekyuli bammɔ ƒui lɛlɔ. Na úti unwo ugyiedi únyimi evete ani baalɔ bani hisope na úti ɔ́bla ɔdi ɔmmɔ.

Hebriƒuɔ 9:1

Bunyimi budeedi bɔmmɔ ni, bɔdanku ulu ɔni beeti taakpa ku kesii kani na baakpá na kalɔ lɛlɔ mɛni.

Israelƒuɔ Bɔlɛ 12:7

Na biti bebuo bammɔ ubugya bɛkuna biwi bina kɔyakun ligyii lɛtɔdi ku amadɔ lɛdi lɛlɔ na kesii kani na bɛdubo lɛna lɛmmɔ bɔkun mmɔ.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Hebriƒuɔ 12:24

Na bíbo bíbasiaku Yesu ɔni ndi bunyimi bɔwɔdi bɔmɛni kenye unyene. Na ɔ́kuna nwuna ubugya ɔni mɔɔsu etemila ani mbo ɔyikun etulo Abel ɔdi úwi-mii lɛlɔ.

Mateo 26:30

Amu na bátu ɔnu ɔdi béti bemwi Katɔti, na bávi bálɛ bésie Inɔ Egyii Kɔbi lɛlɔ.

Yesaia 26:20

Mina bekyuli, bɛgyu lɛgba na bitákalɛ lɛlɔ bɛkya lɛtɔ wetédu ka Unwoti kɔnyi kɔni ala na ɔdubo bina bekisine bɔbla kɔ́vi.

Yosua 2:19

Na si ukyuli ɔdi ɔ́vi ɔlɛ kaduli kamɛni kemmo úsie ɔblɔnu lɛlɔ na útásiaku kukpi kɔdi utadu-bu kɔtɔ. Ɔsika útasi-bu. Nsu si ukyuli ɔdi ɔ́kya kaduli kammɔ kemmo na lɛla lɛdi lɛ́bla-nwu ni, na ɔ́si-bu.