Israelƒuɔ Bɔlɛ 10:26 - Katɔti Ɔku Kedee

²⁶ Oowo ɔlɛka buti bula bebuo lɛnɔ bɔda. Na ɔdi ɔgbanvuo ulébu kama. Bebuo bammɔ badi na bɔdubuti bɔbla akpala. Na si búteduo tɔ mmɔ ni, buláti bani madia akpala ammɔ bɔbla bute bula Unwoti Katɔti.”

Israelƒuɔ Bɔlɛ 10:26 Referans Kwoze

Hebriƒuɔ 11:8

Ɔkɛnku bɔƒɔtaadi lɛlɔ ɔsu na Abraham únu Katɔti litemi uwi ɔni na Katɔti ɔ́lɔ-nwu ka uteesie kalɔ kani lɛlɔ na Katɔti ɔ́su ka ɔdubuti ute-nwu lɛlɔ. Únu kalɔ na úsie ina ka ɔɔɔgyi likpo lɛni na úsela.

Korintoƒuɔ 2 8:5

Na ala ani na bábla mɛni ni, étulo ala ani na abu alati bɔ́sia anu ka bakana bɔbla. Kudeedi ni, béti lɛlɔ béte Blɔti na béti lɛlɔ béte abu lɛnɔ aani kalɛ na Katɔti ɔɔwia.

Sakaria 14:20

Na uwi ɔmmɔ kemmo ni, bekyuli badubo etemila adi bunweni bɔsia abontolobi ani nda bapɔnkɔ bammɔ ɔkwɛ banini, “Ɔmɛni na búdie sɛsɛɛ búse búte Unwoti.” Na geen ni, libui lɛnwandi biala na Yerusalem ni, lɛdubɔbla kedee lite Unwoti Ɔyikune Ƒui aani akpala ebui ani nsia lɛkpabi lɛlɔ kalɛ. Na bakana beti lɛdi biala beƒulo ebuo biala na béti bákpa béte Unwoti. Na ɔɔɔdi banii ntu libui lɛƒunadi bamba na béye béte ukyuli ɔni mɔɔwia ɔbla akpala adi. Na uwi ɔmmɔ ni, ama bani naaaƒɔ taadi basɔ baaadubo Unwoti Katɔti kakpakɔ bɔkya.

Hosea 5:6

Na badubuti bana bebuo lidu lidu bada na babawia ami bana Katɔti ulu, nsu balanu-mi, ɔsika línwini kama lɛ́kya-ma.

Yesaia 23:18

Nsu na kawɔlɔkɔ ni, kɔsia kɔni na Tiro kadi bekyuli bamɛni bákɛ na bana kuye bɔdi kemmo ni, belému-nya belése lɛlɔ kani. Mmomu badubudie-ku bese sɛsɛɛ bete Unwoti na beti babla kabla na beye adala ku adila abuni bete bekyuli bani mɔɔbla Katɔti kabla.

Agba 3:9

Ti ƒula lɛkɛ teemwi Unwoti. Na eti ƒula edula biala ebi edeedi ete-nwu.

Israelƒuɔ Bɔlɛ 12:32

Na biti bina baƒonu ku bese ku ɔmantɛ bakɔ na bɛtɔlɔ. Na bivele Unwoti kusɛ kusɛ bite-mi asa na bɛtɔlɔ.”

Israelƒuɔ Bɔlɛ 10:9

Amu na Mose údie kenye ɔnini, “Bɔdubutiku bula banamu ku benengu ku bebi bananabi ku belekubi ku bebuo lidu lidu ƒui, ɔsika limeyi geen na bɔdubo bɔdi bute Unwoti.”

Israelƒuɔ Bɔlɛ 10:25

Amu na Mose údie kenye ɔnini, “Amu adubɔwia akpala ete-bu ku ani na bɔdubɔkyula bute Unwoti Katɔti lɛnɔ ete-bu.

Israelƒuɔ Bɔlɛ 8:27

Anwuɔsu ɔlɛka buti emeyi atɛ busie butéduo ketele kemmo na butábla akpala ammɔ na mmɔ aani kalɛ na bula Unwoti Katɔti úbo-bu ɔda.”