Israelƒuɔ Bɔlɛ 10:7 - Katɔti Ɔku Kedee

⁷ Na Ƒarao benengu bammɔ básu-nwu banini, “Bi ɔsu na ɔlɛka bɔya na ɔnana ɔmɛni uteekpoku-bu lɛni? Bɛya bute Israelƒuɔ bamɛni kuƒi na batɔlɔ, na beteesie batákpa bana Unwoti Katɔti. Aanu taati ka Egyipte kalɔ ƒui kadaku udu bɔyii na ama ɔsu?”

Israelƒuɔ Bɔlɛ 10:7 Referans Kwoze

Samuel 1 18:21

Na ɔ́bla kasusu ɔnini, “Ndubuti mina ubi ɔmɛni lite-nwu kalɛ na makana-nwu kakpagyuɛ bɔkywɛɛ na Ƒilistiƒuɔ bakɛ-nwu badu.” Anwuɔsu Saul ɔ́su Dawid ɔnini, “Kuƒi kunyɔdi kɔ́lɛmi-ɔ na ndubuti mina ubi ulekubi lite-ɔ na enwini-mi ubi ɔgya.”

Etemila 7:26

Lɛ́nu lɛ́ti ka uleku ukpidi ubo ɔdu utulo kukpi. Na úbimi enu ku kayi ƒui úse aani kakpagyuɛ ka uƒie ukyuli. Na ɔnana ɔni mɔɔdi Katɔti litemi lɛlɔ ni, ɔkana na ukeli-nwu. Nsu ukyuli ɔni na uládi-ni lɛlɔ ni, ɔdubo-nwu buƒie aani kakpagyuɛ na ɔyii udu kede kede.

Yosua 23:13

bise likpo ka bina Unwoti Katɔti ɔsɔ ɔɔɔdubo bukpoku kadi bamba bekyuli bani nébu mmɔ bute-mii lɛnɔ. Mmomu bina ɔbladu ɔmmɔ ɔdubunwini kakpagyuɛ ute-mii, na ɔlɛ ɔni bɛdubunu ɔdubɔbla aani kalɛ na beewi ukyuli kugyiimi iye aani kalɛ na alakpi eeduo ukyuli anumi uti utédu ka bina Unwoti ɔ́yila bina ƒui udu na kalɔ kabuni kani na úti úte-mii mɛni lɛlɔ.

Israelƒuɔ Bɔlɛ 23:33

Bitete kuƒi na bekyuli bammɔ belie-mii kudɔ, si ɔɔɔdi lɛni ni, badubo bɔya na bɛbla likpidi na mina anumi, ɔsika si bɛ́kpa bana baƒiɔ ni, ɔdubunwini kakpagyuɛ na kedie-mii.”

Korintoƒuɔ 1 7:35

Mɔɔwia ka libunku-mii. Ɔmɛni ɔsu na mɔɔsu-mii ala amɛni. Neeenyimi-mii ku ɔda bubo bɔdi. Mmomu mɔɔyɔ́ ka bilie ngba na ulu geen ɔmmɔ lɛlɔ. Na bɛkana na biti lɛlɔ bite Blɔti lɛti ƒui kede kede ku bina kayi ƒui.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Yeremia 51:8

Nsu uwi uletu asa na Babilon ɔdubo bubuli na ɔyii udu. Ami Unwoti násu baƒɔ bani nkya mmɔ nnini, ‘Biwulo bite ɔma ɔmɛni! Na bɛƒɔ kuvo bɛsia-ma alɛbi ani nsia-ma lɛlɔ. Ɔƒɛni kalɛ lɛdubɔsa-ma.’

Yeremia 48:4

Badubo Moab butu bugyingya! Na ƒula bebi badubo buteewulo.

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Yesaia 14:20

Na baaadubo-ɔ bɔva bubunku bakladi kalɛ na báva ama, ɔsika ébile ƒula kalɔ na ádu ƒula bekyuli. Ukyuli ukpidi bebi ni, basɔ baaadubo-ma anyi bɔkpali kudii.

Agba 29:6

Bekyuli bekpidi ni, bana likpidi kakpagyuɛ muudie-ma. Nsu bekyuli bani nse siin ni, baakɛ́ lɛlɔyɔ ku kudu.

Kɔgya 107:34

Na ɔɔbla kalɔ kani mɔɔdia adila lɛnɔ na keenwíni kalɔ kagyani kani mbo mma na kaládia edula. Ɔsika kalɔ kammɔ bekyuli badi bekyuli bekpidi.

Israelƒuɔ Bɔlɛ 8:19

Mmɔ na Ƒarao bevone bammɔ báni béde Ƒarao na básu-nwu banini, “Lɛla lɛni mɔɔlɛ́ mɛni lɛ́si Katɔti kudɔ.” Nsu Ƒarao ɔ́mu ɔ́yu kayi ɔkplu na útenu-ma litemi kalɛ kani na Unwoti ɔ́su úse.

Israelƒuɔ Bɔlɛ 7:5

Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Israelƒuɔ Bɔlɛ 12:33

Amu na Egyipteƒuɔ bénye Israelƒuɔ lɛlɔ ka bababla na bagyu batɔlɔ. Na basu-ma banii, “Si bítatɔlɔ pla bula ƒui bɔdubo bukpi.”

Samuel 1 5:11

Ka bétenuku-ma kalɔ ɔsu ni, Ekron ɔma bekyuli lɛnɔ bálɔ Ƒilistiƒuɔ agyina besiene kelisa na básu-ma banini, “Bɛsɔku Bunyimi Adaka ɔmɛni bimene bekyuli bani ɔdi na ɔdi kalɛ na bulása bukpi.” Liƒu líduo ɔdi biala ɔƒɛni amu, ɔsika ɔgbankpi geen ndaku bɔlɛ kesii kani ƒui na bada Bunyimi Adaka ɔmmɔ baavínku. Na Israel Katɔti ɔdaku nwuna ɔyikun budie taatina geen.