Israelƒuɔ Bɔlɛ 12:19 - Katɔti Ɔku Kedee

¹⁹ Na emeyi maatɛ ammɔ kemmo ɔdi uteti bɔnyii bɔdi utese nwuna kaduli. Na si Israelni iye ɔƒɔ ɔdi ɔ́di bodobodo ɔni bakya bɔnyii ni, ndubɔda-nwu lidie mina bekyuli akɔ.

Israelƒuɔ Bɔlɛ 12:19 Referans Kwoze

Israelƒuɔ Bɔlɛ 12:15

Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Lɛkpa Ulu 16:3

Na si bɛɛdi Kukpi Lili Bɔvia adila ammɔ ni, biteti bɔnyi bɔni mɔɔyá na ɔlaaƒɔ uuƒu bitasala bodobodo ɔmmɔ kemmo. Biti emeyi maatɛ bɛdi bodobodo ɔni neeeƒu aani kalɛ kani na bɛ́bla limeyi lɛni na bɛ́babla na bɛ́tɔlɔ Egyipte kalɔ lɛlɔ mmɔ. Na si bɛɛdi bodobodo ɔmmɔ udu ni, bɛsia-nwu lɛnyi bɛnii Lɛbibo Adila Bɔdi kalɛ na biteenyimo na bina ngba bulie ƒui kemmo abi ani na bíbo uwi ɔni bɛ́kya Egyipte kalɔ lɛlɔ.

Israelƒuɔ Bɔlɛ 23:15

“Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Israelƒuɔ Bɔlɛ 34:18

“Di Bodobodo Ɔni Néteƒu Limeyi. Na adi bodobodo ɔni kemmo na bɔnyii buuubo emeyi maatɛ aani kalɛ na líbo-ɔ ɔda. Na abla ɔmɛni na Abib kɔbuli kɔni na líse líse kemmo, ɔsika kɔbuli kɔmmɔ kemmo na álɛ Egyipte kalɔ lɛlɔ.

Israelƒuɔ Bɔlɛ 12:48

“Nsu bɛnu ka ukyuli biala na útekulo lego útadi adila ammɔ adi. Na si baƒɔ bani nkya-mii akɔ ɔdi ɔɔwia ka ɔdi Kukpi Lili Bɔvia limeyi lɛmmɔ na uti ɔkɔliku Unwoti lɛnyi katɔ ni, ɔlɛka ɔka nwuna bebi bananabi ƒui ago bukulo. Na ɔmmɔ kama ukyuli ɔmmɔ unwini Israelni na ɔkana na ɔdi limeyi lɛmmɔ lɛdi.

Israelƒuɔ Bɔlɛ 12:43

Amu na Unwoti ɔ́su Mose ku Aaron ɔnini, “Ɔda ɔmɛni na muubó-mii na Kukpi Lili Bɔvia lɛlɔ. Ukyuli biala na ɔɔɔdi Israelni utadi Kukpi Lili Bɔvia adila ammɔ adi.

Israelƒuɔ Bɔlɛ 12:20

Bitadi lɛla biala kemmo na bákya bɔnyii. Bodobodo ɔni néteƒu kani na ɔlɛka bɛdi na kesi kesii na bɛdubɔkya na emeyi bɔdi bɔmmɔ kemmo.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:7

Bɛdi bodobodo ɔni néteƒu emeyi maatɛ ammɔ kemmo. Na bɛnu ka lɛla biala kemmo na bɔnyii bɔkya ni, bídie-ni na bina akɔ ku bina amadɔ ƒui.

Lewiƒuɔ Ɔda Bubo 23:5

Kɔbuli kudeedi kɔni ndi Abib limeyi leevu-linedi lɛlɔ useyi uwi si ɔƒɛ úsela kanukɔ ni, na bise kalɔ bitaadi Unwoti Kukpi Lili Bɔvia Limeyi.

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”