Israelƒuɔ Bɔlɛ 12:15 - Katɔti Ɔku Kedee

¹⁵ Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Israelƒuɔ Bɔlɛ 12:15 Referans Kwoze

Lɛkpa Ulu 16:3

Na si bɛɛdi Kukpi Lili Bɔvia adila ammɔ ni, biteti bɔnyi bɔni mɔɔyá na ɔlaaƒɔ uuƒu bitasala bodobodo ɔmmɔ kemmo. Biti emeyi maatɛ bɛdi bodobodo ɔni neeeƒu aani kalɛ kani na bɛ́bla limeyi lɛni na bɛ́babla na bɛ́tɔlɔ Egyipte kalɔ lɛlɔ mmɔ. Na si bɛɛdi bodobodo ɔmmɔ udu ni, bɛsia-nwu lɛnyi bɛnii Lɛbibo Adila Bɔdi kalɛ na biteenyimo na bina ngba bulie ƒui kemmo abi ani na bíbo uwi ɔni bɛ́kya Egyipte kalɔ lɛlɔ.

Ala Kalɔ Buse 17:14

Ɔnana biala na útekulo tɔ lego ni, ɔdubukulo kɔna kɔni nkya anwu ku mina bekyuli ntɛ, ɔsika útadi mina bunyimi lɛlɔ.”

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Israelƒuɔ Bɔlɛ 34:18

“Di Bodobodo Ɔni Néteƒu Limeyi. Na adi bodobodo ɔni kemmo na bɔnyii buuubo emeyi maatɛ aani kalɛ na líbo-ɔ ɔda. Na abla ɔmɛni na Abib kɔbuli kɔni na líse líse kemmo, ɔsika kɔbuli kɔmmɔ kemmo na álɛ Egyipte kalɔ lɛlɔ.

Israelƒuɔ Bɔlɛ 23:15

“Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Lɛkpa Ulu 16:8

Na emeyi aku ani nébu ni, bitaadi bodobodo ɔni néteƒu kani. Na limeyi maatɛdi lɛlɔ ni, bɛsala lɛlɔ na bimwi bina Unwoti Katɔti, na ɔdi utabla kabla kadi limeyi lɛmmɔ lɛlɔ.

Bumomo Bɔka 28:17

Na limeyi leevu-lɛlɔndi na kɔbuli kɔmmɔ kemmo kani na beti emeyi maatɛ badi emeyi bete Unwoti. Na emeyi ammɔ bɔdi kemmo ni, ɔdi utadi bodobodo ɔni na bɔnyii bɔkya-nwu kemmo.

Israelƒuɔ Bɔlɛ 34:25

“Teti akpala ubugya ku lɛla biala kemmo na bɔnyii bɔkya tabla akpala tete-mi. Na akpala ani na ábla na Kukpi Lili Bɔvia Limeyi ni, taya na kadi kegye akpala ammɔ lɛlɔ.

Israelƒuɔ Bɔlɛ 12:8

Na usien ɔmmɔ ni, ukyuli biala uƒi nwuna lɛna na ɔkun-ni ku evete ani mbo ɔdu ku bodobodo ɔni kemmo na bɔnyii buuubo.

Galatiƒuɔ 5:12

Na bekyuli bani muuƒú-mii kasusu mɛni ama ni, ndubɔyɔ ka besie anumi utédu ka bekulo lɛlɔ bedie bina akɔ ƒui.

Batalane Kabla 12:3

Na ka ɔ́nu ɔ́ti ka ebiti áda Yudaƒuɔ na lɛla lɛni na ɔ́bla mɛni ɔsu ni, úƒie Petro lɛnɔ na uwi ɔni kemmo na baadi Bodobodo Ɔni Néteƒu Limeyi.

Luka 12:1

Ka bekyuli mpim mpim badi bábasa mmɔ ɔni na baanya lɛlɔ muedi ni, Yesu ɔ́ka nwuna batɛyane bɔsu ɔnini, “Binye kagyumana kaduɛ na Ƒarisiƒuɔ ɔkɔ ablala ani muuƒú bekyuli mmɔ lɛlɔ.

