Israelƒuɔ Bɔlɛ 10:22 - Katɔti Ɔku Kedee

²² Anwuɔsu Mose ɔ́talaku kɔnu katɔ ɔ́tina kayaa na lɛdisa bonwu lɛ́ƒɔ Egyipte kalɔ ƒui emeyi atɛ sɔɔn.

Israelƒuɔ Bɔlɛ 10:22 Referans Kwoze

Kɔgya 105:28

Katɔti ɔ́ya na lɛdisa lɛ́ƒɔ kalɔ kammɔ ƒui. Nsu Egyipteƒuɔ bétenu-nwu litemi.

Budie Taatina 16:10

Amu na ɔtu ɔlɔndi úwilimi lɛla lɛni nkya nwuna kalaku kemmo úwi eƒiebuo ɔmmɔ lɛgaboku lɛlɔ. Na kalɔ kani lɛlɔ na eƒiebuo ɔmmɔ ɔɔdi lɛga ƒui kábla suu kɔnakunwi! Na bekyuli baadu anyi na lɛbibo ɔsu.

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Yoel 2:31

Ɔƒɛ ɔdubɔbla suu, na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo.

Yoel 2:2

Na limeyi lɛmmɔ lɛdubo bɔbla suu, na liƒlukutu suu lɛdi lɛƒɔ kayaa ku abi lɛlɔ. Na bekpone lisu bonwu lɛdi lɛdubɔda lɛlɛ bani udu nétedie tɔ lɛlɔ kudii na badi lɛnɔ basɔ belebo kudii.

Lɛkpa Ulu 5:22

Ɔda bubo bɔmɛni na Unwoti úti úte-mii uwi ɔni bɛ́sala binye kɔbi kɔmmɔ kaƒɔna. Na mmɔ bínu-nwu lɛdi bonwu bɛ́siku lɛgyavonku kemmo ku liƒlukutu bili bili kemmo na mmɔ use suu geen. Na únweni ala ammɔ ɔ́sia atabi anyɔ lɛlɔ na úti úte-mii. Na ɔ́sɔ útasu lɛla lɛdi útebunku ɔmmɔ.

Lɛkpa Ulu 4:11

Bíbo bíbenye kɔbi kɔmmɔ kaƒɔna na liƒlukutu bili bili bonwu lɛ́ƒɔ-ku lɛlɔ ƒui na ɔ́bla suu geen na ogya ɔɔda taasi-ku lɛlɔ teetédu katɔ ƒui na ɔ́bla suu geen.

Israelƒuɔ Bɔlɛ 20:21

Nsu ɔmmɔ ƒui kama bekyuli bammɔ bámu benye ɔgyu baanu, na Mose lɛti kani nésie úsela kɔbi suu kɔni kemmo na Unwoti ɔ́kya mmɔ kudɔ.

Amos 4:7

“Lɛ́ya na ɔnantu lɛnɔ ɔ́da bɔna ɔ́ya uwi ɔni kemmo na nka bina edula aawia ɔnantu geen, na bɔna kani na lɛ́ya na ɔɔna egyu egyu, na lɛma lɛmmɔ kemmo na ekpo akladi ákwii.

Hiob 5:14

Na bakɛ ku kadi nwaa, nsu ɔƒɛ ɔɔsá taakya-ma. Na bakɛ beebó enu na ulu lɛlɔ aani si usien na ɔdi.

Yesaia 8:22

Na si báyula anumi kalɔ lɛnɔ ni, lɛƒɛda lɛmmɔ kani na badubo bɔnu na ɔbla-ma suu na liƒu geen lɛƒɔ-ma lɛlɔ kemmo ƒui na basɔ bakya lɛdisa suu lɛmmɔ kemmo.

Esekiel 32:7

Ndubo bɔya na liƒlukutu litile kayaa kammɔ ku ayabi ƒui anumi kalɛ na ɔƒɛ ku kɔbuli ƒui kɔsɔ kulekeye.

Esekiel 32:8

Kayaa ƒui kadubo bɔbla tonwu tonwu. Na bina kalɔ kemodi kammɔ kabla suu. Ami Unwoti násu.