Israelƒuɔ Bɔlɛ 1:11 - Katɔti Ɔku Kedee

¹¹ Amu na Egyipteƒuɔ báwia lɛlɔ badine béte-ma aani bekyuli beƒiedi lɛlɔ banune kalɛ. Bekyuli bamɛni bénye-ma lɛlɔ na baabla kabla kpakplaa, na bátu Pitom ku Rameses lɛma linengudi kesii kani na beesé ala teete bana Ɔga Ƒarao.

Israelƒuɔ Bɔlɛ 1:11 Referans Kwoze

Ala Kalɔ Buse 15:13

Amu na Unwoti ɔ́ya na Abram ɔ́ti ɔnini, “Ɔbla-a nwaa ka ƒula bawɔ ni, badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane (400) sɔɔn.

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Israelƒuɔ Bɔlɛ 2:11

Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli.

Ala Kalɔ Buse 47:11

Na ɔmmɔ kama ni, Yoseƒ ɔ́ya na ɔti ku nwuna banwani báwia keliekɔ na Egyipte mmɔ, na úse-ma kama ku akɛla ani nkya mmɔ na kabunikɔ ƒui. Mmɔ kakya Rameses kalɛkɛ kesii kani na Ƒarao ɔ́tina.

Kɔgya 81:6

“Lɛ́ya na etila átimi-mii lɛlɔ na bina enu ánwuna ásiku kabla kpakplaa kani na bítaabla kemmo.

Lɛkpa Ulu 26:6

Ka búsie bútélie Egyipte kalɔ lɛlɔ mmɔ ni, Egyipteƒuɔ bammɔ bábla-bu kalala na bénye-bu lɛlɔ ka butaabla kabla teete-ma.

Bumomo Bɔka 20:15

Bula bati kuuku bétélie Egyipte kalɔ akwa pii. Na Egyipteƒuɔ bamɛni bábla abu ku bula bati kuuku kalala geen.

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Kɔgya 105:13

Na busie kani bakɛ beesié taavi kadi bamba bekyuli akɔ ɔ́si lɛga kadikɔ úsie lɛga kadikɔ.

Kɔgya 68:13

Na beleku bani na nka bakya baƒonu akɔ baanu-ma lɛlɔ na bétesie kekpo ni, bákɛ sika ɔƒualadi ku ugyiedi ɔni na bánwamana bámana babloduma bani na bánwi avi lɛlɔ na eekeye na ɔƒɛ kemmo mmɔ.

Ala Alɛdi 2 8:4

Na ɔmmɔ kama ni, anwu ku nwuna kabla bablane bátu Tadmor ɔma ɔni na kalɔ kakwiidi kemmo ku lɛma lɛni na lɛkya Hamat kalɛkɛ kesii kani na ɔɔklibi nwuna ala adi bene buse.

Baga 1 9:19

Na ɔ́sɔku lɛma linengudi lɛni kemmo na uusé nwuna ala ku lɛma lɛni na nwuna bapɔnkɔ ku bapɔnkɔ kɛɛkɛ liinye ku lɛla biala na ɔɔwia ka ɔtu na Yerusalem ku Lebanon ku kalɛkɛ kani ƒui lɛlɔ na ɔɔdi ɔ́tu.

Israelƒuɔ Bɔlɛ 5:15

Ɔmɛni ɔsu Israelƒuɔ kabla bablane batɔnkune bésie Ɔga Ƒarao kudɔ na bétéye-nwu banini, “Bi ɔsu na aaní-bu kɔtu lɛni?

Israelƒuɔ Bɔlɛ 1:14

Baanwu lɛti na beekúlo atimbɔ ku katuma lidu bamba lɛnɔ na kemo ɔni na bana ngba keliela káyu-ma ɔdu geen.

Israelƒuɔ Bɔlɛ 5:10

Amu na lɛlɔ banune bamɛni ku bana batɔnkune bésie bátásu Israelƒuɔ ka Ɔga Ƒarao ɔnii, “Nsɔ lɛɛɛdubo-mii keti kani biiti teekulo atimbɔ mmɔ bɔwia bute.

Ala Alɛdi 2 16:4

Benhadad ɔ́bla lɛla lɛni na Asa ɔ́su-nwu na úti Siriaƒuɔ bekpone úmene Israel kalɔ lɛlɔ na bétékpo Iyon ku Dan ku Abel-Maim ku Neƒtali lɛma lɛni kemmo na baaklibi ala buse ƒui na béƒie-ni báƒɔ.

Kɔgya 129:1

“Kadi bamba bekyuli békpoku-mi ɔ́si mina lɛkloƒu uwi.” Mɔɔwia ka amii Israel kadi bɛsu ɔmɛni bɛnini,

Israelƒuɔ Bɔlɛ 5:8

Nsu bitaya na baƒana bana atimbɔ bumomo bɔni na beekúlo kuuku mmɔ. Israelƒuɔ bamɛni bébo kɔkɔsɔ, anwuɔsu na benye-mi lɛlɔ banii nte-ma kuƒi na beteesie batábla akpala bete bana Katɔti.

Kɔgya 129:2

“Ina ka kadi bamba bekyuli békpoku-mi ɔ́si mina lɛkloƒu uwi ni, bátakana na badi-mi lɛlɔ.