Israelƒuɔ Bɔlɛ 10:24 - Katɔti Ɔku Kedee

²⁴ Amu na Ƒarao ɔ́lɔ Mose na ɔsu-nwu ɔnini, “Biteesie bitákpa Unwoti na bitiku bina beleku ku bebi muedi ƒaa, nsu bɛda bina bebuo lidu ƒui binyene kama.”

Israelƒuɔ Bɔlɛ 10:24 Referans Kwoze

Israelƒuɔ Bɔlɛ 8:28

Amu na Ƒarao ɔ́su-ma ɔnini, “Ndubute-mii kuƒi na bisie bitákpa bina Unwoti Katɔti na ketele kemmo, nsu bitesie ɔgyu. Na ɔƒaani ni, bɛkpali katɔ na bivele Unwoti na mina lili.”

Israelƒuɔ Bɔlɛ 9:28

Anwuɔsu kpali Unwoti na evele-nwu ete-bu, ɔsika etubankɛ ku katɔ budu ɔgbankpi ɔmɛni údu-bu ɔkwɛ. Ndubudie-mii ulu ɔƒɛni amu, ɔsika ɔ́sɔ útalɛka bɛsɔ bɛkya mɛni lɛnɔ.”

Ala Kalɔ Buse 34:23

Bilánu ka bana bebuo ku akɛla lɛnɔ adi abu lɛnɔ adi si búnu ɔmɛni kalɔ? Ɔmmɔ ɔsu bɛya na bunu ɔmɛni kalɔ na bakya-bu akɔ.”

Israelƒuɔ Bɔlɛ 8:8

Amu na Ƒarao ɔ́lɔ Mose ku Aaron na ɔ́su-ma ɔnini, “Bɛkpali Unwoti na ɔya na bapɔtɔlɔ bammɔ ƒui balɛ ami ku mina kalɔ bekyuli ƒui lɛlɔ. Na ndubute bina bekyuli kuƒi na batɔlɔ. Kalɛ na batábla akpala bete Unwoti.”

Israelƒuɔ Bɔlɛ 8:25

Amu na Ƒarao ɔ́lɔ Mose ku Aaron ɔnii, “Biteesie na bitábla bina akpala bite bina Unwoti na Egyipte kalɔ lɛlɔ mɛni kani.”

Israelƒuɔ Bɔlɛ 10:25

Amu na Mose údie kenye ɔnini, “Amu adubɔwia akpala ete-bu ku ani na bɔdubɔkyula bute Unwoti Katɔti lɛnɔ ete-bu.