Israelƒuɔ Bɔlɛ 10:21 - Katɔti Ɔku Kedee

²¹ Amu na Unwoti ɔ́su Mose ɔnini, “Talaku kɔnu na eti atina katɔ na ndubɔya na lɛdisa susuusu bonwu lɛdi libo Egyipte kalɔ ƒui lɛlɔ.”

Israelƒuɔ Bɔlɛ 10:21 Referans Kwoze

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.

Petro 2 2:17

Bekyuli bamɛni bese aani abiɔ ani nákwi, iye ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse.

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Luka 23:44

Uwi ɔmmɔ ka ɔ́bla aani ɔƒiiwi lɛdɔ leevu-inyɔ ni, ɔƒɛ ɔ́da bɔlɛ ɔ́ya na kadi kábla suu na kalɔ kammɔ ƒui lɛlɔ úti útédu lɛdɔ ɛtɛ kemmo.

Marko 15:33

Ɔƒiiwi ni, kalɔ kammɔ ƒui kábla suu. Na ɔmɛni ɔ́bla lɛni laa útédu lɛdɔ ɛtɛ kemmo.

Mateo 27:45

Amu na kalɔ kammɔ ƒui kábla suu ɔ́si lɛdɔ leevu-inyɔ uwi útalɛ lɛdɔ ɛtɛ kemmo.

Agba 4:19

Nsu bekyuli bekpidi kavinkɔ aka kese aani ubu ɔni nse suu geen. Na balati lɛla lɛni mɔɔyá na beetulo taagbanta.

Kɔgya 105:28

Katɔti ɔ́ya na lɛdisa lɛ́ƒɔ kalɔ kammɔ ƒui. Nsu Egyipteƒuɔ bétenu-nwu litemi.

Lɛkpa Ulu 28:29

Na ɔƒiiwi bɛduti bina enu bitaawia ala taanɔ aani banumbwɛne kalɛ. Na lɛla biala bɛdubɔbla limeyi ndi limeyi ni, lilatɛ lilete-mii. Bɛdubo abi bubo na bekyuli beteekpeli bina ala taaƒɔ, nsu ukyuli biala uuubo na ukpo ute-mii.

Israelƒuɔ Bɔlɛ 9:22

Amu na Unwoti ɔ́su Mose ɔnini, “Kɔliku ƒula ugyii ɔni na ada mmɔ tina katɔ, kalɛ na lɛya na etubankɛ ana ewi bekyuli ku bebuo ku edula ani ƒui nnye Egyipte mmɔ lɛlɔ.”

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Etemila 6:4

Ukyuli ɔdi ɔɔɔgyi ubi ɔmmɔ udu bɔwɔ kalɔ. Mmomu ɔɔsɔ teenwini aani kalɛ na lɛdisa lɛɛyila lɛla lɛdi taakya. Na útebo na ɔdia lɛnyi lɛdi muedi bɔsia.

Etemila 2:14

Na ɔnundane ɔɔnu nwaa, nsu ɔdɔlɔdi anwu ɔɔnya-nwu taakya gyuma gyuma lɛnumbwɛ kemmo. Nsu lɛ́nu lɛ́ti ka banundane ku badɔlɔdi ƒui ni, kawɔlɔkɔ kenwi kani nse nte bana ƒui.

Kɔgya 78:49

Katɔti ɔ́ya nwuna kɔnyi kúbo Egyipte kadi bekyuli lɛlɔ kpakplaa ɔkɛnku nwuna batu bani na údie ulu ka bani bekyuli kɔtu kɔmɛni udu.

Kɔgya 35:6

Ya na bana kɔvinkɔ ƒui kɔbla suu na kuteegyiile uwi ɔni na ƒula batu beekpóku-ma na baabɔku-ma.

Budie Taatina 8:12

Amu na ɔtu unedi ɔ́vwi nwuna kakpɛɛ. Na lɛla lɛdi lɛ́yila ɔƒɛ ku kɔbuli ku ayabi lɛkpa lɛtɛdi bukeye. Anwuɔsu usien ku ɔƒɛ limeyi lɛkpa lɛtɛdi lɛ́sɔ lítanu bukeye.

Israelƒuɔ Bɔlɛ 7:19

Amu na Unwoti ɔ́su Mose ɔnini, “Su Aaron na uti ugyii ɔdadi ɔmmɔ na unene ɔtina etukpa ku abiɔ ku lɛba lɛni ƒui nkya Egyipte kalɔ lɛlɔ. Na ntu bɔmmɔ ƒui bɔdubunwini ubugya. Na ndubɔya na ubugya ɔ́ƒɔ kesii biala. Na ntu bɔni buwi ebui ku atabi kutubui kemmo muedi bɔdubunwini ubugya.”

Esekiel 32:7

Ndubo bɔya na liƒlukutu litile kayaa kammɔ ku ayabi ƒui anumi kalɛ na ɔƒɛ ku kɔbuli ƒui kɔsɔ kulekeye.

Lɛkpa Ulu 1:30

Ɔsika bina Unwoti ndubo-mii bɔtɔnku, na ɔdubo bina kekpo ƒui bukpo bute-mii aani kalɛ na bɛ́nu kalɛ na úkpo úte-mii na Egyipte kalɔ lɛlɔ

Lɛkpa Ulu 4:34

Na muuye-mii nnii baƒiɔ badi bésie kalɔ kadi lɛlɔ dii na bétédie bekyuli bálɛku kalɔ kammɔ lɛlɔ na béti-ma bábla nwuna bekyuli aani kalɛ na bina Unwoti Katɔti údie-mii ɔ́lɛku Egyipte kalɔ lɛlɔ? Na bina anumi lɛlɔ ni, údie nwuna ɔyikun ɔ́tina-mii na ɔ́ya na lɛlɛ lidu lidu líbo bekyuli lɛlɔ, na údie akɔla lidu lidu ku ala ani mɔɔda liƒu geen ɔ́tina.

Hiob 5:14

Na bakɛ ku kadi nwaa, nsu ɔƒɛ ɔɔsá taakya-ma. Na bakɛ beebó enu na ulu lɛlɔ aani si usien na ɔdi.