Israelƒuɔ Bɔlɛ 10:23 - Katɔti Ɔku Kedee

²³ Emeyi atɛ sɔɔn ukyuli ɔdi ulákana na ɔnu ɔkpanadi iye ɔkana na ɔlɛ kesii kani na ɔkya muedi. Nsu Israelƒuɔ keliekɔ aka keekeye uwi biala.

Israelƒuɔ Bɔlɛ 10:23 Referans Kwoze

Israelƒuɔ Bɔlɛ 8:22

“ ‘Nsu limeyi lɛmmɔ lɛlɔ ni, Gosen kalɛkɛ kesii kani na mina bekyuli belie aka ni, alɔlɔ biala ɔɔɔdubo mmɔ bɔkya. Ndubɔbla ɔmɛni na Ƒarao ɔnu ɔti ka ami ɔni ndi Unwoti nkya kalɔ kamɛni kemmo.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Israelƒuɔ Bɔlɛ 9:4

Nsu Israelƒuɔ bebuo ama ni, ami Unwoti ndubɔya na bana akɔ ɔdi ulekpi, na kavumana kakya Egyipteƒuɔ ku Israelƒuɔ ntɛ.’ ”

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Yosua 24:7

Amu na bíwulo bɛ́kpali Unwoti ka ubo na ubebunku-mii. Amu na líti lɛdisa bonwu lɛ́kya amii ku Egyipteƒuɔ ntɛ. Na lɛ́ya na ɛpu ɔmmɔ ɔ́nyina-ma. Na ɔmɛni ƒui ɔ́lɛ na bina anumi kalɛ na lɛ́bla Egyipteƒuɔ bammɔ. Na bílie kalɔ kakwiidi kemmo uwi gyɔlɔɔ.

Israelƒuɔ Bɔlɛ 14:20

na lɛ́kya Egyipteƒuɔ bekpone ku Israelƒuɔ ntɛ. Na usien umodi ɔmmɔ ni, liƒlukutu lɛmmɔ lɛ́ya na lɛdisa líduo kakɛ kadi na kakɛ kadi lɛnɔ bukeye bɔkya mmɔ, na ɔdi utakana ɔkpanadi kudɔ bɔkpɛ bude usien ɔmmɔ ƒui kemmo.

Israelƒuɔ Bɔlɛ 9:26

Na Gosen kalɔ lɛlɔ kesii kani na Israelƒuɔ belie aka etubankɛ ammɔ átana.

Amos 4:7

“Lɛ́ya na ɔnantu lɛnɔ ɔ́da bɔna ɔ́ya uwi ɔni kemmo na nka bina edula aawia ɔnantu geen, na bɔna kani na lɛ́ya na ɔɔna egyu egyu, na lɛma lɛmmɔ kemmo na ekpo akladi ákwii.

Israelƒuɔ Bɔlɛ 7:25

Emeyi maatɛ ávi ɔ́si uwi ɔni na Unwoti úti ugyii ɔ́ƒiɛmi Nil ntu bɔmmɔ anumi.

Israelƒuɔ Bɔlɛ 8:18

Nsu ka Ƒarao bevone lɛnɔ banii beedie baƒɔtɔ bammɔ badi ni, bátakana, na Mose badi báƒɔ bekyuli ku bebuo lɛlɔ ƒui.

Israelƒuɔ Bɔlɛ 8:19

Mmɔ na Ƒarao bevone bammɔ báni béde Ƒarao na básu-nwu banini, “Lɛla lɛni mɔɔlɛ́ mɛni lɛ́si Katɔti kudɔ.” Nsu Ƒarao ɔ́mu ɔ́yu kayi ɔkplu na útenu-ma litemi kalɛ kani na Unwoti ɔ́su úse.