Mateo 16:12

Mmɔ asa na ɔ́bla batalane bammɔ nwaa ka ɔɔɔdi bɔnyii bɔni baakya ala kemmo na uuƒu lɛlɔ ɔda na uubó-ma. Mmomu ni, ala ani na Ƒarisiƒuɔ ku Sadukiƒuɔ baatina na ɔda.

Malakai 2:12

Muuvele nnii Unwoti ɔsɔ utaya na bekyuli bani na báƒiɔ ulu ɔmɛni lɛlɔ basɔ babla nwuna bekyuli akɔ badi lɛnɔ si ina baawia kpakplaa ka beti etela adi beboku-nwu.

Lɛkpa Ulu 16:5

Bebuo bani nse nte ka beti-ma bakpa bete Katɔti na Kukpi Lili Bɔvia limeyi lɛmmɔ lɛlɔ ni, bɛnu ka bɛ́du bebuo bammɔ ƒui na kesii kani na Katɔti ɔ́su úse ka bitaakpa-nwu mmɔ kani, na ɔɔɔdi lɛma lɛni na bina Unwoti Katɔti ɔ́su úse ka wete-mii. Bɛdu bebuo bammɔ na Kukpi Lili Bɔvia limeyi bɔdi useyi ɔmmɔ biti bɛtina uwi ɔni kemmo na bíti bɛɛlɛ́ Egyipte kalɔ lɛlɔ.

Lewiƒuɔ Ɔda Bubo 17:14

ɔsika lɛla lidiedi biala ngba ndi nwuna ubugya. Ɔmɛni ɔsu na lɛ́su Israelƒuɔ nnini, “Bina akɔ ɔdi utadi lɛla lidiedi biala ubugya, ɔsika lɛla lidiedi biala ngba ndi nwuna ubugya. Na ukyuli biala madi ubugya ɔmmɔ ni, ɔlɛka bidie-nwu bina akɔ.”

Lewiƒuɔ Ɔda Bubo 17:10

“ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Israelƒuɔ Bɔlɛ 31:14

“ ‘Na bɛdi lɛnwunameyi lɛmɛni lɛlɔ kaduɛ. Ɔsika lɛdi mina limeyi kedee. Na ukyuli ɔni mayu atuɔkplu na wabla kabla kadi limeyi lɛmmɔ lɛlɔ ni, ɔlɛka badu-nwu.’

Luka 2:43

Na ka limeyi lɛmmɔ bɔdi lɛ́sa na básɔ bénwini bésela ɔma ni, Yesu anwu ɔ́sɔ ɔ́kya kama na Yerusalem mmɔ. Na nwuna bawɔne bátati lɛni.

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”

Ala Alɛdi 2 30:21

Lɛlɔ lɛ́yɔ Israelƒuɔ bani nkya Yerusalem mmɔ geen na bádi Bodobodo Ɔni Néteƒu Limeyi emeyi maatɛ sɔɔn. Na Lewiƒuɔ ku bakpane bammɔ bédie lɛnu bémwi Unwoti limeyi ndi limeyi na baagyá bana agyala ammɔ ƒui.

Esra 6:22

Na emeyi maatɛ na béti bádi Bodobodo Ɔni Néteƒu Limeyi ku lɛlɔyɔ, ɔsika Katɔti ɔ́ya na lɛlɔyɔ lɛ́ƒɔ-ma lɛlɔ kemmo ɔkɛnku kalɛ na ɔ́ya na Asiriaƒuɔ ɔga ɔ́vumana nwuna ɔbladu na úbunku na bátu Katɔti ɔtɔ ɔmmɔ béte Israel Katɔti ɔsu.

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 30:38

Na si ɔdi ɔ́bla ɔdi ɔ́kyula ute lɛlɔ ni, ndubo-nwu bɔda budie mina bekyuli akɔ.”