Ester 9:13 - Katɔti Ɔku Kedee

¹³ Mmɔ na Ester údie kenye ɔnini, “Si ɔdi-ɔ lɛƒɔyɔ ni, na ete kuƒi na Yudaƒuɔ bani na bakya Susa bekpo kɔnaadi lɛnɔ aani kalɛ na békpo ɔmwi na aya na bakya Haman bebi leevu bammɔ ɔbuli limɔ baƒala akpa ku ɔta bonwu ɔmmɔ lɛlɔ.”

Ester 9:13 Referans Kwoze

Ester 8:11

Na ɔku ɔni na bénweni mɛni uute Yudaƒuɔ ƒui kuƒi ku ɔyikun ka bekpo kadi biala bekyuli mata banii beekpó ama Yudaƒuɔ na kɔlɛkɛ kɔmmɔ ƒui kemmo, na bakyula kadi kammɔ bekyuli, na bayila-ma udu ku bana bebi ku beleku ƒui.

Lɛkpa Ulu 21:23

utalɛka ukpine ɔmmɔ ɔƒa mmɔ ugye kadi. Ɔlɛka bava-nwu limeyi lɛmmɔ kani. Si ɔɔɔdi lɛni ni, bɛdububile kalɔ kani na bina Unwoti Katɔti úti uute-mii mmɔ. Ɔsika ukyuli ɔni na báƒala-nwu ugyii lɛlɔ ɔdanku Katɔti ewida.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Ester 9:15

Ɔmmɔ ɔsu Yudaƒuɔ bani na Susa básɔ bása kɔbuli kɔtɛdi limeyi leevu-linedi lɛlɔ na bádu nkyuli eti aku na Susa mmɔ, nsu béteti lɛla bamba biala betenwini bana lɛdi.

Samuel 2 21:9

Na Ɔga Dawid úti nkyuli maatɛ bamɛni úte Gibeonƒuɔ na bádu na béti-ma báƒala Unwoti anumi na kɔbi kɔdi lili. Na bádu bana ƒui básala na emeyi edeedi ani na bése kalɔ ku edula bɔƒɛ mmɔ lɛlɔ.

Samuel 2 21:6

buuvele ka ete-bu nwuna bananabi maatɛ na bɔdu-ma na buti-ma bɔƒala Katɔti anumi na Gibea Saul ɔma unengudi kemmo.” Ɔmmɔ ɔsu Ɔga Dawid lɛnɔ ɔ́su ɔnini, “Ndubute-mii bekyuli bammɔ.”

Ester 9:14

Anwuɔsu ɔga ɔmmɔ údie lɛdi ɔnii babla lɛni na ɔ́ya na bébo ɔda na Susa ɔma kemmo, na báƒala Haman bebi leevu bammɔ.