Israelƒuɔ Bɔlɛ 10:3 - Katɔti Ɔku Kedee

³ Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Israelƒuɔ Bɔlɛ 10:3 Referans Kwoze

Petro 1 5:6

Anwuɔsu bɛya na Katɔti ɔyikun utaadi-mii lɛlɔ. Na watalaku-mii katɔ na uwi ɔni lɛlɔ na ɔɔyɔ́.

Yakobo 4:10

Biboku lɛlɔ kalɔ bite Blɔti, na ɔdubɔtalaku-mii katɔ.

Baga 1 21:29

“Ánu áti kalɛ na Ahab úboku lɛlɔ kalɔ na mina anumi? Ɔ́si lɛla lɛni na ɔ́bla mɛni ɔsu ni, lɛɛɛdubo ɔgbankpi ɔdi buti buboku-nwu lɛlɔ na nwuna ngba uwi. Mmomu ndubɔya na ɔgbankpi ɔmmɔ ɔlɛ nwuna kaduli na ubidi uwi.”

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Yeremia 13:18

Unwoti ɔnii nsu-mii ka ɔga ɔmmɔ ku uni ƒui badubɔta bana kuliekɔ na bebimi bana kɔgabwa.

Esekiel 5:6

Nsu Yerusalemƒuɔ báta bénye-mi lɛlɔ na banii belenu-mi litemi. Béni mina ɔda bubo na bénwini alaekpidi bablane bonwu betulo kadi bamba bekyuli bani náka bámana-ma muedi.

Yeremia 13:10

Yuda kadi bekyuli badi bekyuli bekpidi na bebo atuɔkplu na belenu litemi. Na baabla lɛla biala na ama baayɔ́ na baakpá baƒiɔ na mina litemi bunu kenye. Na si uwi ɔni na lɛ́wɔlɔ lɛla lɛni na nnii mɔɔblaku-ma ni, basɔ baaadubo lɛla lɛdi bɔdia bɔbla, ɔsika lɛni na badubo buse aani kalɛ na lɛwuku lɛmmɔ lise na aanu.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 1:24

“Nsu bítakpete-mi uwi ɔni na lɛ́kpali-mii. Na uwi ɔni na lídie enu nnii mɔɔƒɔ́-mii ni, ɔdi útenwini útanu-mi.

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Ala Alɛdi 2 33:12

Uwi ɔni na kekpo kéƒie Manase na úusie ɔkya mmɔ ni, úvele Unwoti Katɔti ɔnii uti nwuna ekpidi ɔkyiɛ-nwu na ubunku-nwu.

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Bumomo Bɔka 14:27

“Uwi ɛlɛ geen na bekyuli bekpidi bamɛni badubunye bataadɔ bana lɛlɔ kemmo kalɔ kalɔ na mina lɛlɔ betédu? Línu ala ani na benye baaká taadɔnku-mi.

Israelƒuɔ Bɔlɛ 16:28

Amu na Unwoti úye Mose ɔnini, “Uwi ɛlɛ sɔɔn na amii Hebriƒuɔ bɛdubuni mina ɔda bubo lɛlɔ bɔdi bitédu?

Israelƒuɔ Bɔlɛ 9:17

Nsu ámu énye áda mina bekyuli na anii elete-ma kuƒi na batɔlɔ.

Ala Alɛdi 2 7:14

Si ami ɔlati mina kadi bekyuli badubo lɛlɔ kalɔ buboku na bakpali-mi bevele na benwini bebo-mi kudɔ na bada ekpidi bɔbla baya ni, ndubunu bana buvele na liti bana ekpidi lɛkyiɛ-ma na lɛya na kalɔ kammɔ kasɔ kataadia edula.

Israelƒuɔ Bɔlɛ 4:23

na lɛ́su-ɔ nnini, “Ya na mina ubi ɔtɔlɔ, kalɛ na usie utábla-mi kabla na ɔkya-mi lili kalɔ.” Nsu éni na étedie-nwu ulu na ɔtɔlɔ, anwuɔsu ndubo ƒula ubi ɔnanabi udeedi bɔdu.’ ”

Israelƒuɔ Bɔlɛ 10:4

Si éni-ma ulu budie ni, ndubɔya na baalɔlɔ bani muubile ala baƒɔ ƒula kalɔ kammɔ ƒui lɛlɔ kɔnaadi.

Baga 2 22:19

Na ávumana kayi na éboku lɛlɔ kalɔ éte-mi. Na áni ƒula adala ábwɛ na akya eewulo uwi ɔni na énu ásiku ɔku ɔmmɔ kemmo ka ndubo Yerusalem ku bekyuli bammɔ ƒui kɔtu bɔni na lɛbla-ma aani ewida lɛla. Anwuɔsu línu ƒula katɔ bɔkpali.

Yeremia 50:29

“Bikpoku Babilon amii nwuna bekisine atula bebone. Na bɛbla kakyakɔ bɛmana ɔma unengudi ɔmmɔ. Na bitaya na ɔdi biala ukeli ɔtɔlɔ. Babilon ɔ́ta na únye ɔ́siaku ami Katɔti kedee. Anwuɔsu ala ani na ɔ́bla lɛma linengudi bamba ni, amii lɛnɔ bɛbla-nwu lɛni kani.

Daniel 5:22

“Ɔga Belsasar, agyi ala amɛni ƒui na adi átabɛ-ɔ, nsu ébulo anii eleboku lɛlɔ kalɔ.

Israelƒuɔ Bɔlɛ 5:1

Amu na Mose ku Aaron bésie Ƒarao kudɔ na básu-nwu banini, “Unwoti ɔni ndi Israelƒuɔ Katɔti ɔnini, ‘Te mina bekyuli kuƒi na beteesie ketele kemmo na batádi limeyi bete-mi.’ ”