Israelƒuɔ Bɔlɛ 11:3 - Katɔti Ɔku Kedee

³ Ɔsika Unwoti ɔ́ya na Egyipteƒuɔ beeti ɔbu teete Israelƒuɔ geen. Na sɔsɔ ni, Ƒarao benengu ku Egyipteƒuɔ ƒui baanu Mose ka ɔdi ukyuli ɔni náƒɔ kuye geen.

Israelƒuɔ Bɔlɛ 11:3 Referans Kwoze

Israelƒuɔ Bɔlɛ 12:36

Na Unwoti ɔ́ya na Egyipteƒuɔ ƒui beeti ɔbu teete Israelƒuɔ kaduɛ. Na ɔmɛni ɔsu ala ani béye-ma ni, béte-ma. Na ulu ɔmɛni lɛlɔ na Israelƒuɔ béti bákɛ akɛla pii básiku Egyipteƒuɔ kudɔ na béti-nya bátɔlɔku.

Israelƒuɔ Bɔlɛ 3:21

“Ndubɔya na Egyipteƒuɔ beti ɔbu bete-mii kalɛ na si uwi ɔni na bina bekyuli badubo bɔtɔlɔ ni, belesie ku enukplu.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.

Yesaia 60:14

Na bekisine bani nékpoku-mii ni, bana bawɔ badubɔlɛ akɔnkɔ kalɔ na bina lɛgba akɔ na basu-mii banii, ‘Sion ɔdi Unwoti Israel Katɔti Kedee ɔma unengudi.’

Kɔgya 106:46

Na ɔ́ya na bana bekisine baanu-ma kɔnyana.

Ala Kalɔ Buse 39:21

Unwoti Katɔti ɔsiaku Yoseƒ geen na ɔ́bla-nwu lɛƒɔndia ɔni na nwuna lɛlɔ lɛ́da ɔgyumanane unengu ɔmmɔ kubiti.

Batalane Kabla 7:22

Ɔ́da-nwu na ɔ́tina-nwu Egyipteƒuɔ ala bɔbla ku bana kɔkwɛ ƒui, na ɔ́lɛ lili úbabla ukyuli geen na butemi ku kabla lidu pii kemmo.

Ester 9:4

Mordekai únwini ukyuli unengudi geen na úbaƒɔ lɛnyi na kɔlɛkɛ kɔmmɔ ƒui kemmo ɔni na bɔkɔ kani na nwuna ɔyikun ɔɔkɔ́ katɔ uwi biala.

Samuel 2 7:9

Na kesii biala na akɛ ni, lɛ́siaku-ɔ. Na líbunku-ɔ na ádi ƒula bekisine ƒui lɛlɔ. Na ɔƒaani lɛnɔ ni, ndubɔbla-a na aƒɔ lɛnyi aani baga bamba bani náƒɔ lɛnyi bétulo ƒui na kalɔ lɛlɔ.

Lɛkpa Ulu 34:11

Na kenye udiene ɔdi lɛnɔ útabla akɔla lidu lidu budie taatina kudii aani akɔla lidu lidu lɛni na Unwoti ɔ́tala Mose na útábla ɔ́tina Egyipteƒuɔ Ɔga ku nwuna kabla bablane ku Egyipte kalɔ bekyuli ƒui.

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Israelƒuɔ Bɔlɛ 12:35

Na Israelƒuɔ bábla lɛla biala siin aani kalɛ na Mose úbo-ma ɔda. Na bévele Egyipteƒuɔ na béte-ma sika ugyiedi ku ɔƒualadi, na bévele-ma adi lɛnɔ.

Lɛkpa Ulu 34:10

Na Katɔti kenye udiene ɔdi útakya Israel kudii aani Mose kalɛ. Na Unwoti útaatɛmi-ku Mose anumi ku anumi.

Yosua 4:14

Na lɛla lɛni na Unwoti ɔ́bla limeyi lɛmmɔ lɛ́ya na Yosua ɔ́ƒɔ lɛnyi na Israelƒuɔ akɔ. Na béti ɔbu béte-nwu nwuna ngba bulie kemmo ƒui aani kalɛ kani na béti ɔbu béte Mose.