Israelƒuɔ Bɔlɛ 11:6 - Katɔti Ɔku Kedee

⁶ Na kɔvanu kɔni udu nátalɛ tɔ dii na Egyipte na kɔsɔ kɔɔɔdubo bɔlɛ kudii lɛnɔ kɔdubɔlɛ limeyi lɛmmɔ.

Israelƒuɔ Bɔlɛ 11:6 Referans Kwoze

Israelƒuɔ Bɔlɛ 12:30

Na ka Ƒarao ku nwuna benengu ku Egyipteƒuɔ bekyuli békeyi lɛlɔ bágyinya usien ɔmmɔ ni, ukyuli biala úse kalɔ uuwulo. Ɔsika Egyipte kaduli biala kemmo ni, ukpine ɔtɛ.

Amos 5:17

Bina adingyii mmo bɔmmɔ kemmo muedi keku sɔɔn na bɛdubunu ka kada, ɔsika lɛni na lɛ́su ka ndububo mbani-mii kɔtu. Ami Unwoti násu!”

Luka 13:28

“Mmɔ na keku ku animi bɔdu bɔdubɔkya uwi ɔni na bɛdubɔnu Abraham ku Isak ku Yakob ku Katɔti kenye bediene ƒui na Katɔ Ɔga Ɔma uwi ɔni kemmo na Katɔti ɔ́gya-mii ɔnii biteduo.

Seƒania 1:10

“Ami Unwoti líse kenye ka limeyi lɛmmɔ lɛlɔ ni, bekyuli badubo keku buteewulo momoomo geen bɔsi ɔma ɔmmɔ kesii kani baalɔ banii Kɔbɛ Ɔban Kayakun ku Ɔma Ɔwɔdi na beteebuli taaƒɛ lɛlɔ ɔ́si abi atɔdi ammɔ lɛlɔ.

Kɔnyana Buwulo 3:8

Na ina uwi ɔni na mɔɔva taakpali-nwu nnii ubunku-mi muedi ni, úni na útakpete-mi.

Yeremia 31:15

“Bekyuli bénu kɔku kɔdi na Rama ka beewulo momoomo. Rahel bawɔ beewulo bana bebi. Na belenu kɔnu bɔsia, ɔsika bebi bammɔ békpi.

Yesaia 15:8

Na kɔku kɔni na Moab kalɔ lɛlɔ bekyuli baabla ni, kɔvanu kɔmmɔ ku kɔnyana etemila aaku teetéwi Eglaim na ɔkɛ mmɔ útédu Ber-Elim na kalɔ kammɔ ɔmii lɛlɔ muedi.

Agba 21:13

Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Israelƒuɔ Bɔlɛ 11:7

Nsu Israelƒuɔ keliekɔ aka ni, akpewe ina unwi muedi ulébo kudu na ukyuli iye ebuo ɔdi ɔsu.’ Na mmɔ na adubo bɔnu bɔti ka ami ɔni ndi Unwoti mɔɔkya kavumana Egyipteƒuɔ ku Israelƒuɔ ntɛ.

Israelƒuɔ Bɔlɛ 9:18

Anwuɔsu kɔnaadi ɔƒɛni kalɛ ni, ndubɔya na etubankɛ ku ɔƒɛƒɛɛ kpakplaa ɔni udu nétebo tɔ na Egyipte kalɔ lɛlɔ ubekpo.

Yesaia 19:16

Na limeyi lɛmmɔ lɛlɔ ni, Egyipteƒuɔ badubɔta babla aani beleku, na lɛlɔ litaatɔ-ma geen ku bɔyia na Unwoti Katɔti kɔnu kɔni na ɔ́talaku katɔ ɔnii ɔɔƒiɛmi-ma ɔsu.